Isaya 59:4 - Livulu lya Shukulu Kalunga

⁴ Muya ku mbanja, oloni kumwesi na vushunga. Mukalingi matumbe eni akuvulumuna vakweni.

Isaya 59:4 Iomraidhean Croise

Yombi 15:31

Kesi akulaele vuvi nakulikwisa, omwo vuvi vukapwa citelekela cendi.

Yombi 15:35

Ava vakevo vaka-kutumba matumbe akuyandesa na vuvi, co vimbunge vyavo vyashula nakukwisa simbu yoshe.”

Myaso 12:3

Yove Shukulu Kalunga, olwesa majwi a vaka-kuseveleka, co shoka tunwa twa vaka-kulishasha! Vaje vendeka ngwavo,

Myaso 62:10

Kesi mukulaele mu vyuma vya vupapoki, kesi mukulaele akuwana vyuma mu ngila ya vwizi embwe, nameme kukulaela mu vufuko vwavungi.

Myaso 62:4

Yeni mushaka lika kunjitundisa mu mwela wange wa kasingimiko, yeni muvwaelela mukwendeka makuli. Mulinakwendeka majwi a cizemo, oloni mu vimbunge vyeni muli cizindo.

Myaso 7:15

Vanu va cifwa eci valinakunjeseka, co kweseka kwavo kuvelukile vakevo vavenya!

Visimo 4:16

Omwo vaka-vuvi kuvesi kulala tulo kuvanga vanalingi cuma cimo cacivi, vakalala cilavu-lavu noo vanavulumuna munu.

Isaya 10:1

Ngongo yeni! Mukalingi mashiko aje kesi a vushunga, aje ayandesa vanu vange.

Isaya 26:18

Twazivile mushongo nakukemanga, oloni nacimo cai twakitile. Kutwahyanene nzita mu lifuti lyetu, kutwesi na vatekulwila ngeci vakale ano asi.

Isaya 28:15

Kuma munayongola ngweni mwalikwata vusamba na kutsa, co munete akulizivasana na lifuti lya vukalo vwa vatsi? Omwo vikajo mukulaela mu makuli eni ngeci amyamene ku vukalu na ku livazi lyakama?

Isaya 29:20

Cikapwa ca mamaneselelo kuli vaje vaka-muuka vaka-kuyeluwisa Njambi. Co muka-vuvi woshe vakamunyongesa.

Isaya 30:12

Oloni Njambi wakujela wa Isalele nendeka ngwendi, “Mulinakulimbulula vije vinjimileka, co munakulaela a muuka na makuli.

Isaya 30:9

Simbu yoshe valinakutengulukila Njambi, simbu yoshe vapwa vaka-makuli, simbu yoshe vakavyana kutolilila ku vilongesa vya Shukulu Kalunga.

Isaya 33:11

Mulinakutumba matumbe angoco na vyuma vyoshe mulinakulinga kuvyesi na seo. Munzinzime wange unapu ngwe tuhya tuje tukaminyongesa.

Isaya 44:20

Mana angacije vunene anapu ngwe kulya manungu. Viyongola vya munu ou vinapu vya vulema, vinamusevwisa, ngeci kukwesi seo lalo yai. Kanangukile ngeci ngwendi aka kamponya kanakwata mu livoko lyendi kukapwile njambi embwe.

Isaya 47:10

“Wavandele mu vuvi vwove vavenya, wayongwele ngwove naumo wai asa kukumona. Mana ove nakuzivuka kwove vyakukwisile, wayongwele ngwove, ‘Yange Njambi, kukwesi weka lalo wakulifwa nange.’

Isaya 5:18

Ngongo yeni! Yeni kumwasa kutunda ku vuvi vweni.

Isaya 5:7

Isalele napu citungu ca Shukulu Kalunga Muka-nzili yoshe ca mikolovozi ya vushuka vwa vinyu, vanu va mu Yunda vanapu mikolovozi ya vushuka vwa vinyu ije yaakunine. Ikeye wavakulaelele ngeci valinge mwamuvwa, oloni vakevo vanapu vaka-kutsiya. Ikeye wavakulaelele ngeci valinge vya vushunga, oloni vanu vaje vavalinakuyandesa vatambekele ngeci vavakwase.

Isaya 59:15

Kulongwa kunapu kwakundondo. Woshe uje alikela kulinga vuvi alimona ali na mulonga.” Shukulu Kalunga namono evi, co ikeye kesi nakuvwaelela omwo kukwesi vushunga.

Isaya 59:16

Ikeye nalikomokela manene akumona ngeci kukwesi uje akwasa vaka-kuyanda. Ngecivene, akapangesa livoko lyendi lya nzili mukuvapatula nakuhyana.

Isaya 59:3

Vyendeka vyeni vinashulu na makuli na matumbe a muuka, na mavoko eni anashulu na maninga.

Isaya 64:7

Naumo wai ali na kukulemesa, co naumo wai alinakumwesa kulongwa kwendi kuli yove. Yove unatukengesa nima, co unatuseze ngeci vuvi vwetu vutunyongese.

Isaya 9:15

Vakulunu na vanalume va kasingimiko vanapu mutwe, co vaka-kwimanena va vilongesa vya makuli vanapu mukila!

Njelemiya 48:7

“Mowavi, yove wakulaela nzili yove na vufuko vwove, oloni vakakufungulula nakukutwala mu vunzinda, amolika na njambi yove Kemoshe, amolika na vana vendi va vimyene na vaka-kukombelela vendi.

Njelemiya 5:1

Vanu va mu Yelusalema, itanganeni mu vitapalo vyeni! Kengezekeni noku-noku! Shakezekeni mu mitambela yakulandesela! Kengeni nga muwanamo munu umo muka-kulinga vya vushunga na kulongwa kuli Njambi. Nga mumuwana, co Shukulu Kalunga akasambesa Yelusalema.

Njelemiya 7:4

Kesi mukulaele ku majwi aje vendeka ngwavo, ‘Eyi ikeye Njuvo ya Shukulu Kalunga! Njuvo ya Shukulu Kalunga! Njuvo ya Shukulu Kalunga!’

Njelemiya 7:8

“Kengeni, mulinakukulaela majwi a makuli.

Hoziya 4:1

Yeni vaIsalele tolilileni ku majwi a Shukulu Kalunga, omwo Shukulu Kalunga alinakusompa vanu vaje vali mu lifuti eli. Shukulu Kalunga alinakwendeka ngwendi, “Kulongwa na cizemo vyaimo mu lifuti, co vanu kuvesi nakutava ngeci yange njapwa Njambi.

Mika 2:1

Cikapwa cacikalu manene kuli vaje vatumba matumbe amavi oku vanalala. Omo kukya mutondo, vwasi-vwasi omo vanawana simbu, co valinga vuvi vuje vuvanayongola.

Vilinga vya Miluwa 24:9

VaYunda voshe valizivasanene a mulonga ou nakwendeka ngwavo vyuma vyoshe evi vyapwile vya vushunga.

Yakomba 1:15

Asinoni mashungu omo emita, co akita vuvi, co vuvi omo vunakolo, co vukita kutsa.