Isaya 59:15 - Livulu lya Shukulu Kalunga

¹⁵ Kulongwa kunapu kwakundondo. Woshe uje alikela kulinga vuvi alimona ali na mulonga.” Shukulu Kalunga namono evi, co ikeye kesi nakuvwaelela omwo kukwesi vushunga.

Isaya 59:15 Iomraidhean Croise

Kushangumuka 38:10

Ngecivene, vyuma evi vyalingile Onane vyapwile vyavivi ku mesho a Shukulu Kalunga, co Shukulu Kalunga wamutsiile lalo.

2 Samwele 11:27

Omo simbu yakulila yahwile, Ndaviti wanenele Mbateshemba mu lipela lyendi, wapwile munakazi wendi, co wakitile mwana wa munalume. Oloni Shukulu Kalunga kavwaelelele a vije vyalingile Ndaviti.

2 Vimyene 9:11

Yehu welukilile kuli vakwavo vamyata, co vamwihwile ngwavo, “Vyuma vyoshe vinavwaa ndi? Uje cizaluke ashaka vikajo kuli yove?” Yehu wavakumbulwile ngwendi, “Mwazivuka cifwa cendi.”

2 Mizimbu 21:7

oloni Shukulu Kalunga katavele kunyongesa vumwene vwa Ndaviti embwe, omwo walingile laja cikumiiyo na ngamba yendi Ndaviti ngeci vatekulwila vendi vakashwana simbu yoshe.

Myaso 5:9

Vitozi vange kuvesi kwendeka vushunga, mukuyoya kwavo kwoshe vashakezeka lika kunyongesa vanu, vimbunge vyavo vinashulu na makuli, co vakaseveleka vanu na majwi a vungumba.

Isaya 1:21

Nganda ije yapwile ya kulongwa ololo inalifu ngwe cikwizi! A simbu yalaja, mu nganda omu mwakele vanu vaka-vushunga, oloni ololo munasala lika vanu vaka-kutsiya.

Isaya 10:2

Omu mukemwo mumuli nakuyandesela tuutu, nakuvavindika kulinga vushunga. Omu mukemwo mumukambatela vufuko vuje vwakundama ku vifwile na visiwa.

Isaya 29:21

Njambi akanyongesa vaka-kufweya vakwavo, na vaje vavindika mapwepwe kesi vawane milonga, na vaje vendeka makuli mukuvindika vaka-kulongwa kuwana vushunga.

Isaya 32:7

Cilema napu muka-vuvi, muka-kulinga vyuma vyavivi, atumba matumbe a makuli akuviisa tuutu nakuvavindika ngeci kesi vawane vushunga.

Isaya 46:12

“ ‘Njitolilileni, yeni vanu vaka-kukaluwisa vimbunge, yeni muli kulyala nakwamena.

Isaya 48:1

Yeni vanu va Isalele tolilileni evi, yeni mwatunda kuli Yunda, yeni mukalisingi na lizina lya Shukulu Kalunga, co mulitumbula kupwa vaka-kulemesa Njambi ya Isalele, oloni kumwesi kulinga vije mwendeka.

Isaya 5:23

Oloni a lizika-kanwa ni, mukasambesa vaka-milonga, oloni vaje kuvesi na milonga kumwesi kuvasompa mwa vushunga.

Isaya 59:4

Muya ku mbanja, oloni kumwesi na vushunga. Mukalingi matumbe eni akuvulumuna vakweni.

Isaya 65:12

Cikapwa luvinda kutsa ku monde, omwo kumwakumbulwile omo njamisanene nambe kutolilila omo njendekele kuli yeni. Yeni kumwanjononokele, oloni mwalingile vyuma vije njazinda.

Isaya 66:4

Ngecivene, njikanena tuyando twakama ali vakevo, vyuma vivazivila lyova manene, omwo naumo wai wakumbulwile omo njasanene, nameme kutolilila omo njendekele. Co valingile vyavivi ku mesho ange, vaangwile vije kuvyanjivwaelesele.”

Njelemiya 29:26

“Shukulu Kalunga wakupwisile muka-kukombelela kukwingisa mu mwela wa Yehoyanda, co ololo unapu u mwata wakama mu Njuvo ya Shukulu Kalunga. Cinapu cipangi cove kumona ngeci munu woshe wakuzaluka, uje alikwisa kupwa muka-kwimanena, unapande kumukuta malyenge nakumuzengeleka cikuvo ku mukoshi wendi.

Njelemiya 7:28

Ukavaleke ngwove muyati wavo kuvesi nakunjononoka yange Kalunga, Njambi yavo, nambe kulilongesa omo njavanyanyamesele. Vushunga vunahu kuvesi nakuvusimutwiya lalo.

Mbimbi 3:36

omo vavindika kusompa mwa vushunga mu mbanja, ikeye avizivuka vyoshe evi.

Hoziya 9:7

Simbu yakunyanyamesa inete, simbu ije omo vanu vakatambula vije vinavapande. Omo cuma eci cikalingiwa, Isalele vakacizivuka! Mulinakwendeka ngweni, “Ou muka-kwimanena napu cikolokomba. Munalume ou wa Njambi nazaluka.” Yeni vanu mwanjizinda manene omwo vuvi vweni vunapu vwavungi manene.

Amose 5:10

Yeni vanu mwazinda munu woshe uje alwisa makuli nakwendeka vushunga mu mbanja.

Mika 7:2

Kukwesi munu wa kulongwa nasala mu lifuti, naumo wai wa kulongwa kuli Njambi. Vanu voshe vanavandamena simbu yakutsiya. Vanu voshe valinakuyomba vandolome vavo ngeci vavatsiye.

Mako 3:21

Co omo naanga yendi vazivile a vyuma evi, vaile nakumusetela, omwo vanu vakele nakwendeka ngwavo, “Nazaluka!”

Yowano 10:20

Vamo vavo vavangi vendekele ngwavo, “Ali na munzinzime wakujwala! Co nazaluka! Omwo vikajo mulinakumutolilila?”

Yowano 8:52

Va Yesu vendekele kuli ikeye ngwavo, “Mwa vushunga ololo tunamono ngeci muli yove muli munzinzime wakujwala! Avilahama watsa, na vaka-kwimanena vatsa, co yove wendeka ngwove woshe ononoka vilongesa vyove kakatsi.

Vilinga vya Miluwa 26:24

Co omo Paulu wakele nakulyamena mu ngila eyi, Fesitase watambekele kuli ikeye ngwendi, “Ove Paulu unazaluka! Kulilongesa kwove kwakama kulinakukuzalwisa!”

Vilinga vya Miluwa 9:1

A simbu ije vene Saulu wakele na muuka wakushungwiya kutsiya vandongisi va Mwene. Waile kuli Muka-kukombelela Wakama,

Vilinga vya Miluwa 9:23

Omo kwetile matangwa amangi, vaYunda valikungulwile amo nakutumba matumbe akutsiya Saulu,

Loma 8:36

Ngwe muvyendeka visoneka ngwavyo, “Omwo lizina lyove tuli mu vushonde vwa kutsa simbu yoshe, valinakutupwisa ngwe vimanga vaje valinakuya nakuvatsiya.”

2 Kolinte 5:13

Kuma mwa vushunga vene yetu tunazaluka ndi? Eci cili kuli Njambi. Nambe nga kutwazalukile, eci cili kukushaka kweni.