Isaya 55:7 - Livulu lya Shukulu Kalunga

⁷ Vaka-vuvi vecele vilinga vyavo vya vuvi, co vatengulule viyongola vyavo. Vatengulukile kuli Shukulu Kalunga Njambi yetu, ikeye muka-mema ku mbunge na muka-kusambesa vwasi.

Isaya 55:7 Iomraidhean Croise

Kushangumuka 6:5

Omo Shukulu Kalunga wamwene ngeci vanu voshe ano asi vanaviya, na viyongola vya vimbunge vyavo simbu yoshe vyapwile vyavivi,

2 Mizimbu 15:2

co waile nakuliwana na Mwene Asa. Co watambekele ngwendi, “Njitolilile, yove Mwene Asa, neni vanu voshe va Yunda na Mbenjemani njitolilileni! Shukulu Kalunga ali amo neni, omo yeni muli amo nendi, nga mumushakezeka, mukamuwana, oloni nga mutunda kuli ikeye, co akamiseza.

2 Mizimbu 15:4

Oloni omo vukalu vwezile, co vatengulukilile kuli Shukulu Kalunga, Njambi ya Isalele. Vamushakezekele, co vamuwanene.

2 Mizimbu 30:6

Co miluwa vaile mu Yunda mwoshe na mu Isalele mwoshe na mikanda yakutunda kuli mwene na vamyata vendi, co vendekele ngwe mwavashikile mwene ngwavo, “Eni vanu va Isalele, munovoka kuli vaAsilya vaje vafungulwile lifuti. Co ololo ilukeni kuli Shukulu Kalunga, Njambi ya Avilahama na Isake na Yakomba, co nendi lalo akeluka kuli yeni.

2 Mizimbu 33:13

Co Njambi watavele lilombelo lya Manase, wamutavele eluke lalo ku Yelusalema nakushwana. Co aje vene Manase wazivukile ngeci kuma Shukulu Kalunga ikeye Njambi.

2 Mizimbu 7:14

nga vanu vange vaje vanaliluku lizina lyange vakalikeesa, nakulombela, nakushakezeka cizango cange nakutenguluka ku vingila vyavo vya vuvi, co njikavaziva oku njili mwilu, njikavasambesa ku vuvi vyavo, co lifuti lyavo likakala mwamuvwa.

Yombi 22:23

Eyo, unapande kulilumbilisa nakwiluka kuli Njambi, nakuseza vuvi vwoshe vuje vuli mu njuvo yove.

Myaso 130:4

Oloni yove ukatusambesa ngeci tukukomoke.

Myaso 130:7

Kulaela kuli Shukulu Kalunga yove Isalele, omwo ya cizemo cendi cije kucesi kutenguluka, co lalo ali na nzili yakukwamena.

Myaso 51:1

Njizivileko mema ku mbunge yove Njambi, omwo a cizemo cove cije kucesi kutenguluka, omwo mema ku mbunge ove apwa akama, zimangana vivi vyange!

Myaso 66:18

Nga njashwekele vuvi vwange, nga Shukulu Kalunga kanjitolilile.

Visimo 28:13

Uje ashweka vuvi vwendi kakavezika, oloni uje alitavelavwo nakuvuseza Njambi akamuzivila mema ku mbunge.

Isaya 1:19

Nga mukanjononoka, co mukalya vyuma vyavivwa vije vikamena mu lifuti.

Isaya 14:1

Shukulu Kalunga akatetela vanu vendi va Isalele, akavaangula lalo nakuvaka mu lifuti lyavo, co vaka-kwija vakaija nakukala amo navo.

Isaya 21:12

Njamukumbulwile ngwange, “Kulinakukya, oloni vutsiki vukaija lalo. Nga ushaka kwihula lalo, yokeluke nakwihula.”

Isaya 31:6

Njambi nendeka ngwendi, “Vanu va Isalele, munalingi vuvi, co munanjikengesa nima. Oloni ololo, ilukeni kuli yange!

Isaya 32:7

Cilema napu muka-vuvi, muka-kulinga vyuma vyavivi, atumba matumbe a makuli akuviisa tuutu nakuvavindika ngeci kesi vawane vushunga.

Isaya 40:2

Takameseni vanu va ku Yelusalema. Valekeni ngeci tuyando twavo tunahu, na vuvi vwavo vanavusambesa. Njavahisile manene a vuvi vwavo vwoshe.”

Isaya 43:25

Nameme ngoco, yange njapwa Njambi uje muka-kumisambesa ku vuvi vweni omwo lizina lyange, co kunjikanuka lalo vuvi vweni vuje vumunalingi.

Isaya 44:22

Njinazimangana vuvi vwove ngwe lishelwa lya kuhima. Iluka kuli yange, yange njinakwovola.”

Isaya 54:10

Minkinda na malundu vikazimangana, oloni cizemo cange ali yeni kucikahu, njikanyunga cikumiiyo cange cakumyana kwoloka ku myaka yoshe.” Ngwendi Shukulu Kalunga uje wakuzema.

