Isaya 59:18 - Livulu lya Shukulu Kalunga

¹⁸ Akahisa vitozi ngwe a vije vivalingile ku vanu vendi, nameme vene vitozi vaje vali ku mafuti a kulyala.

Isaya 59:18 Iomraidhean Croise

Yombi 34:11

Ikeye aana cikandelela kuli vanu ngwe ku vilinga vyavo, nakuvapangesa kwesekesa ku vipangi vyavo.

Myaso 62:12

co njakala na cizemo cije kucesi kutenguluka.” Shukulu Kalunga, yove vavenya ukafwete munu na munu ngwe ku vipangi vyendi.

Isaya 1:24

Ngecivene, ololo tolilila kuli vije vyendeka Shukulu Kalunga Muka-nzili yoshe, Njambi ya Isalele muka-kushwana wa nzili ngwendi, “Njikalinga shambandinga ali yeni vitozi vange, co kumukanjinenela lalo tuyando.

Isaya 35:4

Endekeni kuli vaje vanalijujukila ngweni, “Koleseni kesi muzive lyova! Njambi yeni alinakwija. Aija nakulinga shambandinga vitozi veni.”

Isaya 40:10

Kengeni Shukulu Kalunga wa Akamwa ya Vyoshe aija nakushwana na nzili, alinakwija na cikandelela ca vanu vendi.

Isaya 49:4

Njendekele ngwange, “Njinapanga, oloni vipangi vyange vinapu vyangoco! Njapangesa nzili yange yoshe, oloni nacimo cai cinjinamanesa.” Oloni nameme ngoco, vije vyanjipande vili mu mavoka a Shukulu Kalunga, co Njambi yange akanjana cikandelela a vije njilinakulinga.

Isaya 63:3

Shukulu Kalunga alinakukumbulula ngwendi, “Njinalyatangela miyati ya vanu ngwe mikolovozi ya vushuka vwa vinyu, co naumo wai wezile mukunjikwasa. Njavalyatangelele na vukalu vwange, co maninga avo anatasanga a vuzalo vwange vwoshe.

Isaya 63:6

Mu vukalu vwange njalyatangelele miyati ya vanu voshe nakuvatsena. Njetilile maninga avo asi oshe.”

Isaya 65:6

“Njinayongola laja cihiso cavo, co kusompa kwavo vanacisoneka. Kunjikoloka kuluu a vije vivanalingi, oloni njikavelwisilavwo

Isaya 65:7

vuvi vwavo na vuvi vwa vakukulwila vavo. Vanenyekela insense ku tuzangu twa a malundu twa vaka-kujeneka kukulaela nakwendeka mwamuvi kuli yange. Ngecivene, njikavahisa ngwe ku vilinga vyavo vije vivalingile simbu ya kunima.”

Isaya 66:14

Omo mukamona vyuma evi vilingiwa, co mukavwaelela, cikamilingisa kukala na nzili na vuvwa. Asinoni mukazivuka ngweni yange Kalunga, njikwasa vaje vaka-kunjononoka, co njikamwesa vukalu vwange kuli vitozi vange.”

Isaya 66:15

Shukulu Kalunga akaija na tuhya, co matemba endi akapwa ngwe kankumba. Akaluvala manene, akahisa vitozi vendi na tuhya.

Isaya 66:6

Tolilileni muyoyo wakama uje uli mu nganda, na cililimo cije cili mu Njuvo ya Shukulu Kalunga, cinapu cililimo ca Shukulu Kalunga ahisa vitozi vendi!

Njelemiya 17:10

Yange Kalunga, nji muka-kweseka viyongola nakwilula vimbunge vya vanu, mukwana ku munu na munu kupwisa mu ngila yendi yakuyoyelamo, nakupwisa ku vipangi vya vilinga vyendi.”

Njelemiya 32:19

Ukatumbu matumbe akujeneka mana, nakulinga vyuma vya nzili, ukamono vyuma vyoshe vije vivalinga vanu, co ukavana cikandelela kupwisa ngwe ku vilinga vyavo.

Njelemiya 50:15

Tambekeni mutambi wa nzita nakuzengeleka nganda! Ololo Mbambilone inaliiti. Vivumbe vyayo vinau. Co vinasanyozokela asi, njilinakulinga shambandinga ali vaMbambilone. Ngecivene, neni lalo velwisileni shambandinga, valingeni ngwe muje vakevo valingile ku vakwavo.

