Isaya 58:5 - Livulu lya Shukulu Kalunga

⁵ Omo mulikela, mulinakuliyandesa lika yeni vavenya, akukulamesa manene mitwe yeni ngwe muti wakujendama, nambe akuzala cikeleya nakutumbama mu lito. Oku kukekwo mutumbula ngweni kulikela kulya ndi? Kuma muyongola ngweni njikasa kuvwaelela na vyuma evi ndi?

Isaya 58:5 Iomraidhean Croise

2 Vimyene 6:30

Omo mwene wazivile ngeci, co watavwile vuzalo vwendi mukuviilila, co vanu vaje vakele kuyehi na civumbe vamwene ngeci mwene nazala vikeleya mukati ka vuzalo vwendi.

2 Mizimbu 20:3

Njosefati wajajele manene, co walombelele kuli Shukulu Kalunga ngeci amutwamenene. Washikile lifuti lyoshe lya Yunda ngeci valikele kulya.

Ezela 10:6

Asinoni Ezela watundile kulutwe lwa Njuvo ya Shukulu Kalunga, wakovelele mu njuvo ya Njehohanane muna Elyashimbe, walalele muje vutsiki nakulinyenga omo kukulaela kwa vaje vinzinda. Co kalile nambe kunwa.

Ezela 8:21

Co kuje vene ku ndonga ya Ahava njaanene mashiko kuli yetu voshe, akulikela kulya na kulikeesa ku mesho a Njambi yetu, nakumulomba ngeci atutwamenene ku vungenzi vwetu nakutunyunga yetu, na vana vetu, na vufuko vwetu vwoshe.

Esita 4:16

“Kungulula vaYunda voshe amolika mu Susa, co likeleni kulya nakunjilombelelako. Kesi mulye nambe kunwa cuma cimo a matangwa atatu mutanya na vutsiki embwe. Co vangamba vange va vambanda amolika nange tukalinga cuma cimo. Co munima yevi, njikaya kuli mwene, nameme kesi mukemwo munayi mashiko. Nga njikatsa akulinga cuma eci, co njinapande kutsa vene.”

Esita 4:3

Co mu lifuti mwoshe, muje mwoshe muvazivile lishiko lya mwene, mwakele kulila kwakama manene akati ka vaYunda. Valikelele kulya, co valilile manene nakutatoka, co vungi vwavo vazalele vikeleya nakulala mu lito.

Yombi 2:8

Yombi wakatukile nakutumbama a lishito lya lito, co wanonele citambi nakulipala naco a vimbandu vyendi.

Myaso 69:13

Njilomba kuli yove Shukulu Kalunga, njikumbulule yove Njambi, a simbu ije iwunaangula, njikumbulule omwo cizemo cove cije kucesi kutenguluka, omo wanyunga cikulaeso cove nakwamena.

Isaya 49:8

Shukulu Kalunga alinakwendeka kuli vanu vendi ngwendi, “Omo simbu yakumyamena yeta, njikakumbulula malombelo eni nakumimwesa ngozi yange, njikamikongweya nakuminyunga, co muli yeni njikalinga cikumiiyo na vanu voshe. Co njikamitava mutunge lalo mu lifuti lyeni lije ololo linapu ngundu.

Isaya 58:3

Vanu vehula ngwavo, “Omwo vikajo tunapande kulikela kulya nga Shukulu Kalunga kacizivukile? Omwo vikajo tunapande kujeneka kukala na vyakulya nga ikeye kombuko mbunge?” Shukulu Kalunga alinakwendeka kuli vakevo ngwendi, “Vushunga vukevwo ovu, a simbu ije mulikela kulya, mulinakuungumuka na mashungu eni vavenya nakuyandesa vaka-kumipangela.

Isaya 61:2

Nanjitumu mukwambulula ngeci simbu inete omo Shukulu Kalunga akaamena vanu vendi, nakufungulula vitozi vavo. Nanjitumu mukuzembeleka voshe vaje valinakulila,

VaLevi 16:29

“Eli likelyo lishiko munapande kunyunga simbu yoshe ya kulutwe. A litangwa lyamulikumi ku ngonde yamucitanu na vivali, vaIsalele na vaka-kwija, vaje valinakukala akati keni, vanapande kulikela kulya*. Co lalo kuvapandele kupanga cipangi cimo embwe,

VaLevi 16:31

Litangwa lije linapu litangwa lyakujela, likelyo mukalikela kulya nakupanga. Lishiko eli munapande kulinyunga ku simbu yoshe ya kulutwe.

Zakaliya 7:5

Shukulu Kalunga wendekele kuli yange ngwendi, “Leka vanu voshe va mu lifuti na vaka-kukombelela ngwove omo mwalikelele kulya nakulila ku ngonde yamucitanu na ku ngonde yamucitanu na vivali mu myaka eyi makumi atanu na avali, kumwanjisingimikile embwe.

Mateo 6:16

“Co omo mulikela kulya, kesi mwombwe ngwe muvakalingi vaka-civembulu. Omwo vakevo vakaviisa vihanga vyavo, ngeci vanu vavamone ngwavo vanalikela kulya. Mwa vushunga njimileka ngwange, vanatambula laja cikandelela cavo.

Luka 4:19

nakwambulula ngeci simbu inete omo Shukulu Kalunga akapatula vanu vendi.”

Loma 12:2

Kesi mulipwise ngwe vanu va muno mu kaye, oloni eceleni Njambi atengulule viyongola vya mu vimbunge vyeni. Asinoni mukazivuka cizango ca Njambi, vije vyavivwa nevi vimuvwaelelesa nevi vyakushungama.

1 Petulu 2:5

Co akupwa ngwe mamanya akuyoya, vamitunge mupwe njuvo ya munzinzime, kuje mukapange ngwe vaka-kukombelela vakujela mukukombelela vin̄ombelo vya munzinzime vije vyatambula Njambi ali Yesu Kilistu.