Isaya 57:15 - Livulu lya Shukulu Kalunga

¹⁵ “Yange Njambi wa Akamwa ya Vyoshe, na Njambi wakujela, uje wayoya myaka yoshe. Yange njayoya akamwa na ku mutambela wakujela, oloni njayoya lalo na vanu vaje valikeesa nakutenguluka, ngeci njiindule kusimpa kwavo na cinyangavili cavo.

Isaya 57:15 Iomraidhean Croise

Kushangumuka 21:33

Avilahama wakunine muti wa tamalisiki mu Mbeleshemba, co walemesele Shukulu Kalunga Njambi wa ku myaka yoshe.

1 Vimyene 8:27

“Oloni yove Njambi kumani wasa kukala asi ndi? Inonwa mwilu mwoshe kuwasa kufwamo, co vatijo Njuvo eyi njinakutungila ufwamo ndi?

2 Mizimbu 34:27

co watengulukile na kulikeesa ku mesho ange, watavwile vuzalo vwove nakulila, omo wazivile muje njalishungwiiye kunyanyamesa Yelusalema na vanu vamwo. Njinazivile lilombelo lyove,

Yombi 22:29

Njambi akakeesa vaka-kulyalesa, co akaamesa vaka-kulilumbilisa.

Yombi 6:10

Nga njazivukile ngeci alingamo, nga njajolela nakundikangela, nameme kuvinjoka kwange kunapu kwakama manene. Njazivuka ngeci Njambi wapwa wakujela, yange kunjavyanene vije vyakashiki.

Myaso 111:9

Shukulu Kalunga waamenene vanu vendi, nakulikumiiya navo cikumiiyo ca ku myaka yoshe. Lizina lyendi lyapwa lyakujela nakukomokesa!

Myaso 115:3

Njambi yetu ali mwilu, akalingi vyoshe vije ashaka.

Myaso 123:1

Njilinakukenga mesho kuli yove Shukulu Kalunga, njilinakukenga kwilu kuli yove, ku litanda lyove lije lili mwilu.

Myaso 138:6

Nameme yove Shukulu Kalunga, wakala akamwa yetu, oloni ulinakulela vaka-kulikeesa, co vaka-kulyalesa kuvasa kuvanda ku mesho ove.

Myaso 138:7

Omo tuyando tunjizengeleka, yove unjinyunga mwamuvwa, co lalo uyeluwisa vukalu vwa vitozi vange, nakunjamena na nzili yove.

Myaso 147:3

Akangwisa vaka-kuzeya mu vimbunge, nakusaka vimbandu vyavo.

Myaso 34:18

Shukulu Kalunga ali muyehi na vaje vanazeye mu vimbunge, ikeye amena vaje vanajeneka cinyangavili.

Myaso 34:19

Tuyando twa muka-vushunga twapwa twatungi, oloni Shukulu Kalunga amwamena mu vyoshe.

Myaso 51:17

Yove Njambi, n̄ombelo yange inapu munzinzime wa kulikeesa, kuwesi kuvyana mbunge ya kulikeesa na mbunge yakutenguluka.

Myaso 51:19

Asinoni ukavwaelela na vin̄ombelo vyavivwa, na vin̄ombelo vyetu vya kwenyeka, co vakakombelela vingombe va nkomba a mutula wove.

Myaso 83:18

Vazivuke ngeci yove lika wapwa Shukulu Kalunga, muka-kushwana kaye koshe!

Myaso 90:2

Simbu kanda utange malundu, simbu kanda utange kaye, yove wapwa u Njambi ku myaka yoshe.

Myaso 93:2

Litanda lyove lyakala tunde ku san̄ulu yove Shukulu Kalunga, yove wayoya myaka yoshe.

Myaso 97:9

Shukulu Kalunga Muka-nzili yoshe, yove washwana kaye koshe, yove wakala na vumpau kuhyana vinjambi voshe.

Myaso 99:3

Vashangazale lizina lyendi lya nzili na vukama, ikeye wapwa wakujela!

