Isaya 58:13 - Livulu lya Shukulu Kalunga

¹³ Shukulu Kalunga alinakwendeka ngwendi, “Nga munyunga Litangwa Lyakuhwima kupwa lyakujela, co mulikela kukava mashungu eni vavenya a litangwa lije, nga musingimika litangwa lyange lyakujela nakulyononoka nakulikela kwenda, nakupanga, nambe kwendeka mumunashakela a litangwa lije,

Isaya 58:13 Iomraidhean Croise

Myaso 122:1

Njavwaelelele manene omo vanjilekele ngwavo, “Tuyeni ku Njuvo ya Shukulu Kalunga!”

Myaso 27:4

Njehwile Shukulu Kalunga cuma cimolika, cuma cimolika cinjishaka, kukala mu Njuvo ya Shukulu Kalunga simbu yoshe ya mwonyo wange, ngeci njimone vuvwa vwendi, nakumulomba ngeci anjitwamenene.

Myaso 42:4

Mbunge yange ipokoka omo njanuka vya kunima, omo njaile na mbunga ya vanu ku Njuvo ya Shukulu Kalunga, co njavatwamenenene omo vakele nakunjikava munima, yapwile mbunga yakuvwaelela, vembile nakutambeka nakushangazala Njambi.

Myaso 84:10

Litangwa limo lyakukala mu Njuvo yove, lyalivwa kutuvakana matangwa 1,000 akukala kweka, mwamuvwa kuli yange kupwa muka-kunyunga ku cikolo ca njuvo ya Njambi yange, kutuvakana kukala mu membo a vaka-vuvi.

Myaso 84:2

Njishaka ngeci njikalemo! Njishaka kukala mu Njuvo ya Shukulu Kalunga. Na mbunge yange yoshe njiimba nakujolela kuli Njambi wakuyoya.

Kutuuka 35:2

Mukapanga vipangi vyeni a matangwa atanu na limo, oloni a litangwa lyamucitanu na avali linapu lyakujela, Litangwa Lyakuhwima valikundika kuli Shukulu Kalunga. Woshe akapanga vipangi a litangwa eli vanapande kumutsiya.

Kutuuka 35:3

Co nambe tuhya kesi mutuvweke mu vinjuvo vyeni a Litangwa Lyakuhwima.”

Isaya 55:8

Shukulu Kalunga alinakwendeka ngwendi, “Viyongola vyange kuvyafwile ngwe viyongola vyeni embwe, na vingila vyange vinalyangunuka na vingila vyeni.

Isaya 59:13

Twakutengulukila, nakuvyana kukukava. Twayandesele vakwetu nakutunda kuli yove. Viyongola vyetu vinapu vya makuli, na majwi etu anapu a makuli.

Ezekiyele 44:24

Omo kukatuka vimata vya mulonga, co vaje vaka-kukombelela vayongole a mulonga kwesekesa na mashiko ange. Vanyunge viwano vyange kwesekesa ku mashiko ange na vilongesa vyange, co vanyunge Litangwa Lyakuhwima kupwa lyakujela.

VaLevi 19:3

Munu na munu napande kusingimika vaina na ishe, co napande kunyunga Litangwa Lyakuhwima, ngwe muje njamishikile. Yange njapwa Kalunga Njambi yeni.

Kujombolola 1:10

A litangwa lya Mwene njakele mu Munzinzime, co njazivile lijwi lyakama, lyalifwile ngwe cililimo ca lupembo, lyendekele munima yange.