Isaya 56:3 - Livulu lya Shukulu Kalunga

³ Muka-kwija uje nalipandakana na vanu va Shukulu Kalunga kapandele kwendeka ngwendi, “Shukulu Kalunga kakanjitava kulemesa amo na vanu vendi.” Munalume kayunuke kapandele kuyongola ngwendi omwo kesi na vana, kasa kupwa umo wa vanu va Njambi.

Isaya 56:3 Iomraidhean Croise

2 Mizimbu 6:32

“Omo vangenzi, vakevo kesi vaIsalele, vatunda ku lifuti lya kulyala vaziva nzili yove na vukama vwove, co vaija nakulombela ku Njuvo yove eyi,

Esita 9:27

vaYunda valipwisile lishiko lyavo, na vatekulwila vavo, na munu woshe uje wapwile kaYunda, ngeci simbu ije omo inapumo a mwaka na mwaka a matangwa awa avali, vanapande kuwanyunga ngwe ku vilongesa vya Molendekai.

Isaya 14:1

Shukulu Kalunga akatetela vanu vendi va Isalele, akavaangula lalo nakuvaka mu lifuti lyavo, co vaka-kwija vakaija nakukala amo navo.

Isaya 39:7

Vatekulwila vove vamo va a mbunge vakavatwala, co vakavapwisa vayunuke ngeci vakapange mu lipela lya mwene wa ku Mbambilone.”

Isaya 56:5

asinoni lizina lyove vakalyanuka mu Njuvo yange na akati ka vanu vange simbu yoshe kutuvakana nga wakele na vana va vanalume na ava va vanakazi. Naumo wai akakwivala.”

Isaya 56:6

Shukulu Kalunga alinakwendeka kuli vaje vaka-kwija vanapu vamo va vanu vendi, vaje vamuzema nakumupangela, vaje vanyunga Litangwa Lyakuhwima nakunyunga mwamuvwa cikumiiyo cendi ngwendi,

Njelemiya 50:5

Vakehula ngila yakuya ku Siyone, co vakaya ku mutambela uje vene. Vakalikumiiya nange cikumiiyo ca ku myaka yoshe, co kucikapokoka.

VaLevi 21:20

nambe wa ndundo, nambe kamonapi, nambe wa mungali a lisho, nambe wa mushongo wa a cikonde, nambe kayunuke.

VaLevi 25:45

Co munasa lalo kulanda vana va vaka-kwija vaje valinakukala akati keni. Co vana va cifwa cangacije vaje vanasemukila mu lifuti lyeni vakapwa vufuko vweni,

Zefaniya 2:11

Shukulu Kalunga akavajujwisa. Akatengulula vinjambi va ano asi nakuvapwisa vangoco, asinoni muyati na muyati wa vanu mu lifuti lyawo vakalemesa Shukulu Kalunga.

Kulava 18:4

Co vapange amo nove nakunyunga Mbalaka Mwakuliwanena nakupanga vipangi vyoshe vya mu Mbalaka, oloni munu weka naumo wai akashwenya kuyehi neni.

Kulava 18:7

Oloni yove lika na vana vove mukapanga vipangi vyoshe vya vuka-kukombelela na vyoshe vije vyakundama ku mutula, na vije vili mu Mwela Wakujela Manene. Yange njinamyana vipangi vya vuka-kukombelela kupwa vwana. Co munu woshe akashwenya kuyehi na vyuma vyakujela vakamutsiye.”

Vilinga vya Miluwa 10:34

Co Petulu washangumukile kwendeka ngwendi, “Mwa vushunga vene njinamono ngwange Njambi kesi na kahangu.

Vilinga vya Miluwa 17:4

Co vamo akati kavo vakulaelele, co valikumbasanene na Paulu na Silasi amo na vanakazi vaje vapwile vantwama na mbunga yakama ya vaNgiliki vaje va kulongwa.

Vilinga vya Miluwa 18:7

Ngecivene, wavasezele waile nakukakala mu njuvo ya umo kesi kaYunda lizina lyendi Tito Njasitase, uje walemesele Njambi, njuvo yendi yakele kuyehi na sinangonge.

Loma 15:16

akupwa ngamba ya Kilistu Yesu akupangela vaje kesi vaYunda. Njilinakupanga ngwe muka-kukombelela mukwambulula Vin̄anda Vyavivwa vya Njambi, ngeci n̄ombelo ya vaje kesi vaYunda Njambi aitambule, ije Munzinzime Wakujela nakundika kuli ikeye.

1 Kolinte 6:17

Oloni uje alikumbasana na Mwene apwa mumolika nendi mu munzinzime.

Efeso 2:12

A simbu ije mwangunukile kuli Kilistu. Mwapwile mu vangenzi kumwakundamene ku vanu va Njambi vakwangula. Kumwakele na mutambela mu mazivasano, aje emanene a vikulaeso vya Njambi kuli vanu vendi, co yeni mwayoyele ano a kaye kujeneka cinyangavili nakujeneka Njambi.

Efeso 2:22

Muli ikeye neni lalo valinakumitunga mumo na vakweni veka ngeci mupwe njuvo ya Njambi ali Munzinzime wendi.

Kwituluka mu Mashiko 23:9

“Omo muli mu cilombo a simbu ya nzita, mukalitenga ku cuma coshe cije cakujeneka kujela.

1 Petulu 1:1

Mukanda wakutunda kuli yange Petulu, muluwa wa Yesu Kilistu. Kuli vanu va Njambi vakwangula vaje valinakuyoya ngwe vangenzi mu mafuti oshe a Pontase na Ngalatiya na Kapandosiya na Asiya na ku Mbitaniya.