Isaya 57:19 - Livulu lya Shukulu Kalunga

¹⁹ Njikana kwoloka kuli voshe vaje vali muyehi na vaje vali kulyala! Njikakangwisa vanu vange.

Isaya 57:19 Iomraidhean Croise

Isaya 26:12

Shukulu Kalunga, ukatwana kuhwima, vyuma vyoshe vije tuwana, yove unatulingilavyo.

Isaya 26:3

Shukulu Kalunga akana kwoloka, kuli vaje vakolesa kukulaela kwavo mbe, vaje vakulaela kuli yove.

Isaya 32:17

Omwo vanu voshe vakalinga vije vya vushunga, co kukakala kwoloka na vuvwa ku myaka yoshe.

Isaya 50:4

Shukulu Kalunga wa Akamwa ya Vyoshe nanjilongesa vije vyakwendeka, ngeci njase kutakamesa vaje vanajuka. A mutondo na mutondo akanjiindula ngeci njizive vije vyanjilongesa.

Isaya 51:16

Njajangumwine melu nakujala luvula lwa asi, njendeka kuli Yelusalema ngwange, ‘Yeni munapu vanu vange! Njamyana mashiko, co njikunyunga na livoko lyange.’ ”

Isaya 59:21

Njilinakulikumiiya cikumiiyo neni, njinamyana Munzinzime wange na vilongesa vyange kupwa vyeni ku myaka yoshe, co kutunda lelo nakutwala kulutwe, munapande kunjononoka nakulongesa vana veni, na vatekulwila veni kunjononoka visimbu vyoshe vikaija kulutwe.”

Isaya 6:7

Co wakambekele linungu lya tuhya a kanwa kange wendekele ngwendi, “Eli linakwata kanwa kove, co ololo mulonga wove unahu, na vuvi vwove vanakusambesavwo.”

Njelemiya 30:17

Mukapwa vakangule, njikakangwisa vimbandu vyeni, nameme vitozi veni vendeka ngwavo, ‘Siyone vanayumbila, naumo wai aishaka.’ Yange Kalunga, njinendekamo.”

Njelemiya 33:6

Oloni njikakangwisa nganda eyi na vanu vamwo nakuvana ciindu. Njikavamwesa kwoloka kwakushemutuka na vuvwa.

Hoziya 14:2

Ilukeni kuli Shukulu Kalunga, co taveni lilombelo eli kupwa n̄ombelo yeni kuli ikeye, “Tusambese ku vuvi vwetu vwoshe, nakutambula lilombelo lyetu, co yetu tukakushangazala ngwe muje twakukulaesele.

Hoziya 14:5

Njikakala amo na vanu va mu Isalele ngwe nyonzi mu lifuti lyakuma. Vakashamuna ngwe vishani, co vakakola mbe ngwe mizi ya miti ya ku Lembanone.

Zefaniya 3:9

“Asinoni njikatengulula vimbunge vya vanu, co vakalombela lika kuli yange, kesi ku vinjambi veka lalo embwe. Co voshe vakanjononoka.

Zakaliya 9:10

Shukulu Kalunga alinakwendeka ngwendi, “Njikatundisa matemba a nzita mu Isalele, nakutundisa tuvalu mu Yelusalema, mata a lusipa aje vapangesele mu nzita njikaanyongesa. Mwene yeni akanena kwoloka akati ka miyati ya vanu, ikeye akashwana kutunda ku mema a kalunga amo nakweta ku mema a kalunga akwavo, kutunda ku Ndonga ya Yufuleti nakweta ku shongo ya ano asi oshe.”

Mateo 10:13

Co nga vanu va mu njuvo ije vamitambula mwamuvwa, taveni kwoloka kweni kukalemo, oloni nga kuvakamitambula mwamuvwa, kwoloka kweni kwiluke kuli yeni vavenya.

Mako 16:15

Co wendekele kuli vakevo ngwendi, “Yeni ku mafuti oshe a ano a kaye nakwambulula Vin̄anda Vyavivwa kuli vanu voshe.

Luka 2:14

“Vumpau kuli Njambi wa akamwa ya akamwa, kwoloka kukale ano asi kuli vanu vaje vamuvwasa!”

Luka 21:15

omwo njikamyana majwi na mana ngeci vitozi veni kuvakasa kumivayesa nambe kuvyana vimukendeka.

Vilinga vya Miluwa 10:36

Munazivuka muzimbu watumine ku vanu va Isalele, mukwambulula Vin̄anda Vyavivwa vya kwoloka ali Yesu Kilistu, ikeye Mwene wa vanu voshe.

Vilinga vya Miluwa 2:39

Omwo cikulaeso ca Njambi vacilingile kuli yeni na kuli vana veni, na kuli voshe vali kulyala, vaje voshe vanasana Shukulu Kalunga Njambi yetu vaije kuli ikeye.”

Efeso 2:13

Oloni ololo muli Kilistu Yesu, yeni mwakele kulyala, vanaminena kuyehi a maninga a Kilistu.

Efeso 6:19

Co nange lalo njilombeleleniko, ngeci Njambi anjane lijwi omo njalivwaesela kwambulula, ngeci njambulule nakusimpa nakusholola cisin̄iko ca muzimbu wauvwa.

VaHevelu 13:15

Ngecivene, ijeni tushangazale Njambi simbu yoshe ngwe n̄ombelo yetu ali Yesu, ikeyo n̄ombelo ya tunwa twetu yakumutava ikeye Mwene.