Isaya 58:4 - Livulu lya Shukulu Kalunga

⁴ Kulikela kulya kweni kulinakumilwisa, co mulikanangana nakulinga lwozi. Kuma muyongola ngweni kulikela kulya kwa muyati ou kunjilingisa ngeci njitolilile ku malombelo eni ndi?

Isaya 58:4 Iomraidhean Croise

Visimo 21:27

Shukulu Kalunga wazinda vin̄ombelo vya vaka-vuvi, vaje vamukombelela na matumbe a vuvi.

Isaya 1:15

“Omo mujundula mavoko eni mukulombela, kunjikamikenge embwe, nambe mulombela malombelo amangi-mangi, kunjikamizivi, omwo mavoko eni anashulu na maninga.

Isaya 3:14

Shukulu Kalunga akasompesa vakulunu na vantwama va vanu vendi. Avasompesa ngwendi, “Munapukula mikolovozi ya vushuka vwa vinyu, co mu vinjuvo vyeni munashulu na vyuma vimunambata ku tuutu.

Isaya 3:15

Kumwesi na moko yakuyandesa vanu vange nakwambata vya tuutu. Yange Kalunga wa Akamwa ya Vyoshe Muka-nzili yoshe njinendekamo.”

Isaya 59:2

Oloni vuvi vweni vukevwo vunamyangununa na Njambi yeni. Njambi kesi kuziva malombelo eni omwo vuvi vweni.

Isaya 59:6

Oloni matumbe eni kesi amamvwa embwe, akewo anapu angoco ngwe vwanda vwa kavuvi!

Njwele 2:12

Shukulu Kalunga alinakwendeka ngwendi, “Nameme ololo, tengulukeni na vimbunge vyeni vyoshe ngeci mwiluke kuli yange nakulikela kulya nakulila nakulinyenga.

Yona 3:7

Asinoni wambulwile kuli vanu voshe va mu Nenevayi ngwendi, “Eli likelyo lishiko linatundu kuli mwene na vamyata vendi ngwavo, ‘Naumo wai alya cuma. Vanu voshe na vingombe na vimanga, vavavindike kulya nameme kunwa.

Mateo 23:13

“Tuyando tweni, valongisi va majwi a Lishiko na vaFaliseo! Eni vaka-civembulu! Omwo mukashoko mapito a Vumwene vwa mwilu ngeci vanu kesi vakovelemo, oloni yeni vavenya kumwesi kukovelamo, nambe vaje veseka kukovelamo kumwesi kuvatavesa.

Luka 20:47

vakevo vakakwisi vifwile nakuvevila vinjuvo vyavo, co vafwika vilinga vyavo na malombelo amalaja! Co kunyanyamesa kwavo kukapwa kwakama manene!”

Yowano 18:28

Mutondo-tondo vatundisile Yesu ku njuvo ya Kayafase vamutwalele ku lipela lya nguvulu. Vamyata va vaYunda kuvakovelele mukati ka lipela, omwo kuvashakele kulijwalesa, ngeci vakase kulya Ciwano ca Pasovala.