Isaya 58:12 - Livulu lya Shukulu Kalunga

¹² Vanu veni vakatungulula vingundu vyalaja. Vanu vakamizivuka ngwavo yeni mwatungulula vivumbe vije vyasiwukile, munendula vinjuvo vije vyasiwukile.”

Isaya 58:12 Iomraidhean Croise

Nehemiya 2:17

Co njendekele kuli vakevo ngwange, “Kengeni vukalu ovu tulinavwo, omwo Yelusalema inaviya na vikolo vyayo vanavinyongesa! Ijeni tutungulule vivumbe vya nganda ngeci kesi tuzive shwamwa.”

Nehemiya 2:5

asinoni njendekele kuli mwene ngwange, “Nga cinavwaelelesa shukulu, co nga ngamba yove nawana kutetela ku mesho ove, njitave ngeci njiye ku lifuti lya Yunda, ku nganda kuje kuvatsinda vakukulwila vange, ngeci njikaitungulule.”

Nehemiya 6:1

Sanevalate, na Toviya, na Ngesheme, na vungi vwa vitozi vetu vazivile ngeci tunamanesa kutunga civumbe, co kukwesi mbengwa lalo yasaleleo, oloni nameme ngoco kwacisalele kwaaka mapito ku vikolo.

Yombi 3:14

kuhwima amo na vimyene na vaka-kushwana, vaje vatungulwile mapela a ku san̄ulu.

Isaya 30:13

Ngecivene, mulonga weni unapu ngwe civumbe cacilaja cije cili na mwanzi wakutunda kwilu nakweta kwisi, co vwasi-vwasi ciwila asi.

Isaya 44:28

Njendeka kuli Siluse ngwange, ‘Yove ukatwamenena vanu vange, ukalinga vije vinjinashakele kulinga, ukashika ngeci Yelusalema vaitungulule, na luvula lwa Njuvo ya Shukulu Kalunga valujale.’ ”

Isaya 49:8

Shukulu Kalunga alinakwendeka kuli vanu vendi ngwendi, “Omo simbu yakumyamena yeta, njikakumbulula malombelo eni nakumimwesa ngozi yange, njikamikongweya nakuminyunga, co muli yeni njikalinga cikumiiyo na vanu voshe. Co njikamitava mutunge lalo mu lifuti lyeni lije ololo linapu ngundu.

Isaya 51:3

“Njikazivila mema ku mbunge Yelusalema, na voshe vaje valinakuyoya mu ngundu yendi. Nameme lifuti lyavo linapu mambo, njikalipwisa ngwe citungu ca Endeni cije cinjakunine. Yelusalema ikajolela nakuvwaelela, ikaimba myaso yakushangazala nakukandelela kuli yange.

Isaya 52:9

Yeni vingundu vya Yelusalema, shangumukeni kwimba myaso yakujolela! Shukulu Kalunga napatula Yelusalema nganda yendi nakuzembeleka vanu vendi.

Isaya 61:4

Vakatungulula vinganda vije vyapwile vingundu.

Njelemiya 31:38

Shukulu Kalunga alinakwendeka ngwendi, “Simbu ilinakwija, omo Yelusalema yoshe vakaitungulula kupwa nganda yange, kutunda ku Kaposhi ka Hananele mu kangombe ka yambi, kutwala ku Cikolo ca mu Mbango.

Ezekiyele 13:5

Kuvesi nakunyunga ku mitambela kuje kunaviya vivumbe, nambe kutungulula vivumbe, ngecivene, Isalele kasa kulyamena omo nzita ikaija a litangwa lya Shukulu Kalunga.

Ezekiyele 36:33

Shukulu Kalunga wa Akamwa ya Vyoshe alinakwendeka ngwendi, “Omo njinamijelesa ku vuvi vweni vwoshe, njikamitavesa kukala mu vinganda vyeni lalo, nakumitava kutungulula vije vyaviile.

Ezekiyele 36:4

Ngecivene, ololo tolilileni ku vije yange Kalunga wa Akamwa ya Vyoshe, njendeka kuli yeni minkinda na malundu, na kuli yeni vana va vindonga na vimbongo, na kuli yeni mitambela ije ivasezele mu vingundu, na kuli yeni vinganda vije vinasala mwangoco vije vivapukwile nakushendumuna ku miyati yoshe ya vanu vaje vazengelekeleko.

Ndanyele 9:25

Zivuka eci nakucizivisisa. Kutunda a simbu vaanene lishiko lyakutungulula Yelusalema, noo ntwama uje wakwangula kuli Njambi naija, kukaita visimbu vitanu na vivali vya myaka itanu na ivali. Yelusalema vakaitungulula na vitapalo na vimpaka vyakukola, co ikakalako visimbu vitanu na vivali vya myaka makumi atanu na limo na myaka ivali, oloni ikapwa simbu ya tuyando.

Amose 9:11

Shukulu Kalunga alinakwendeka ngwendi, “Litangwa likaija omo njikelwisa vumwene vwa Ndaviti vuje vunapu ngwe njuvo yakusiwuka. Co njikavwaesa vivumbe vyayo, nakuyiindula. Njikaitungulula nakuyipwisa ngwe muyafwile laja.

Amose 9:14

Njikelwisa vanu vange ku lifuti lyavo. Vakatungulula vinganda vyavo vije vyasiwukile, co vakakalamo, vakakuna vitungu vya mikolovozi ya vushuka vwa vinyu, nakunwa vinyu, vakalima vitungu nakulya vije vanalimimo.

Mika 7:11

Vanu va mu Yelusalema, simbu yakutungulula vivumbe vya nganda ilinakwija. A simbu ije vene lifuti lyeni likapwa lyakama.