Kutuuka 15:11

“Yove Shukulu Kalunga, iyajo nalifu nove akati ka vinjambi? Iyajo nalifu nove, wakukomokesa kukujela? Iyajo asa kupanga vikomokeso na vilinga vya nzili ngwe yove?

Kutuuka 15:13

“Omwo cizemo cove cije kucesi kutenguluka, unatwamenena vanu vaje vawakulile, a nzili yove wavatwamenenene ku mutambela wove wakujela.

Kutuuka 15:18

Yove Shukulu Kalunga, ukashwana ku myaka yoshe.”

Kutuuka 40:34

Asinoni lishelwa lyafwikile Mbalaka, co ceke ca vumpau vwa ku mesho a Shukulu Kalunga cashulisile Mbalaka.

Kutuuka 40:35

Co Mosesa kasele kukovela mu Mbalaka, omwo lishelwa lyafwikile Mbalaka, co ceke ca vumpau vwa ku mesho a Shukulu Kalunga cashulisile Mbalaka.

Visimo 16:19

Mwamuvwa kulikeesa nakupwa u kautu, kutuvakana kulyalesa, nakupwa ufuki, nakwambata vyuma vyakupukula.

Visimo 8:23

Yange vanjitangele avushangumukilo, simbu kanda vatange kaye.

Isaya 18:4

Shukulu Kalunga wendekele kuli yange ngwendi, “Njikakenga asi na kwoloka kuluu oku njili mwilu, ngwe lime lilinakuwila asi vutsiki omo kuli ntwima a simbu ya kuteja, ngwe misha ya litangwa a simbu ya mutanya.

Isaya 33:5

Shukulu Kalunga wapwa wakama! Ikeye wakala mu melu. Akashulisa Yelusalema na vushunga na kulongwa,

Isaya 40:28

Kuma kumuzivuka ndi? Kuma kuvamilekele ndi? Shukulu Kalunga ikeye Njambi wa ku myaka yoshe, ikeye watangele kaye koshe. Kesi kujuka nambe kuzeya. Naumo wai asa kuzivisisa viyongola vyendi.

Isaya 52:13

Shukulu Kalunga alinakwendeka ngwendi, “Kenga, ngamba yange akavezika mu vipangi vyendi, akapwa wakama, co vanu vakamusingimika manene.

Isaya 6:1

Mu mwaka uje watsile Mwene Uziya, njamwene Shukulu Kalunga natumbama a litanda lyendi lyalilaja, lya akamwa, co cikoveyo cendi cacilaja cashulisile Njuvo ya Shukulu Kalunga.

Isaya 6:3

Co valitambekelele umo na mukwavo ngwavo, “Wakujela, wakujela, wakujela! Shukulu Kalunga Muka-nzili yoshe wapwa wakujela! Asi oshe anashulu na vumpau vwendi.”

Isaya 63:15

Shukulu Kalunga, kenga ali yetu oku uli mwilu, mwimbo lyove lya vumpau. Kuma lajoko unatwivala ndi? Nzili yove ilikulijo? Cizemo cove nakutetela vilikulijo? Kesi utuyengule.

Njelemiya 10:10

Oloni yove Shukulu Kalunga, wapwa Njambi wa vushunga, yove Njambi wakuyoya na mwene wa ku myaka yoshe. Omo uluvala, co kaye kajaja, miyati ya vanu kuvasa kusimpa ku vukalu vwove.

Mbimbi 3:41

Tushokololeni vimbunge vyetu kuli Njambi wa mwilu nakumulomba ngwetu,

Ezekiyele 16:63

Njikasambesa kupenga-penga kwove kwoshe kuwalingile, oloni ukavyanuka, co ukakala na shwamwa manene yakuvyendeka na kanwa kove.” Mwanendeka Shukulu Kalunga wa Akamwa ya Vyoshe.

