Isaya 57:14 - Livulu lya Shukulu Kalunga

¹⁴ Shukulu Kalunga alinakwendeka ngwendi, “Eceleni vanu vange veluke kuli yange. Tundiseni mingowa mu ngila ya vanu vange! Sheveni tapalo nakuyivwaesela cimweja!

Isaya 57:14 Iomraidhean Croise

Myaso 68:4

Imbeni kuli Njambi, imbeni nakushangazala lizina lyendi, vwaeseni ngila ya uje alinakwita mu mambo. Lizina lyendi ikeye Shukulu Kalunga, vwaeleleni ku mesho endi!

Isaya 35:8

Tapalo yaivwa ikaita muje, vakaitumbula ngwavo, “Tapalo Yakujela.” Kukwesi muka-vuvi akendamo, kukwesi cilema akasevwisa vaje vaikava.

Isaya 40:3

Lijwi lya umo muka-kutambeka ngwendi, “Vwaeseleni Shukulu Kalunga tapalo mu mambo! Vwaeseni tapalo yakushungama ya Njambi yetu!

Isaya 49:11

“Njikalinga tapalo akati ka minkinda, nakuvwaesa ngila yakwendela vanu vange.

Isaya 62:10

Eni vanu va Yelusalema, tuukeni mu nganda, vwaeseni tapalo ya vanu veni vaje valinakwiluka! Vwaeseni tapalo, kombenimo mamanya! Junduleni cizivukiso ngeci miyati ya vanu vazivuke kwakuya.

Njelemiya 18:15

Oloni vanu vange vananjivala, venyekela insense ku tumponya. Vanatundu mu ngila muje muvanapandele kuya, kuvesi nakukavangeya vingila vyalaja, oloni valinakwenda mu vingila vyakupunda.

Loma 14:13

Ngecivene, kesi tulihise umo na mukwavo. Oloni unapande kuyongola ngeci kesi wake citanukiso mu ngila ya mukweni nambe cakumuwisa.

1 Kolinte 1:23

Oloni yetu, tulinakwambulula Kilistu wakushukika a cilindakano, muzimbu uje unapu citanukiso kuli vaYunda na vulema kuli vaje kesi vaYunda,

1 Kolinte 8:13

Ngecivene, nga vyakulya vilingisa mukwetu ngeci alinge vuvi, co kunjikali situ lalo, kutewa njilingisa mukwetu kuwila mu vuvi.

1 Kolinte 8:9

Oloni nyanyameni kutewa moko yeni ikapwa cimbundi cakutanukisa vaje vanazeye mukukukulaela ngeci vawile mu vuvi.

2 Kolinte 6:3

Kutushaka umo awane mulonga a vipangi vyetu, ngecivene, tulinakweseka ngeci kesi twake citanukiso mu ngila ya munu umo.

VaHevelu 12:13

Endeni mu vingila vyakushungama, ngeci lindi lije lya vulema kesi likatanuke.