Isaya 56:11 - Livulu lya Shukulu Kalunga

¹¹ Vantwama vaje kuvesi kuzivisisa vanapu ngwe tutali vamutupu vaje kuvesi kukuta. Vantwama ava kuvesi kuzivisisa. Ntwama na ntwama ashaka kulinga vije vimuvwaelelesa.

Isaya 56:11 Iomraidhean Croise

Kutuuka 23:3

Kesi musompele vulemu omo vasompesa muka-kuutwa.

Muka-kwambulula 5:10

Uje woshe azema manene vimbongo, kasa kuviwana, uje woshe azema manene vufuko, kasa kuvuwana. Vinapu vyangoco.

Isaya 1:3

Vingombe vazivuka uje wavafuka, na vimulu vazivuka kuje akavalisila shukwainavo. Oloni vanu vange va Isalele kuvazivuka Shukulu yavo. Vanu vange kuvazivuka uje akavalisa.”

Isaya 28:7

Vaka-kwimanena na vaka-kukombelela vanapende, co valinakutalyangela. Vananu manene vinyu na vwala, vatalyangela nakujeneka kuzivuka vivalinga. Vaka-kwimanena na vaka-kukombelela vanapende manene ngeci vanonwa kuzivisisa vimona vyanavamwesa Njambi, nakusompa mwamuvwa milonga ije ivalinakuvanenela.

Isaya 57:17

Njaluvalele navo omwo vuvi vwavo na muuka wavo, ngeci njavahisile nakuvaseza, omwo vakaluwisile vimbunge vyavo nakuya mu vingila vyavo.

Njelemiya 22:17

Oloni viyongola vyove vinapu vya muuka lika, utsiya vanu vakujeneka mulonga, nakuyandesa vanu vove na muuka. Mwanendeka Shukulu Kalunga.

Njelemiya 6:13

Munu woshe, mwanike nameme mukulunu ali na cipululu ca vimbongo, nameme vaka-kwimanena na vaka-kukombelela voshe vanapu vaka-kukwisa vanu.

Njelemiya 8:10

Ngecivene, njikana mahya avo kuli vanu veka, na vanakazi vavo kuli vanalume veka. Omwo mwanike nambe mukulunu voshe vali na cipululu ca vimbongo. Nameme vaka-kwimanena na vaka-kukombelela valinakukwisa vanu.

Ezekiyele 13:19

Mulinakunjishaula ku mesho a vanu vange, ngeci mushulise mavoko eni na mbale ya maumwa na mikasha yaindondo ya makende. Mukatsii vanu vaje kuvapandele kutsa, nakuyoyesa vaje vanapandele kutsa. Mwambulula makuli kuli vanu vange, co vamitava.’ ”

Hoziya 4:8

Muli na vufuko vwakutunda a vuvi vwa vanu vange, co mushaka lalo ngeci vacitwaleo kulinga vuvi manene.

Mika 3:11

Vaka-kushwana nganda vashika na mazika-kanwa, vaka-kukombelela vanungulula Mashiko na fweto, co vaka-kwimanena vambulula vya vuka-kwimanena na vimbongo. Oloni vanajendamena ali Shukulu Kalunga omo vendeka ngwavo, “Shukulu Kalunga ali netu. Nacimo cuma cacivi cai ciija kuli yetu.”

Malakiya 1:10

Shukulu Kalunga Muka-nzili yoshe nendeka ngwendi, “Nga umo weni ashoke mapito a ku Njuvo yange ngeci kesi mushwameke tuhya twakujeneka seo a mutula wange. Kunjavwaelelele neni, co kunjikatambula milambu ije imunena kuli yange.

Kulava 22:7

Ngecivene, vantwama va vaMowavi na vaMindyani vatwalele mushendo wakutaesa kuli Mbalame, co vamulekele majwi atundile kuli Mwene Mbalake.

Yowano 8:43

Omwo vikajo kumuzivisisa vije njendeka? Kumushaka kutolilila ku majwi ange.

Vilinga vya Miluwa 20:29

Njazivuka ngwange omo njiya, tungunga va vukalu vakaija akati keni, co kuvakatetela vutanga.

