Isaya 6:4 - Livulu lya Shukulu Kalunga

⁴ Cililimo ca majwi avo cajajesele luvula lwa Njuvo ya Shukulu Kalunga, co Njuvo yashulile na vwisi.

Isaya 6:4 Iomraidhean Croise

2 Mizimbu 5:13

Vaka-kwimba valikumbasanene mukwimba malupembo, na vingenjo na vyakwimbisa vyeka omo vakele nakushangazala Shukulu Kalunga. Vembile ngwavo, “Shangazaleni Shukulu Kalunga, omwo ikeye wapwa wamuvwa, cizemo cendi cakala ku myaka yoshe.” Omo vaka-kukombelela vatundile mu Njuvo ya Shukulu Kalunga, co lishelwa lyakovelele nakushulisa mu Njuvo ya Shukulu Kalunga ngeci vaka-kukombelela kuvasele kwilukilamo nakupanga vipangi vyavo,

Myaso 18:8

Co vwisi vwatuukile mu majulu endi, mulangi wakunyongesa, na manungu a tuhya vyatundile mu kanwa kendi.

Kutuuka 40:34

Asinoni lishelwa lyafwikile Mbalaka, co ceke ca vumpau vwa ku mesho a Shukulu Kalunga cashulisile Mbalaka.

Ezekiyele 1:24

Njazivile muyoyo wa mambava avo omo vapululwile, wafwile ngwe kucuma kwa mema a kalunga, ngwe muyoyo wa mbunga ya mashwalale yakama, ngwe lijwi lya Njambi Muka-nzili yoshe. Omo valikelele kupulula, co vetekele mambava avo,

Ezekiyele 10:5

Co muyoyo wa mambava a vaje vikashama, vauzivile nameme mukati ka cipango. Muyoyo uje walifwile ngwe lijwi lya Njambi Muka-nzili yoshe.

Ezekiyele 41:16

vyoshe vavipangesele na mamanya kutunda asi nakweta ku vinjanena. Vinjanena evi vyoshe vasele kuvifwika.

Ezekiyele 44:4

Asinoni uje munalume wanjitwalele kwita mukati ka cikolo ca ku kunto kulutwe lwa Njuvo ya Shukulu Kalunga. Njakengele, co njamwene vumpau vwa Shukulu Kalunga vwashulisile Njuvo yendi. Njawililile asi na cihanga cange cakwatele a livu,

Amose 9:1

Njamwene Shukulu Kalunga nemana kumukulo wa mutula. Co washikile lishiko ngwendi, “Pupeni manene mitwe ya vimanda vya Njuvo yange ngeci vipamba vijaje. Vipokozoleni ngeci viwile a mitwe ya vanu. Co njikatsiila mu nzita vanu vaje vakasalao. Naumo wai akasalao, naumo wai akaputumuka.

Kujombolola 11:19

Asinoni Njuvo ya Shukulu Kalunga ya mwilu yashokolokele, na Cikasa ca Cikumiiyo vacimwene muje. Asinoni kwakele kuvyakula kwa mihyato na mikalateto nakujaja kwakama kwa kaye na cililimo na nyonzi yakama ya mamanya.

Kujombolola 15:8

Co Njuvo ya Shukulu Kalunga yashululile na vwisi vwakutunda ku vumpau na nzili ya Njambi, co naumo wai wasele kukovela mu Njuvo ya Shukulu Kalunga kuvanga noo tuyando tutanu na tuvali tuje vanenele vaje tungelo vatanu na vavali twawile.