Isaya 57:13 - Livulu lya Shukulu Kalunga

¹³ Omo mutambeka ngeci vamikwase, eceleni tumponya tweni tumyamene! Lihunzi likavapekumuna! Oloni vaje vakulaela muli yange vakayoya mu lifuti, co vakanjilemesa mu Njuvo yange.”

Isaya 57:13 Iomraidhean Croise

2 Vimyene 3:13

Co Elisha wendekele kuli mwene wa mu Isalele ngwendi, “Omwo vikajo njikukwasela? Ya ukehule vaka-kwimanena vaje vaakele nakwihula isho na vanyoko.” Njolame wamukumbulwile ngwendi, “Embwe, Shukulu Kalunga natukundika mu mavoko a mwene wa Mowavi yetu vimyene vatatu.”

Yombi 21:18

Nakuvapekumwina kulyala ngwe mwila upekumuka na kankumba, nambe ngwe likungu lipekumuka na lihunzi?

Myaso 1:4

Oloni vaka-vuvi kuvesi ngeci embwe, vakevo vanalifu na lijungu lije lilinakupekumuka na lihunzi.

Myaso 118:8

Cinapu cuma cacivwa kutewela kuli Shukulu Kalunga, kutuvakana kukulaela munu.

Myaso 125:1

Voshe vaje vakulaela kuli Shukulu Kalunga vanapu ngwe Munkinda wa Siyone, uje kuwasa kuninganga, oloni wakala ku myaka yoshe.

Myaso 37:11

Vaka-kulikeesa vakashwana mu lifuti, co vakajolela nakukala mu kwoloka.

Myaso 37:22

Vaje vanavezikisa Shukulu Kalunga vakashwana mu lifuti, oloni vaje vanasingi akavashekela anja.

Myaso 37:29

Vaka-vushunga vakakala mu lifuti, co vakayoyelamo ku myaka yoshe.

Myaso 37:3

Kulaela kuli Shukulu Kalunga, co linga mwamuvwa, kala mu lifuti, co yoya mwamuvwa.

Myaso 37:34

Aka cinyangavili cove muli Shukulu Kalunga ononoka mashiko endi, akakusingimika nakukwana lifuti, co ukamona vaka-vuvi vavashekamo.

Myaso 37:9

Vaje vakulaela kuli Shukulu Kalunga, vakashwana mu lifuti, oloni vaka-vuvi vakavashekela anja.

Myaso 58:9

Mu vukalu vwendi Njambi akavapekumwina kulyala, oku vayoya, nakuvawisa simbu kanda vacizivuke, ngwe mwila wakukamba.

Myaso 84:12

Yove Shukulu Kalunga Muka-nzili yoshe, vavezika vanu vaje vakulaela kuli yove!

Visimo 28:25

Cipululu cikanenela munu tuyando, oloni uje akulaela kuli Shukulu Kalunga akakala mwamuvwa.

Isaya 11:9

A Siyone, lilundu lya Njambi lyakujela, kwaakakala cuma cimo cakukuvulumuna nambe vuvi. Lifuti likashula na mana akuzivuka Shukulu Kalunga ngwe mema a kalunga mwakajalela.

Isaya 14:32

Vatijo twasa kukumbulula miluwa vaje vatunda ku Filisitiya? Tukavaleka ngwetu Shukulu Kalunga ikeye watungile Siyone, nameme vanu vendi vaka-kuyanda vakawana kwoloka.

Isaya 25:4

Tuutu na vaka-kujeneka vatewelele kuli yove, co vanakala mwamuvwa a simbu ya tuyando. Wavanene mwakuvandela lihunzi, na munzinze ngeci vavande ntwima ya litanya. Vaka-muuka vakalu ngwe lihunzi lya cisika,

Isaya 40:24

Vanapu ngwe vimena vya njovolwezi, vije vilinakukola, oloni omo Shukulu Kalunga ahwiminao, co vyuma cau nakupekumuka ngwe vishwashwa.

Isaya 41:16

Mukavombila mu mukambwila, co lihunzi lyakama likavashandola nakuvapekumwina kulyala. Asinoni mukavwaelela, nakunjishangazala, omwo yange njapwa nji Njambi yeni, Njambi wakujela wa Isalele.

Isaya 45:20

Shukulu Kalunga alinakwendeka ngwendi, “Likungululeni amo, yeni vanu va mu mafuti, voshe vaje vanasalao ku miyati ijeni ngeci vamisompe! Vanu vaje valemesa tumponya twavo twa viti, co valombela kuli vinjambi vaje kuvasa kuvovola, vanu ava kuvesi na mana!

