Isaya 58:2 - Livulu lya Shukulu Kalunga

² Vakanjilemesa a litangwa na litangwa, vendeka ngwavo valinakushungwiya kuzivuka vingila vyange nakwononoka mashiko ange. Vendeka ngwavo vashaka njivane mashiko a vushunga, ngeci vavwaelele mukunjilemesa.”

Isaya 58:2 Iomraidhean Croise

Myaso 119:15

Njililongesa mashiko ove, co njiilula vilongesa vyove.

Myaso 119:151

oloni yove Shukulu Kalunga uli kuyehi nange, co mashiko ove oshe apwa a vushunga.

Myaso 119:87

Vanesi kunjitsiya, oloni yange kunjavyanene mashiko ove.

Visimo 15:8

Shukulu Kalunga akazivi vunyengwe na vin̄ombelo vya vaka-vuvi, oloni avwaelela na malombelo a vaka-vushunga.

Isaya 1:28

Oloni vaka-kutengulukila na vaka-vuvi vakavanyongesa voshe, na vaje vavyana Shukulu Kalunga vakavanyongesa.

Isaya 1:4

Ngongo yeni, yeni muyati wakuvulumuna, yeni vanu vakulemuwa na vuvi! Yeni naanga ya vaka-kulinga vuvi, vanu vaje vaka-kulinga vyangoco. Munaseza Shukulu Kalunga, Njambi wakujela wa Isalele, co munamukengesa nima.

Isaya 29:13

Shukulu Kalunga nendeka ngwendi, “Vanu ava vaija kuyehi nange vanjilemesa lika na tunwa twavo, oloni vimbunge vyavo vili kulyala nange. Kulemesa kwavo kunapu kwa mashiko a vunu.

Isaya 42:20

Isalele, wamono vyavingi, cooni vyalumbunuka vikajo kuli yove? Uli na matwi akuziva lalo, oloni vyuma mukajo viwunazivi?”

Isaya 57:12

Mulinakuyongola ngweni evi mulinakulinga vinapu vyavivwa, oloni yange njikamizivisa shwamwa a vilinga vyeni, co tumponya tweni kuvakamikwasa.

Isaya 57:3

Ijeni kuno vakumisompe, yeni vaka-vuvi! Yeni munapu mumolika na vimbanda, na vaka-vupangala, na vikwizi.

Isaya 59:13

Twakutengulukila, nakuvyana kukukava. Twayandesele vakwetu nakutunda kuli yove. Viyongola vyetu vinapu vya makuli, na majwi etu anapu a makuli.

Njelemiya 42:2

co vendekele kuli yange ngwavo, “Mwane tulingile vije vitukulomba. Tulombelele kuli Shukulu Kalunga Njambi yetu. Tulombelele yetu voshe tunasalao na mwonyo. Twapwile tuvavangi, oloni ololo twasalao lika tuvavandondo, ngwe muwamwena.

Njelemiya 42:20

mwaviisile manene. Mwanjitumine kuli Shukulu Kalunga Njambi yeni nakwendeka ngweni, ‘Tulombelele kuli Shukulu Kalunga Njambi yetu, nakutuleka vyuma vyoshe vije vyanendeka, co tukavyononoka.’

Njelemiya 7:10

Mulinakulinga vyuma vije vinjazinda, co mwija nakwimana ku mesho ange mu Njuvo yange, nakwendeka ngweni, ‘Tunovoka!’

Njelemiya 7:9

Mulinakwiva, mulinakutsiya, mulinakulinga vupangala, mulinakulisinga vya makuli, co mulinakukombelela kuli Mbale, nakulemesa vinjambi vaje kumwazivukile akulivanga.

Ezekiyele 20:3

“Muna munu, endeka kuli vanu ava nakuvaleka ngwove Shukulu Kalunga wa Akamwa ya Vyoshe alinakwendeka ngwendi, ‘Munaija nakwihula cizango cange, indi vati? Mwa vushunga akupwa nji Njambi wakuyoya, kunjikamitava kunjihula cuma cimo embwe,’ munjinendeka yange Kalunga wa Akamwa ya Vyoshe.

Amose 5:18

Luvinda lweni yeni mwavandamena litangwa lya Shukulu Kalunga! Vuvwa mukajo vukalingiwa ali yeni a litangwa lije? Kuli yeni likapwa litangwa lya lisusulungu, kesi litangwa lya ceke embwe.

Mako 12:14

Co vezile kuli ikeye vendekele ngwavo, “Mulongisi, twazivuka ngwetu yove ukendeka vushunga, co ukalongesa vushunga vwa cizango ca Njambi ali munu kujeneka kulipesa a viyongola vya vanu. Omwo kuwesi kukenga ali munu nambe wapwa wa vulemu nambe kesi wa vulemu. Tuleke, kuma Lishiko lyetu litavesa kufweta lisimu kuli Sezale indi embwe?”

Mako 6:20

Omwo Helonde wakele na lyova ali Yowano omwo ikeye wazivukile ngeci Yowano wapwile muka-vushunga, co wakujela, co wamunyungile mwamuvwa. Helonde wazemene manene kutolilila kuli Yowano, nameme ikeye wakele nakumuzivisa longoto ku mbunge simbu yoshe yamutolililile.

Yowano 5:35

Yowano wapwile ngwe ndeya, washukumine nakutwa ceke, co mwavwaelelele kasimbu lika mu ceke cendi.

Tito 1:16

Vendeka ngwavo vazivuka Njambi, oloni ku vipangi vyavo vanamuvyana. Vakevo vanapu vaka-kumuzinda na vaka-kujeneka kumwononoka, co kuvapandelemo mukulinga vyuma vyavivwa.

Yakomba 4:8

Shwenyeni kuyehi na Njambi, co na ikeye lalo akashwenya kuyehi neni. Jweleseni mavoko yeni, yeni vaka-vuvi! Jweleseni vimbunge vyeni, yeni vaka-civembulu!