Isaya 59:21 - Livulu lya Shukulu Kalunga

²¹ Njilinakulikumiiya cikumiiyo neni, njinamyana Munzinzime wange na vilongesa vyange kupwa vyeni ku myaka yoshe, co kutunda lelo nakutwala kulutwe, munapande kunjononoka nakulongesa vana veni, na vatekulwila veni kunjononoka visimbu vyoshe vikaija kulutwe.”

Isaya 59:21 Iomraidhean Croise

Myaso 119:43

Njasese kwendeka vushunga simbu yoshe, omwo cinyangavili cange, cili mu mashiko ove.

Kutuuka 4:15

Ukendeka nendi nakumuleka evi vyanapande kwendeka. Co njikamikwasa muvuvali vweni akwendeka, njikamileka muvuvali vweni vimukalinga.

Visimo 7:3

Nyunga vilongesa vyange simbu yoshe, co visoneke mu mbunge yove.

Isaya 32:15

Oloni Njambi lalo akatutumina munzinzime wendi. Lifuti lya vwilo likakala na vwilo, co mu mahya mukamena vimbuto vyavivwa.

Isaya 40:8

Eyo, mwila ujujwama, na vishani vyuma, oloni lijwi lya Njambi yetu likakala simbu yoshe.”

Isaya 42:1

Shukulu Kalunga alinakwendeka ngwendi, “Kengeni ngamba yange uje injinatakamesa, uje injinaangula, muli ikeye njinavwaelela. Njikaka munzinzime wange ali ikeye, co akanena vushunga ku mafuti oshe.

Isaya 44:3

“Njikaka mema mu lifuti lya mema, nakwitisa mita ya vana va vindonga vya mema mu nunda. Njikana vana vove Munzinzime wange, na vivezikiso vyange njikavyana kuli vatekulwila vove.

Isaya 49:8

Shukulu Kalunga alinakwendeka kuli vanu vendi ngwendi, “Omo simbu yakumyamena yeta, njikakumbulula malombelo eni nakumimwesa ngozi yange, njikamikongweya nakuminyunga, co muli yeni njikalinga cikumiiyo na vanu voshe. Co njikamitava mutunge lalo mu lifuti lyeni lije ololo linapu ngundu.

Isaya 51:16

Njajangumwine melu nakujala luvula lwa asi, njendeka kuli Yelusalema ngwange, ‘Yeni munapu vanu vange! Njamyana mashiko, co njikunyunga na livoko lyange.’ ”

Isaya 54:10

Minkinda na malundu vikazimangana, oloni cizemo cange ali yeni kucikahu, njikanyunga cikumiiyo cange cakumyana kwoloka ku myaka yoshe.” Ngwendi Shukulu Kalunga uje wakuzema.

Isaya 55:11

Omu mukemwo muwapwa majwi ange, majwi ange kuwakeluka kuli yange, kujeneka kulinga vije njawatumine ngeci awalinge.

Isaya 55:3

“Yeni vanu vange tolilileni, ijeni kuli yange, co mukakala na mwonyo! Njikalikumiiya neni cikumiiyo ca myaka yoshe, nakumivezikisa vivezikiso vije vinjakulaesele Ndaviti.

Isaya 57:19

Njikana kwoloka kuli voshe vaje vali muyehi na vaje vali kulyala! Njikakangwisa vanu vange.

Isaya 66:22

“Ngwe kaye kakaha na melu amaha vikeshwala simbu yakama, ngecivene, vatekulwila vove na lizina lyove vikeshwala.

Njelemiya 1:9

Asinoni Shukulu Kalunga wolwele livoko lyendi, co wakwatele a kanwa kange, wendekele kuli yange ngwendi, “Njilinakukwana majwi aje aunapande kwendeka.

Yowano 1:33

Yange kunjamuzivukile ngwange ikeye, oloni Njambi, uje wanjitumine ngeci njimbwitike mu mema, ikeye wendekele kuli yange ngwendi, ‘Ukamona Munzinzime akashuluka nakukala ali munalume umo, ikeye akambwitika na Munzinzime Wakujela.’

Yowano 17:8

Omwo njavanene muzimbu uje uwanjanene, co vanautambula, co vanazivuka ngeci mwa vushunga yange njatundile kuli yove, co vanakulaela ngeci yove wanjitumine.

Yowano 3:34

Omwo woshe uje yanatumu Njambi endeka majwi a Njambi, omwo Njambi namwana Munzinzime Wakujela muvungi.

Yowano 4:14

oloni woshe anwa ku mema anjikamwana kakazivi lalo lihwila embwe. Mema aje anjikamwana akapwa lisima lya kavwelu-vwelu muli ikeye lije likamwana mema a mwonyo nakumwana mwonyo wa myaka yoshe.”

Yowano 7:39

Yesu wendekele evi ali Munzinzime Wakujela uje uvakatambula vaje vanakulaela kuli ikeye. A simbu ije Munzinzime Wakujela te kanda vacimutambule, omwo Yesu te kanda asanguke ku vumpau.

Yowano 8:38

Njendeka vije vyananjimwesa Tate, oloni yeni mulinga vije vyanamileka ishweni.”

Loma 11:27

Co njikalikumiiya navo cikumiiyo eci omo njikatundisa vivi vyavo.”

Loma 8:9

Oloni yeni kumwesi mu vusitu, oloni muli mu Munzinzime, nga Munzinzime wa Njambi akala muli yeni. Woshe uje kesi na Munzinzime wa Kilistu, co Kilistu kesi muli ikeye.

2 Kolinte 3:8

kuma vumpau vwa Munzinzime kuvwapwile vwakama manene ndi?

VaHevelu 10:16

“Eci cikeco cikumiiyo cinjikalinga amo navo ku matangwa a kulutwe. Njikaka mashiko ange mu vimbunge vyavo nakuwasoneka mu viyongola vyavo.”