Njelemiya 50:29

Saneni vaka-mata a lusipa valwise Mbambilone. Voshe vaje vazivuka kupangesa vuta vwa lusipa na mukili. Zengelekeni nganda, kesi mutave umo aputumukemo, ilingeni mwamuvi ku vije vyoshe vyalingile, co ipangeseni ngwe muyapangesele vakwavo, omwo yalingile na kulyalesa ku mesho ange, muka-kujela wa Isalele.

Mbimbi 4:11

Shukulu Kalunga wecelele vukalu vwendi vwakama, washwamekele tuhya a Siyone tuje twayenyekele yoshe njwa.

Ezekiyele 23:49

Ngecivene, yeni vandokazi vavali njikamihisa a vupangala vweni na a vuvi vweni vwakulemesa tumponya. Asinoni mukazivuka ngeci yange njapwa Kalunga wa Akamwa ya Vyoshe.”

Ezekiyele 38:18

Shukulu Kalunga wa Akamwa ya Vyoshe alinakwendeka ngwendi, “A litangwa lije omo Ngonge akakovelela Isalele, yange njikaluvala manene.

Ezekiyele 5:13

“Mukaziva vukalu vwange nakuluvala kwange, noo njikalikela. Omo vyoshe evi vikalingiwa, co mukatava ngweni yange Kalunga, njinendeka kuli yeni, omwo yange njaluvala akujeneka kulongwa kweni.

Ezekiyele 6:12

Vaje vali kulyala vakavinja, co vakatsa, na vaje vali muyehi vakatsila mu nzita, co vaje vakasalao vakalanduka ku njala. Vakaziva nzili ya vukalu vwange.

Njwele 3:4

“Vikajo mushaka kulinga kuli yange, yeni vaka-Tile na Sindone na mafuti oshe a Filisitiya? Yeni mushaka kunjiilwisila cuma cimo ndi? Nga mukemwo, co nange vwasi-vwasi njikamifweta!

VaLevi 26:28

co mukuluvala kwange njikamitengulukila nakumihisa lalo visimbu vitanu na vivali a vuvi vweni kutuvakana a simbu yakulivanga.

Nahumi 1:2

Shukulu Kalunga Njambi kesi kutavesa vanu vaje valemesa tumponya, akanyanyamesa vaje vamuzinda. Omo vakevo vamuluvalesa, co avalinga shambandinga.

Mateo 16:27

Omwo Muna Munu akaija mu vumpau vwa Ishe amo na tungelo twendi, co asinoni akana kuli munu na munu fweto yendi kupwisa ngwe ku vipangi vyendi.

Luka 19:27

Ngecivene, ngwe ava vitozi vange vaje kuvashaka ngeci yange njipwe mwene yavo, vaneneni kuno nakuvatsiila ku mesho ange!’ ”

Luka 21:22

Omwo aje akewo matangwa akunyanyamesa ngeci vyuma vyoshe vije vivendekele mu visoneka vipwe vya vushunga.

Loma 2:6

Omwo Njambi akaana cikandelela kuli munu na munu kupwisa ku vipangi vyendi vije vyanalingi.

Kwituluka mu Mashiko 32:41

ngeci njikotola mukwale wange wakuvyazima, njikamona ngeci vushunga vunalingiwa. Njikalinga shambandinga kuli vitozi vange, nakuhisa vaje vanjizinda.

Kwituluka mu Mashiko 7:10

Oloni ikeye kesi kwishwala kuhisa vaje vamuzinda.

Kujombolola 16:19

Nganda yakama yatavozokele mu vimbazuvwila vitatu, co vinganda vya mu mafuti oshe vyanyongele. Co Njambi wanukile Mbambilone yakama, co wainwisile vinyu vya mu nganja yendi, vinyu vya vukalu vwendi.

Kujombolola 19:15

Co moko ya mukwale yatuukile mu kanwa kendi, ikeyo yakafungulula nayo miyati. Ikeye akavashwana na mulamu wa cikuvo, co akakamuna vinyu mu cikamwino ca vinyu ca vukalu vwa Njambi Muka-nzili yoshe.