Isaya 6:7 - Livulu lya Shukulu Kalunga

⁷ Co wakambekele linungu lya tuhya a kanwa kange wendekele ngwendi, “Eli linakwata kanwa kove, co ololo mulonga wove unahu, na vuvi vwove vanakusambesavwo.”

Isaya 6:7 Iomraidhean Croise

Isaya 40:2

Takameseni vanu va ku Yelusalema. Valekeni ngeci tuyando twavo tunahu, na vuvi vwavo vanavusambesa. Njavahisile manene a vuvi vwavo vwoshe.”

Isaya 43:25

Nameme ngoco, yange njapwa Njambi uje muka-kumisambesa ku vuvi vweni omwo lizina lyange, co kunjikanuka lalo vuvi vweni vuje vumunalingi.

Isaya 53:10

Shukulu Kalunga alinakwendeka ngwendi, “Eci capwile cizango cange ngeci ayande, kutsa kwendi kwapwile n̄ombelo yakunena kusambesa. Ngamba yange akayoya simbu yoshe nakumona vatekulwila vendi, co muli ikeye vutumbe vwange vukaya kulutwe.

Isaya 53:5

Oloni vamutwile vimbandu omwo vuvi vwetu, vamupupile omwo kuvulumuna kwetu. Yetu tunakanguka omwo ikeye wambatele cihiso cetu, yetu vanatupwisa tuvamutunu, omwo ya vimbandu vije vamutwile.

Isaya 53:6

Yetu voshe twapwile ngwe vimanga vakuzimbala, munu na munu waile mu ngila yendi. Oloni Shukulu Kalunga wamwanene cihiso cije capandele kupwa cetu.

Isaya 57:19

Njikana kwoloka kuli voshe vaje vali muyehi na vaje vali kulyala! Njikakangwisa vanu vange.

Njelemiya 1:9

Asinoni Shukulu Kalunga wolwele livoko lyendi, co wakwatele a kanwa kange, wendekele kuli yange ngwendi, “Njilinakukwana majwi aje aunapande kwendeka.

Ndanyele 10:16

Asinoni kangelo uje wafwile ngwe munu, wolwele livoko lyendi nakukwata ku kanwa kange. Co njendekele kuli ikeye ngwange, “Shukulu, cimona eci cinanjizeyesa manene, kunjasa kusimpa.

Zefaniya 3:9

“Asinoni njikatengulula vimbunge vya vanu, co vakalombela lika kuli yange, kesi ku vinjambi veka lalo embwe. Co voshe vakanjononoka.

Zakaliya 3:4

Co kangelo wendekele ku mbunga ya vaka-mwilu vaje vemanene nendi ngwendi, “Shululeni vuzalo vwa mazilo ovu vwanazala ou munalume.” Asinoni wendekele kuli Yoshwa ngwendi, “Njinatundisa vuvi vwove, co njikwana vuzalo vwavuha ngeci uzale.”

Kulava 16:46

Mosesa wendekele kuli Alone ngwendi, “Ambata cikango cove, wakeo manungu a tuhya a ku mutula, co lalo wakeo insense. Zambwila ku mbunga ya vanu ukavajelese. Zambulako! Omwo vukalu vwa Shukulu Kalunga vunete, co na mushongo wakulitambwisa unashangumuka.”

Mateo 9:2

Co vanu vamunenelele munalume umo muka-kayekele walalele a linala. Co omo Yesu wamwene kukulaela kwavo, wendekele kuli uje muka-kayekele ngwendi, “Simpa, munange, vivi vyove vanavisambesa.”

1 Yowano 1:7

Oloni nga tuyoya mu ceke, ngwe ikeye ali mu ceke, asinoni tulitombola umo na mukwavo, co maninga a Yesu, munendi, atujelesa ku vuvi vwoshe.