Ezekiyele 9:4

“Ya wite mu nganda yoshe ya Yelusalema, nakwaka cizivukiso a luholo lwa munu na munu uje alinyenga, co ali na vusiwa, omwo a vyuma vya vunyengwe vije vilinakulingiwa mu nganda.”

Ndanyele 2:11

Vije viwalombo yove shukulu vinapu vyavikalu manene vije naumo wai asa kuvilinga kuli yove kuvanga amo vinjambi, oloni vakevo kuvesi kukala akati ka vanu vaka-cisemwa ca ano asi.”

Ndanyele 4:17

Ovu vukevwo vutumbe vwa vaje tungelo vaka-kunyunga. Ngecivene, vanu voshe vazivuke ngwavo Njambi wa Akamwa ya Akamwa ali na nzili a vumwene vwoshe vwa vanu, co asa kwana vumwene vuje kuli woshe uje yashaka, nambe ku munu uje wakujeneka vulemu!’ ”

Ndanyele 4:34

“Munima ya myaka itanu na ivali, yange Nevukaneza, njakengele kwilu, co mana ange elukile lalo kuli yange vavenya. Njashangazalele Njambi wa Akamwa ya Akamwa, njashangazalele nakusingimika uje wakala ku myaka yoshe. “Ikeye akashwana ku myaka yoshe, vumwene vwendi vukakala simbu yoshe.

Njwele 2:13

Vimbunge vyeni vyakupokoka vimwese vusiwa vweni, kutavozola vuzalo vweni kesi cikeco cuma lika munapande kulinga.” Ilukeni lalo kuli Shukulu Kalunga Njambi yeni. Ikeye muka-ngozi, washula na mema ku mbunge, ikeye muka-kusimpa, muka-kunyunga cikulaeso cendi, ikeye walivwaesela cimweja kusambesa, kesi kuhisa embwe.

Mika 5:2

Shukulu Kalunga alinakwendeka ngwendi, “Yove Mbetelehema Efaleta yove wapwa uwamundondo akati ka vinganda vya mu Yunda, oloni kuli yove kukatunda muka-kushwana Isalele, uje naanga yendi yakeleko tunde ku san̄ulu.”

Mika 6:8

Embwe, Shukulu Kalunga natuleke vije vyavivwa vyashaka kuli yeni vikevyo evi, kulinga vije vya vushunga nakumwesa cizemo cije kucesi kutenguluka nakuyoya mu kulitombola na kulikeesa kuli Njambi yeni.

Zakaliya 2:13

Munu na munu oloke kuluu ku mesho a Shukulu Kalunga, omwo ikeye alinakwija kutunda ku mutambela wendi wakujela kuje kwakala.

Zakaliya 9:9

Joleleni, joleleni, yeni vanu va mu Siyone! Tambekeni nakujolela, yeni vanu va mu Yelusalema! Kengeni, mwene yeni alinakwija kuli yeni! Aija mu vumpau nakuhyana, oloni wa kulikeesa nalondo a cimulu, a muna cimulu, wamundondo.

Mateo 6:9

Omu mukemwo mumunapande kulomba, ngweni, ‘Tatetu uli mwilu, valemese lizina lyove,

Luka 1:49

omwo Njambi Muka-nzili yoshe nanjilingila vyuma vyakama. Lizina lyendi lyakujela,

Luka 4:18

“Munzinzime wa Shukulu Kalunga ali muli yange, omwo nanjangula kwambulula Vin̄anda Vyavivwa kuli tuutu. Nanjitumu kwambulula kupatuka kuli vinzinda, nakutonesa tupuputwa ngeci vamone, nakupatula vaje vavalinakuyandesa,

Vilinga vya Miluwa 3:14

Oloni wapwile wakujela, wa vushunga, oloni mwamuvyanene, mwalombele Pilato amyecelele uje lipwepwe.

Loma 1:20

Tunde aje Njambi watangele kaye, vifwa vyendi vije kutwasa kumona, nzili yendi ya myaka yoshe na cifwa cendi ca vu Njambi, vinasholoka mwamuvwa, vanu vasa kuvizivukila mu vyuma vije vyanalingi Njambi. Ngecivene, vanu ava kuvasa kulisambesa embwe!

