Isaya 58:6 - Livulu lya Shukulu Kalunga

⁶ “Kulikela kulya kunjishaka kukekwo oku, munapande kutundisa malyenge avanakutu vinzinda kujeneka mulonga, co eceleni vaka-kuyanda vaye ngoco.

Isaya 58:6 Iomraidhean Croise

2 Mizimbu 10:11

Valeke lalo ngwove, ‘Tate wamitwikile vitele vyakulema, oloni yange njikamilemuwisa manene. Tate wamipupisile civanzi, oloni yange njikamipupisa civanzi ca mambimbo!’ ”

2 Mizimbu 28:11

Ngecivene, njitolilileni! Ava vinzinda vanapu vandolome veni na vandokazi veni. Veceleni vaye, kutewa Shukulu Kalunga akamihisa na vukalu vwendi.”

Visimo 24:11

Amena vaje vavatwala ku kutsa, vayesa vaje vaya nakuvatsiya.

Isaya 1:17

lilongeseni kuyoya mwamuvwa. Moneni ngeci vushunga vulinakulingiwa, kwaseni vaje valinakuyanda, aneni visiwa vije vyavapande, co nyungeni vifwile.”

Isaya 33:15

Mukasalao nga mwendeka nakulinga vije vya vushunga. Kesi mupangese nzili yeni na kunyanyamena tuutu, co kesi mutambule lizika-kanwa. Kesi mulipandakane na vaje vatumba matumbe akutsiya nambe kulinga vyuma vya vuvi.

Isaya 55:7

Vaka-vuvi vecele vilinga vyavo vya vuvi, co vatengulule viyongola vyavo. Vatengulukile kuli Shukulu Kalunga Njambi yetu, ikeye muka-mema ku mbunge na muka-kusambesa vwasi.

Isaya 58:9

Omo mulombela kuli yange, co njikamikumbulula ngwange, ‘Yange uno.’ “Kesi muyandese vanu, nambe kuvashaula mu cifwa coshe-icoshe, nambe kwendeka lijwi lyoshe lyalivi,

Njelemiya 22:3

Yange Kalunga njikushika kulinga vije vyavivwa nevi vya vushunga. Ameneni vaje vavalinakunyanyamena kuli vaje valinakuvanyanyamena. Kesi muyandese vaka-kwija, na visiwa, nambe vifwile, co kesi mutsiile vanu vakujeneka mulonga mu mutambela ou wakujela.

Njelemiya 50:33

Shukulu Kalunga Muka-nzili yoshe nendeka ngwendi, “Vanu va mu Isalele na vanu va mu Yunda valinakuvayandesa. Voshe vaje vavafungulwile valinakuvanyunga manene, co kuvavatavesa kwiluka.

Ndanyele 4:27

Ngecivene, yove shukulu, tava kunangula kwange. Likele kulinga vuvi, co linga vije vya vushunga. Zivila mema ku mbunge vaka-kuutwa. Co ukakala mwamuvwa simbu yoshe.”

VaLevi 6:5

A litangwa lije vamuwanene na mulonga, napandele kwilwisila vavenya vyoshe nakwakelako litambelo lya makumi avali, a litangwa lije lyakulambula mulambu wa a vuvi vwendi.

Yona 3:8

Vanu voshe vanapande kuzala vikeleya, co vimuna navo lalo vavafwike vikeleya. Munu woshe napande kulombela na kulongwa kuli Njambi, nakwecela vingila vyendi vyavivi na kupenga-penga kwendi.

Zakaliya 7:9

“Ku san̄ulu njashikile mashiko awa kuli vanu vange ngwange, ‘Moneni ngeci vushunga vulinakulingiwa, mweseni ngozi na mema ku mbunge kuli umo na mukwavo.

Vilinga vya Miluwa 8:23

Omwo njinamono ngwange yove unashulu na cipululu cacivi, co unapu u cinzinda ca vuvi.”

1 Timateo 6:1

Kuli voshe vaje vanapu vindungo vanapande kuyongola vashukulu yavo na kasingimiko koshe, ngeci naumo wai akendeka mwamuvi a lizina lya Njambi na a vilongesa vyetu.