Isaya 54:8

Omwo njaluvalele njakusezele kasimbu kakandondo lika, oloni njikakumwesa cizemo cange ku myaka yoshe. Ngwendi Shukulu Kalunga uje muka-kukwamena.

Isaya 58:6

“Kulikela kulya kunjishaka kukekwo oku, munapande kutundisa malyenge avanakutu vinzinda kujeneka mulonga, co eceleni vaka-kuyanda vaye ngoco.

Isaya 59:7

Simbu yoshe mutumba matumbe a vyuma vya vuvi, co mukawalingi vwasi-vwasi. Mukazambula mukutsiya vanu vakujeneka mulonga. Kwoshe kumuya mukasezako vingundu nakuviisako,

Njelemiya 3:14

“Ilukeni kuli yange, yeni vanu vakujeneka kulongwa. Mu nganda na nganda njikambatamo munu umo-umo, co ku cikota na cikota njikambata vavali-vavali, co njikamiilwisa ku Munkinda wa Siyone.

Njelemiya 3:3

Evi vikevyo viyalikelele nyonzi kunyoka, na nyonzi ya vusuku-mbundu kuyanyokele. Unapu ngwe cikwizi, kuwesi na shwamwa.

Njelemiya 4:14

Yelusalema, kusha vuvi vuli mu mbunge yove ngeci wovoke. Visimbu vingaijo ukatumba matumbe amavi?

Mbimbi 3:40

Twiluleni vingila vyetu yetu vavenya nakwiluka kuli Shukulu Kalunga.

Ezekiyele 14:6

“Ngecivene, ololo, leka vaIsalele vije vinjendeka yange Kalunga wa Akamwa ya Vyoshe, ngwange, ilukeni, co sezeni tumponya tweni twa vunyengwe.

Ezekiyele 33:11

Valeke ngwove mwa vushunga ngwe yange Kalunga wa Akamwa ya Vyoshe, njapwa Njambi wakuyoya, kunjesi kuvwaelela a kutsa kwa muka-vuvi. Njishaka kumumona naseza kulinga vuvi, co ayoya. Isalele, likele vuvi vuje vuulinakulinga. Omwo vikajo ushakela kutsa?

Ndanyele 4:27

Ngecivene, yove shukulu, tava kunangula kwange. Likele kulinga vuvi, co linga vije vya vushunga. Zivila mema ku mbunge vaka-kuutwa. Co ukakala mwamuvwa simbu yoshe.”

Yona 3:10

Omo Njambi wamwene vije vivalingile vaka-Nenevayi, na muje lalo muvecelele vingila vyavo vyavivi, co wavazivilile mema ku mbunge, co kavanyanyamesele ngwe muje mwashakele kulinga.

Zakaliya 8:17

Kesi mulitumbile matumbe akulivulumuna umo na mukwavo. Kesi mulisinge omo mwendeka makuli. Njazinda makuli kujeneka vushunga na muuka.”

Mateo 9:13

Yeni mukalilongese mwaya majwi a visoneka vati endeka, ngwawo, ‘Yange njishaka kutetela, kunjishaka n̄ombelo ya tusitu,’ omwo yange kunjezile mukusana vanu vaje vanalimono vakevo vavenya ngwavo vaka-vushunga, oloni vanu vaje vaka-vuvi.”

Mako 7:21

Omwo mukati, mu mbunge ya munu, mukemwo mukatundu viyongola vyavivi vije vimutwamenena ku vyuma vya vuvi, kwiva, kutsiya,

Mako 7:23

evi vyuma vyoshe vyavivi vikevyo vituuka mukati ka munu nakumuviisa.”

Luka 15:10

Mu ngila eyi vene, njimileka ngwange, tungelo va Njambi vakavwaelela ali muka-vuvi umo uje atenguluka.”

Luka 15:24

Omwo ou munange watsile, oloni ololo alinakuyoya, wazimbalele, oloni ololo tunamuwana!’ Co vashangumukile kulisamba nakulinga ciwano.

Luka 7:47

Njikuleka ngwange, vivi vyendi vyavingi vanavisambesa omwo namwesa cizemo cendi cakama. Oloni kuli uje vanecela vyavindondo, akamwesa cizemo cacindondo.”

Vilinga vya Miluwa 26:20

Oloni akulivanga njambulwile mu Ndamasiku, co mu Yelusalema, asinoni na mu lifuti lyoshe lya Isalele na akati ka vaje kesi vaYunda, njambulwile ngeci vanapande kutenguluka ku vivi vyavo nakwiluka kuli Njambi nakulinga vyuma vije vimwesa ngeci vanatenguluka.

Vilinga vya Miluwa 3:19

Tengulukeni, asinoni ilukeni kuli Njambi, ngeci amisambese ku vivi vyeni. Nga mulingamo,

Yakomba 1:15

Asinoni mashungu omo emita, co akita vuvi, co vuvi omo vunakolo, co vukita kutsa.