Isaya 60:10 - Livulu lya Shukulu Kalunga

¹⁰ Shukulu Kalunga alinakwendeka ku Yelusalema ngwendi, “Yelusalema, vaka-kwija vakatungulula vivumbe vyove, co vimyene vavo vakakupangela. Njakuhisile omwo vukalu vwange, oloni ololo njikakumwesa kutetela kwange, na mema ku mbunge ange.

Isaya 60:10 Iomraidhean Croise

Myaso 102:13

Kala na mema ku mbunge na Siyone, omwo simbu inete yakumutetela, ino ikeyo vene simbu yaivwa!

Myaso 30:5

Omwo kuluvala kwendi kwa kasimbu lika, oloni vuvwa vwendi vwapwa vwa simbu yoshe. Kulila kukakalako a simbu ya vutsiki, oloni kujolela kukakalako ku mutondo.

Isaya 12:1

Litangwa lilinakwija omo vanu vakaimba ngwavo, “Njikushangazala yove Shukulu Kalunga! Yove waluvalele nange, oloni unanjizembeleka, co kuwaluvalele lalo.

Isaya 49:23

Vimyene vakapwa ngwe vaisho, na vamwene vakapwa ngwe vanyoko. Vakakutsikamena nakukusingimika, vakalikeesa mukumwesa kasingimiko kavo kuli yove. Asinoni ukazivuka ngwove kuma yange njapwa Kalunga, vaje vanjikulaela, kuvakazivi shwamwa.”

Isaya 56:6

Shukulu Kalunga alinakwendeka kuli vaje vaka-kwija vanapu vamo va vanu vendi, vaje vamuzema nakumupangela, vaje vanyunga Litangwa Lyakuhwima nakunyunga mwamuvwa cikumiiyo cendi ngwendi,

Isaya 60:3

Miyati ya vanu vakavashwenyesa ku ceke cove, co vimyene vakavashwenyesa ku litangwa lyove lyaliha.

Isaya 61:2

Nanjitumu mukwambulula ngeci simbu inete omo Shukulu Kalunga akaamena vanu vendi, nakufungulula vitozi vavo. Nanjitumu mukuzembeleka voshe vaje valinakulila,

Isaya 61:5

Vanu vange, vaka-kwija vakamipangela. Vakanyunga matanga eni nakulima mahya eni nakunyunga miti ya vinyu.

Isaya 64:9

kesi uluvale manene netu embwe, nambe kesi utuyongwele vuvi vwetu ku myaka yoshe. Anuka ngwove yetu tu vanu vove, tuzivileko mema ku mbunge.

Isaya 66:21

Vamo njikavapwisa vaka-kukombelela na vaLevi.

Njwele 2:18

Asinoni Shukulu Kalunga wazivilile ngozi lifuti lyendi, co wazivile mema ku mbunge ali vanu vendi.

Zakaliya 6:15

Vanalume vakatunda kulyala vakaija nakukwasa kutungulula Njuvo ya Shukulu Kalunga. Omo vanayitungulula, cooni mukazivuka ngeci Shukulu Kalunga Muka-nzili yoshe ikeye wanjitumine kuli yeni. Vyoshe evi vikalingiwa nga mwononoka mwamuvwa mashiko a Shukulu Kalunga Njambi yeni.

Kujombolola 21:24

Miyati ya vanu voshe va mu kaye vakenda mu ceke camwo, co vimyene va ano asi vakanenamo vufuko vwavo.

Kujombolola 21:26

Vumpau na vufuko vwa miyati ya vanu vakavunena muje mu nganda.