2 Kolinte 1:4

Ikeye muka-kutuzembeleka mu tuyando twetu twoshe, ngeci netu twase kuzembeleka vaje vali mu tuyando twakuliseza-seza, nakuzembeleka kuje kwatuzembelekele nakwo Njambi.

2 Kolinte 2:7

Co ololo, nameme ngoco, munapande kumusambesa nakumutakamesa, kutewa aziva vusiwa manene, co akonwa.

2 Kolinte 7:6

Oloni Njambi, uje muka-kutakamesa vaka-kuzeya, watutakamesele akwija kwa Tito.

Kwituluka mu Mashiko 33:27

Njambi simbu yoshe wapwa cimpaka ceni, simbu yoshe mavoko endi kuwesi kujuka kumivungutiya. Ikeye washekele vitozi veni kulutwe lweni, co wamilekele ngeci muvanyongese voshe njwa.

1 Timateo 1:17

Kuli Mwene wa myaka yoshe, uje kesi kutsa uje kutwasa kumona, endi lika Njambi, kuli ikeye kukale kasingimiko na vumpau ku myaka yoshe! Ewa.

1 Timateo 6:16

Ikeye lika kesi kutsa, wayoya mu ceke cije naumo wai asa kushwenyako. Naumo wai wamumona naumo wai asa kumumona. Kuli ikeye kukale kasingimiko na nzili ya myaka yoshe! Ewa.

VaHevelu 9:14

Omwo eci capwa ca vushunga, maninga a Kilistu anapanga manene! Ali Munzinzime wa myaka yoshe walyanene ikeye vavenya kupwa n̄ombelo yakujela kuli Njambi. Maninga endi anatujelesa ku citaku-taku ca futisi yetu yangoco ngeci tupangele Njambi wakuyoya.

Yakomba 4:6

Oloni kutetela kwa Njambi kwanatwana kwapwa kwa nzili manene. Ngwe muvyendeka visoneka ngwavyo, “Njambi avyana vaka-kulyalesa, oloni atetela vaka-kulikeesa.”

1 Petulu 5:5

Mu cifwa cimo vene, yeni vakwenje munapande kwononoka kuli vakulunu. Co yeni voshe pweni vaka-kulikeesa, mukupangela umo na mukwavo, omwo visoneka vyendeka ngwavyo, “Njambi akavyana vaka-kulyalesa, oloni akamwesa kutetela kuli vaka-kulikeesa.”

Kujombolola 15:4

Iyajo kasa kukukomoka yove Shukulu Kalunga? Iyajo avyana kushangazala vukama vwove? Yove lika wapwa wakujela! Miyati yoshe ya vanu vakaija nakukulemesa, omwo vilinga vyove vya vushunga vinasholoka kuli vanu voshe.”

Kujombolola 3:7

“Kuli kangelo wa ku cikungulukilo ca mu Filandelufiya soneka ngwove, “Eli likelyo lijwi lyatundu kuli umo uje wakujela na vushunga. Nakwata sapi ije yakundamene kuli Ndaviti, co omo ashokolola lipito, naumo wai asa kulishoka, co omo alishoka, naumo wai asa kulishokolola.

Kujombolola 4:8

Umo na umo wa vaje vikashama vawana vakuyoya wakele na mambava atanu na limo, co oshe akele na mesho, mukati na anja. Vakevo kuvalikelele kwimba vutsiki na mutanya ngwavo, “Wakujela, wakujela, wakujela, ikeye Shukulu Kalunga Njambi Muka-nzili yoshe, uje wakeleko, uje aliko, na uje akaija.”

1 Samwele 2:2

“Kukwesi umo wakujela wakulifwa ngwe Shukulu Kalunga, wai wakulifwa Nendi, kukwesi muka-kunyunga wakulifwa ngwe Njambi yetu.