Isaya 57:11 - Livulu lya Shukulu Kalunga

¹¹ Shukulu Kalunga alinakwendeka ngwendi, “Vinjambi mukajo ava valinakumizivisa lyova, ngeci mulinakwendeka makuli nakunjivala ivya? Munalikela kunjisingimika omwo njinoloka simbu yakama ndi?

Isaya 57:11 Iomraidhean Croise

Myaso 50:21

Vyuma vije vyoshe viwunalingi, yange njolokele kuluu, yove wayongwele ngeci yange njafwa ngwe yove. Oloni njikakwendekela nakukunungulwilavyo citona-mesho.

Myaso 78:36

Oloni vamushangazalele ngoco na tunwa twavo, nakwendeka makuli

Visimo 29:25

Kuzivila vanu lyova kunapu kulitela nganjo yove vavenya, oloni nga ukulaela kuli Shukulu Kalunga ukovoka.

Muka-kwambulula 8:11

Omwo vikajo vanu vakalingi milonga yaingi? Omwo kuvesi kuhisa milonga vwasi.

Isaya 26:10

Nameme umwesa ngozi kuli vaka-vuvi, kuvesi kulilongesa kulinga vushunga. Nameme mu lifuti muli vaka-vushunga, oloni vaka-vuvi anga vatwalelelao kulinga vuvi, kuvesi kumona vukama vwove.

Isaya 30:9

Simbu yoshe valinakutengulukila Njambi, simbu yoshe vapwa vaka-makuli, simbu yoshe vakavyana kutolilila ku vilongesa vya Shukulu Kalunga.

Isaya 42:14

Njambi alinakwendeka ngwendi, “Njinoloka kuluu simbu yakama, kunjakumbulwile vanu vange. Oloni ololo simbu yakulinga cuma cimo inete, njikatambeka ngwe munakazi akita.

Isaya 44:20

Mana angacije vunene anapu ngwe kulya manungu. Viyongola vya munu ou vinapu vya vulema, vinamusevwisa, ngeci kukwesi seo lalo yai. Kanangukile ngeci ngwendi aka kamponya kanakwata mu livoko lyendi kukapwile njambi embwe.

Isaya 47:7

Yove wayongwele ngwove ukapwa vamwene simbu yoshe, oloni kuwaakeleko mbunge ku vyuma vije, nambe kuyongola ngwove vyuma evi vikahwa.

Njelemiya 2:32

Kuma shombolwa asa kwivala vyakuzala vyendi vya senga, nambe cikoveyo cendi ca vushombolwa ndi? Oloni vanu vange vananjivala matangwa amangi manene.

Njelemiya 3:21

Vanazivi muyoyo akamwa ya malundu, vanu va Isalele valinakulila nakulambelela, omwo vanakele nakuyoya mu vuvi co vanevala Shukulu Kalunga Njambi yavo.

Njelemiya 38:19

Oloni mwene wakumbulwile ngwendi, “Yange njili na lyova lya vaYunda vaje vatewelele kuli vaMbambilone, amo vakanjana ku mavoko ava vaYunda, co vakanjiyandesa manene.”

Njelemiya 41:18

Vazivile lyova lya vaMbambilone omwo Ishimela watsiile Ngendaliya, uje yapwisile nguvulu wa mu Mbambilone mwene wa lifuti.

Njelemiya 42:20

mwaviisile manene. Mwanjitumine kuli Shukulu Kalunga Njambi yeni nakwendeka ngweni, ‘Tulombelele kuli Shukulu Kalunga Njambi yetu, nakutuleka vyuma vyoshe vije vyanendeka, co tukavyononoka.’

Ezekiyele 13:22

“A makuli eni, mulinakutanganesa vanu vavavwa, vaje kunjashakele ngeci vavulumuke. Mulinakuvindika vaka-vuvi kwecela vuvi vwavo ngeci vayoye.

Hoziya 11:12

Shukulu Kalunga alinakwendeka ngwendi, “Vanu va mu Isalele vananjizengeleka na makuli nakukwisa, co vanu va mu Yunda valinakunjitengulukila yange Njambi wa kulongwa nakujela.

Mateo 25:25

Ngecivene, njazivile lyova, co njaile nakushitika vimbongo vyove mu livu. Kenga! Vimbongo vyove evi.’

Vilinga vya Miluwa 5:3

Oloni Petulu wendekele kuli ikeye ngwendi, “Ananiya, omwo vika unatava Satana akovele mu mbunge yove nakwendeka makuli kuli Munzinzime Wakujela akushweka litambelo limo lya vimbongo viwunatambula akulandesa vufuko vwove?

2 Tesalonika 2:9

Uje Muka-vuvi akaija na nzili ya Satana nakulinga vizivukiso na vikomokeso vya makuli vya miyati yoshe,

1 Timateo 4:2

Vilongesa evi vilinakutunda kuli vanu vaka-kuseveleka na vaka-makuli, vaje vitaku-taku vyavo vinatsi, ngwe vyakwenyeka na cikuvo ca tuhya.

Kujombolola 21:8

Oloni vaka-lyova na vaka-kujeneka kukulaela na vaka-kulinga vya vunyengwe na vaka-kutsiya na vaka-vupangala na valozi na vaka-kulemesa tumponya na vaka-makuli mwela wavo ukapwa mu lishali lyakwenya na tuhya na sulufa, kukekwo kutsa kwamucivali.”

Kujombolola 22:15

Oloni anja ya nganda ali tutali na valozi na vaka-vupangala na vaka-kutsiya na vaka-kulemesa tumponya na vaka-makuli mu majwi na mu vilinga.