Isaya 49:8

Shukulu Kalunga alinakwendeka kuli vanu vendi ngwendi, “Omo simbu yakumyamena yeta, njikakumbulula malombelo eni nakumimwesa ngozi yange, njikamikongweya nakuminyunga, co muli yeni njikalinga cikumiiyo na vanu voshe. Co njikamitava mutunge lalo mu lifuti lyeni lije ololo linapu ngundu.

Isaya 56:7

“Njikamitwala ku Siyone, lilundu lyange lyakujela, co njikavajolesa mu Njuvo yange yakulombelela, co njikatambula vin̄ombelo vije vimukombelela a mutula wange. Co Njuvo yange vakaitumbula Njuvo yakulombelela miyati yoshe.”

Isaya 60:21

Vanu vove voshe vakapwa vaka-vushunga, vakashwana lifuti ku myaka yoshe. Njavakunine, nakuvatanga, ngeci vasholole vukama vwange ku vanu voshe.

Isaya 65:11

“Oloni kukakala kulyangunuka neni mulinakunjivyana, yeni mulimbulula Siyone, lilundu lyange lyakujela, nakulemesa Ngande na Meni, vinjambi va sande na luvinda.

Isaya 65:25

Tungunga na vana va vimanga vakalya amo, vindumba na vingombe vakalya mwila, na manyoka vakalya livu. Kuvakashumu nambe kuvulumuna munu umo, a Siyone lilundu lyange lyakujela.”

Isaya 65:9

Njikavezikisa vanu va Isalele va ku muyati wa Yunda, co vatekulwila vavo, vakafuka lifuti lyange lya minkinda. Vanu vange vakwangula, vaje vanjipangela, vakakala mu lifuti muje.

Isaya 66:20

Vakelwisa vavushoko vweni vaje vali mu mafuti oshe ku lilundu lyange lyakujela mu Yelusalema a tuvalu, na vimulu, na tumelo, na mu matemba na mu makalu, cikafwa ngwe vaIsalele vanena mulambu wa vimbuto vya vinona ku Njuvo yange a malonga akujela.

Njelemiya 2:28

“Vali kulijo vinjambi vaje mwalishongelele? Vanapande kumyamena, omo muli mu tuyando! Yunda, yove uli na vinjambi vavangi ngwe muuli na vinganda vyavingi.

Njelemiya 22:20

Vanu va mu Yelusalema, yeni ku Lembanone nakutambeka, yeni ku lifuti lya Mbashane nakutambeka, tambekeni oku muli a minkinda ya Mowavi, omwo vasamba veni voshe vaka-kumikwasa kulwa nzita vanavafungulula.

Njelemiya 22:22

Vantwama veni vakavapekumuna na lihunzi, vasamba veni vaka-kumikwasa kulwa vakavatwala ku vunzinda, nganda yeni vanaiyeluwisa nakuyizivisa shwamwa, omwo vuvi vwoshe vuje vumunalingi.

Njelemiya 30:14

Vaje vamizemene voshe vanamivala, kuvesi nakumyumba lalo mbunge. Njinamilwisa ngwe citozi, cihiso ceni cinapu cacikalu, omwo vivi vyeni vinapu vyavingi na kupenga-penga kweni kunapu kwakama manene.

Ezekiyele 20:40

Muje mu lifuti, a lilundu lyange lyakujela, munkinda waulaja wa Isalele, yeni voshe vanu va Isalele mukanjilemesa. Co njikavwaelela muli yeni, nakumikulaela ngeci munjinenele vin̄ombelo vyeni, na mulambu weni wauvwa manene, na vwana vweni vwakujela.

Hoziya 13:3

Ngecivene, vanu ava vakahwa vwasi ngwe mbundu ya mutondo, ngwe lime lije lipapumuka omo litangwa likya. Vakapwa ngwe lijungu lije lipekumuka na lihunzi kutunda ku lijungwilo, ngwe vwisi vutundilila mu mbengwa.

Njwele 3:17

“Asinoni, Isalele mukazivuka ngeci yange njapwa Kalunga Njambi yeni. Yange njakala a Siyone, lilundu lyange lyakujela. Yelusalema ikapwa nganda yakujela, vaka-kwija kuvakaifungulula lalo.

Zakaliya 7:13

Omwo kuvatolililile omo njendekele, co kunjavakumbulwile omo valombelele.

Maako 10:14

Yeni mukalilile kuli vinjambi vaje munaangula. Vakevo vamyamene omo muli mu tuyando.”