Isaya 6:6 - Livulu lya Shukulu Kalunga

⁶ Asinoni umo wa vaje vikashama wapulwile asi wezile kuli yange, wambatele linungu lya tuhya lije lyatundisile ku mutula na vimana.

Isaya 6:6 Iomraidhean Croise

Kutuuka 25:38

Co fula vimana vyawo na malonga akushalamena a ngolinde yakujela.

Isaya 6:2

Akamwa yendi, emanene vikashama vakuvyazima, umo na umo wakele na mambava atanu na limo. Cikashama umo na umo walifwikile mambava endi avali ku mesho, co a muvila wendi walifwikile mambava avali, co mambava akwavo avali wakele nakuwapululwisa.

Njelemiya 1:9

Asinoni Shukulu Kalunga wolwele livoko lyendi, co wakwatele a kanwa kange, wendekele kuli yange ngwendi, “Njilinakukwana majwi aje aunapande kwendeka.

Ezekiyele 10:2

Co Njambi wendekele kuli uje munu wazalele vuzalo vwa nanga ya linyu ngwendi, “Ya mukati ka mavalo mwisi ya vaje vikashama, shulisa mavoko ove na manungu a tuhya. Asinoni shandwela manungu akamwa ya nganda.” Co njamukengelelele omo waile.

VaLevi 16:12

Co akambate cikango cije cinashulu na manungu aje alinakwenyuka tuhya akutunda ku mutula, na mavoko avali akushula na insense yakutwa mwamuvwa nakuvinena mu Mwela Wakujela Manene.

Kulava 16:46

Mosesa wendekele kuli Alone ngwendi, “Ambata cikango cove, wakeo manungu a tuhya a ku mutula, co lalo wakeo insense. Zambwila ku mbunga ya vanu ukavajelese. Zambulako! Omwo vukalu vwa Shukulu Kalunga vunete, co na mushongo wakulitambwisa unashangumuka.”

Mateo 3:11

Njimimbwitika mu mema mukumwesa kutenguluka kwa vimbunge vyeni, oloni owo akaija munima yange akamimbwitika na Munzinzime Wakujela na mu tuhya. Ikeye wakama kutuvakana yange, nameme vin̄aku vyendi kunjivyasa kuvyambata.

Vilinga vya Miluwa 2:3

Asinoni vamwene vije vyafwile ngwe vindaka vya milangi ya tuhya vyalyangunukile, co vyakele ali umo na umo.

VaHevelu 1:14

Tungelo vapwa vikajo? Vapwa minzinzime vaje vakapangela Njambi, co avatuma mukukwasa vaje valinakutambula kwovoka.

VaHevelu 1:7

Oloni kuli tungelo Njambi wendekele ngwendi, “Njambi napwisa tungelo twendi lihunzi, co ikeye napwisa vangamba vendi milangi ya tuhya.”

VaHevelu 13:10

Kuli vaka-kukombelela vaje vapangelele mu mbalaka ya vaYunda kuvakele na moko yakulya vyakukombelela ku mutula.