Isaya 59:6 - Livulu lya Shukulu Kalunga

⁶ Oloni matumbe eni kesi amamvwa embwe, akewo anapu angoco ngwe vwanda vwa kavuvi!

Isaya 59:6 Iomraidhean Croise

Kushangumuka 6:11

Oloni vanu voshe vapwile vavavi ku mesho a Njambi, co vuvi vwavo vwashulile ano asi oshe.

Yombi 16:17

oloni yange kunjesi na mulonga nambe lwozi lwai, co lilombelo lyange linapu lyakujela kuli Njambi.

Myaso 55:11

Kwoshe-ikwoshe kuli kunyonga, mu vitapalo munashulu tuyando na makuli.

Myaso 58:2

Embwe, mukayongola lika a vuvi vuje vumukalingi, nakulinga milonga yakama ano asi.

Isaya 30:1

Shukulu Kalunga nendeka ngwendi, “Ngongo yavo vaje valinakushwana mu Yunda, omwo vananjitengulukila nakunjilwisa. Valinakukava matumbe aje kunjalingile, valinga lizivasano kesi lya ku cizango cange, co valinakutwalao kulinga vuvi.

Isaya 5:7

Isalele napu citungu ca Shukulu Kalunga Muka-nzili yoshe ca mikolovozi ya vushuka vwa vinyu, vanu va mu Yunda vanapu mikolovozi ya vushuka vwa vinyu ije yaakunine. Ikeye wavakulaelele ngeci valinge mwamuvwa, oloni vakevo vanapu vaka-kutsiya. Ikeye wavakulaelele ngeci valinge vya vushunga, oloni vanu vaje vavalinakuyandesa vatambekele ngeci vavakwase.

Isaya 57:12

Mulinakuyongola ngweni evi mulinakulinga vinapu vyavivwa, oloni yange njikamizivisa shwamwa a vilinga vyeni, co tumponya tweni kuvakamikwasa.

Isaya 58:4

Kulikela kulya kweni kulinakumilwisa, co mulikanangana nakulinga lwozi. Kuma muyongola ngweni kulikela kulya kwa muyati ou kunjilingisa ngeci njitolilile ku malombelo eni ndi?

Isaya 64:6

Yetu voshe tunapu vaka-vuvi, nameme vilinga vyetu vyavivwa vinapu vyakujwala simbu yoshe. Omwo vuvi vwetu, yetu tunapu ngwe maputa akujujwama, co apekumuka na lihunzi.

Njelemiya 6:7

Vuvi vwa Yelusalema vulinakuzinzuka ngwe mwakazinzuka mema mu lisima. Njilinakuziva lwozi nakunyongesa mu nganda, co lalo njilinakumona mishongo na vanu vaje vanavulumuka valinakutsa.

Ezekiyele 18:12

Muka-kukwisa tuutu, nakwiva, nakushweka vije vyamwanene muka-kukumuna kupwa cishimbikiya. Muka-kuya ku mitambela ije vakalemesela vaka-kujeneka kukulaela, nakulemesa tumponya twa vunyengwe,

Ezekiyele 7:11

Vukalu vusholola vilinga vya kupenga-penga. Cuma nacimo cai cavo cikasalao, cuma nacimo cai ca ku vufuko vwavo, na ku vuvwa vwavo, nambe ku vumpau vwavo, cikasalao.

Ezekiyele 7:23

“Vyuma vyoshe vili mu citanga, lifuti linashulu na vaka-kutsiya na vinganda vinashulu na muuka.

Ezekiyele 9:9

Njambi wakumbulwile ngwendi, “Vanu va mu Isalele na vanu va mu Yunda vali na mulonga wa vuvi vwakukomokesa. Vali na mulonga wakutsiya mu lifuti mwoshe, co mu Yelusalema munashulu na mulonga wakutsiya. Valinakwendeka ngwavo yange Kalunga, njinaseze lifuti lyavo, co kunjesi nakuvamona.

Amose 3:10

Shukulu Kalunga alinakwendeka ngwendi, “Vanu ava vanashulisa vinjuvo vyavo na vyuma vanawana mu vingila vya muuka na vwizi. Vakevo kuvazivuka kulinga vushunga.

Amose 6:3

Yeni mulinakuvyana ngweni litangwa lya tuyando kulikaija embwe, oloni vyuma mulinakulinga vilinakushwenyesa muyehi litangwa eli lya tuyando.

Mika 2:8

Co Shukulu Kalunga wakumbulwile ngwendi, “Munalwisa vanu vange ngwe vitozi. Mwambata tupote kujeneka mema ku mbunge kuli vaje vaita omo veluka ku nzita.

Mika 6:12

Vaka-kufuka veni va mu nganda valinakukwisa tuutu, co muvavoshe munapu vaka-makuli.

Zefaniya 1:9

Njikanyanyamesa lalo voshe vaje valinakukavangeya futisi ya vaje vaka-kujeneka kunjilemesa yange Kalunga, vaje valinakwiva nakutsiya ngeci vashulise vinjuvo vyakulemesela vinjambi vavo na vyuma vyakupukula.

Zefaniya 3:1

Yelusalema inanyongo, nganda ya vanu vaka-kutengulukila, na vaka-vuvi, vantwama vayo vakayandesa vanu vavo.

Malakiya 2:16

Shukulu Kalunga Njambi ya Isalele nendeka ngwendi, “Njazinda kukondola. Njazinda cuma cangacije omo umo weni akalukila munakazi wendi. Moneni ngeci kesi mupokole cikulaeso cove ca kulongwa kuli munakazi wove.”