Vilinga vya Miluwa 20:33

Kunjashakele siliva ya munu nambe ngolinde nambe vuzalo.

2 Kolinte 4:4

Vakevo kuvasa kukulaela omwo njambi uje wa vuvi wa kano kaye nazivalesa mana a vaka-kujeneka kukulaela ngeci kesi vamone mutanya uje wa Vin̄anda Vyavivwa vya vumpau vwa Kilisitu, uje vene wafwa cifwa ca Njambi.

Filipu 3:19

Vakevo valinakuya ku mbulu ya tuhya, omwo njambi yavo napu mashungu a mivila yavo. Vakevo valyalesa na vyuma vije vyapandele kuvazivisa shwamwa, co valinakuyongola lika vyuma vyakundama ku vije vili ano asi.

Filipu 3:2

Nyanyameni kuli vaje valinakulinga vyuma vyavivi, vaje tutali, vanu vaje vakala na futisi yakulilengozola a mivila yavo.

1 Timateo 3:3

kapandele kupwa muka-kupenda nambe kupwa munu muka-lwozi, oloni apwe muka-lyovwa-ovwa na kwoloka, kapandele kupwa muka-kuzema vimbongo,

1 Timateo 3:8

Vakwasi va mu cikungulukilo lalo vanapande kupwa va futisi yaivwa na kasingimiko, kuvapandele kupwa vaka-kunwa manene vinyu nambe vapwe vaka-cipululu ca vimbongo,

Tito 1:11

Cinapande vene kuvindika vyendeka vyavo, omwo vakevo valinakutanganesa naanga yoshe yamutunu nakulongesa vije kuvyavapandele, nevi vivalinakulinga a vutumbe vwavo vwa shwamwa vwakunganyala vimbongo.

Tito 1:7

Omwo ntwama wa cikungulukilo napu kanyungi ka vipangi vya Njambi, napande kupwa wakujeneka mulonga. Kapandele kupwa muka-kulyalesa nambe muka-kuluvala vwasi, nambe muka-kupenda, nambe muka-lwozi, nambe muka-cipululu ku vimbongo,

1 Petulu 5:2

pweni tunyungi va vutanga vuje vwanamyana Njambi, co vunyungeni na cizango cacivwa, ngwe mwanashaka Njambi ngeci mulingemo, kesi ngwe nakumisindiya. Lingeni vipangi vyeni, kesi ngwe omwo fweto embwe, oloni na cizango cacivwa cakupanga.

2 Petulu 2:3

Co mu cipululu cavo, ava valongisi va makuli vakawana nganyo akumileka tusimilili. Omwo a simbu yakama ololo Lyaako wavo nalivwaesela cimweja, co Muka-kunyongesa wavo ali laja mu mesho!

Yunda 1:11

Luvinda ali vakevo! Omwo vanakavangeya ngila ya Kaini. Co vanalyana vakevo vavenya ku lilaku-laku lya vimbongo, ngwe mwalingile Mbalame. Vanatengulukila ngwe mwatengulukilile Kola, co ngwe ikeye na vakevo lalo vanavanyongesa.

Yunda 1:16

Vanu ava simbu yoshe vaka-kungunguta nakwana mulonga vakwavo, vakakavangeya mashungu avo amavi, vaka-kulishasha nakwendeka majwi a kulyalesa kuli vakwavo ngeci vapange vizango vyavo.

Kujombolola 22:15

Oloni anja ya nganda ali tutali na valozi na vaka-vupangala na vaka-kutsiya na vaka-kulemesa tumponya na vaka-makuli mu majwi na mu vilinga.

Maako 18:20

Eci cazivisile kuvwaa uje muka-kukombelela, co wanonele vyuma vije vya cizila, waile amo navo.

1 Samwele 2:29

Ngecivene, omwo vikajo muli na cipululu a vyakukombelela na vin̄ombelo vinjishaka kuli vanu vange? Omwo vikajo Eli, ulinakusingimika vana vove kutuvakana yange akuvecelela valinunise vakevo na matambelo oshe amavwa a vin̄ombelo vivakanjikombelela vanu vange?