Isaya 58:11 - Livulu lya Shukulu Kalunga

¹¹ Co simbu yoshe njikamitwamenena nakumyana vyuma vyavivwa. Njikaminyunga mwamuvwa nakumitakamesa. Mukafwa ngwe lihya lije lili na mema amangi, ngwe lisima lya mema a kavwelu-vwelu lije kulyesi kuma cau.

Isaya 58:11 Iomraidhean Croise

Yombi 5:20

omo njala ya lyangengela ikaija, ikeye akakunyunga, co mu nzita akakunyunga ku kutsa.

Myaso 1:3

Munu wa cifwa eci napu ngwe muti wakukuna ku vana va vindonga vya mema, muti uje wima vushuka vwawo a simbu yawo, na maputa awo lalo kuwesi kujujwama. Munu wa cifwa eci avezika mu vyoshe vyakalingi.

Myaso 107:9

Ikeye anwisa vaje vali na lihwila, co vaje vali na njala avakutisa na vyuma vyavivwa.

Myaso 25:9

Ikeye akatwamenena muka-kulikeesa mu ngila yaivwa nakumulongesa cizango cendi.

Myaso 32:8

Shukulu Kalunga nendeka ngwendi, “Njikakulongesa ngila ije iwunapande kwendelamo, co njikakulongesa nakukunangula.

Myaso 33:19

amena myonyo yavo ku kutsa, nakuvayoyesa a simbu ya njala ya lyangengela.

Myaso 37:19

Vakevo kuvakayanda a simbu ya vukalu, co vakakala na vyakulya vyavingi a simbu ya njala ya lyangengela.

Myaso 48:14

“Ou Njambi wapwa Njambi yetu ku myaka yoshe, akatutwamenena ku visimbu vyoshe.”

Myaso 73:24

Yove unjitwamenena na mana ove, co akukotoka ukanjitambula na kasingimiko.

Myaso 84:7

Omo vakele nakuya vavawezelelele nzili, co munu na munu walisholwele kuli Njambi wa Siyone!

Myaso 92:14

nakwima vushuka a simbu yayo, co simbu yoshe izivuluka nakukala na nzili.

Visimo 11:25

Pwa muka-kwana co ukavezika. Kwasa vakweni, co nove vakakukwasa.

Visimo 13:4

Mulwa nameme ashaka vati cuma oloni kakaciwana, oloni muka-kuundangana manene akawana vyuma vyoshe vije vyashaka.

Visimo 28:25

Cipululu cikanenela munu tuyando, oloni uje akulaela kuli Shukulu Kalunga akakala mwamuvwa.

Visimo 3:8

Muvila wove ukakala mwamuvwa na nzili.

Myaso ya Solomoni 4:15

Yove u kavwelu-vwelu ka mu citungu, lisima lya mema a mwonyo, vana va vindonga vakwita kutunda ku Munkinda wa Lembanone.

Isaya 27:3

“Njicinyunga nakutukumwinamo mema simbu yoshe. Njikacinyunga vutsiki na mutanya ngeci kesi vaciviise.

Isaya 33:16

Asinoni mukakala mwamuvwa, ngwe muli mu cimpaka cakukola. Mukakala na vyakulya na mema akunwa.

Isaya 41:17

“Omo tuutu na vaka-kujeneka vashakezeka mema, oloni kuvakaawana, co a milivu yavo ominina cau na lihwila, asinoni yange Kalunga, Njambi wa Isalele njikavakwasa, kunjikavevala embwe.

Isaya 44:4

Vakamena mwamuvwa ngwe mwila wakutukumwina mwamuvwa, ngwe mato aje ali ku vana va vindonga vyakwita mema.

Isaya 49:10

kuvakakala na njala nambe na lihwila. Litanya na ntwima ya mu mambo kuvikavayandesa, uje wavazema akavatwamenena ku masima a tuvwelu-vwelu.

Isaya 57:18

“Njamwene muvalingile, oloni njikavakangwisa, co njikavatwamenena nakuvakwasa, njikazembeleka vaje valinakulila.

Isaya 61:11

Mwa vushunga ngwe vimbuto vilinakumena nakukola, Shukulu Kalunga wa Akamwa ya Vyoshe akaamena vanu vendi, co miyati ya vanu voshe vakamushangazala.

Isaya 66:14

Omo mukamona vyuma evi vilingiwa, co mukavwaelela, cikamilingisa kukala na nzili na vuvwa. Asinoni mukazivuka ngweni yange Kalunga, njikwasa vaje vaka-kunjononoka, co njikamwesa vukalu vwange kuli vitozi vange.”

Njelemiya 17:8

Munu wa cifwa eci nafu ngwe muti ulinakukula ku ngenge ya kana ka ndonga, co mizi yawo ishalavela ku mema. Kuwesi kuziva ntwima a simbu ya nyangao omwo maputa awo apwa akutonola nakuzivuluka simbu yoshe, kuwesi kujujwama a simbu ya lilanga ukemi vushuka simbu yoshe.

Njelemiya 31:12

Vakaija nakwimba mwaso wakujolela a Munkinda wa Siyone, co vakavwaelela na vwana vwange, vwana vwa vimbuto na vinyu, na mazi a olive, vwana vwa vimanga na vingombe. Vakafwa ngwe lihya lyakutukumwina mema mwamuvwa, vakakala na vyuma vyoshe vije vivashaka.

Ezekiyele 36:35

Munu woshe akasimutwiya a lifuti lije lyapwile mambo yangoco, ololo linemuka kupwa ngwe Lihya lya Endeni, na vinganda vije vyasiwukile nakuvipukula, co vyasalele mupulungwa, oloni ololo vanavikolesa na vimpaka.

Hoziya 13:5

Njaminyungile mu mambo, muje mu lifuti lyakuma.

Yowano 16:13

Omo Munzinzime akaija, uje akasholola vushunga vwa Njambi, akamitwamenena mu vushunga vwoshe. Omwo kakendeka mu nzili yendi embwe, oloni akendeka vije aziva nakumileka vyuma vikaija kulutwe.

Yowano 4:14

oloni woshe anwa ku mema anjikamwana kakazivi lalo lihwila embwe. Mema aje anjikamwana akapwa lisima lya kavwelu-vwelu muli ikeye lije likamwana mema a mwonyo nakumwana mwonyo wa myaka yoshe.”

Yowano 7:38

Ngwe muje muvyendeka visoneka ngwavyo, ‘Woshe akulaela kuli yange, mu mbunge yendi mukatuuka vindonga vya mema a mwonyo.’ ”

Kwituluka mu Mashiko 15:4

“Mu lifuti lije, kumukakala umo wa ali vanu veni akapwe kautu embwe, omwo Shukulu Kalunga Njambi yeni akamivezikisa mu lifuti lije lyakamyana,

1 Tesalonika 3:11

Njambi yetu na Tatetu na Mwene yetu Yesu atuvwaesele ngila ngeci twije nakumimona!