Isaya 55:5 - Livulu lya Shukulu Kalunga

⁵ Ololo mukasana miyati yeka, ije kumwazivukile akulivanga, oloni vakaija lumbisi nakulipandakana neni! Yange Kalunga, Njambi yeni, Njambi wakujela wa Isalele, njikalinga ngeci vyoshe evi vinapande kulingiwa, njikamishangazala nakumyana vumpau.”

Isaya 55:5 Iomraidhean Croise

Kushangumuka 49:10

Mulamu wa vumwene kuukatundu kuli Yunda, nambe mulamu wa muka-kushwana kuukatundu ku vatekulwila vendi, noo vavenyawo naija, miyati ya vanu vakamwononoka.

2 Samwele 22:44

Wanjamenene kuli vanu vange vaje vanjitengulukilile, nakunjipwisa muka-kushwana miyati, vanu vaje kunjazivukile, ololo vanjipangela.

Myaso 18:43

Yove unanjamena kuli vanu vaka-kutengulukila, nakunjipwisa muka-kushwana miyati, vanu vaje kunjazivukile ololo vanjipangela.

Isaya 45:14

Shukulu Kalunga alinakwendeka kuli Isalele ngwendi, “Vufuko vwa Ingito na Sundane vukapwa vwove, na vanalume vavalaja va ku Semba vakapwa vindungo vove, vakakukavangeya oku vali mu malyenge. Vakatsikama a mavuli nakulitavela kuli yove ngwavo, ‘Njambi ali nove, ikeye lika napu Njambi.

Isaya 45:22

“Yeni voshe muli kwoshe kuje kwasikisila kaye, tengulukileni kuli yange ngeci mwovoke. Yange lika Njambi njiliko.

Isaya 45:23

Cikulaeso cange capwa ca vushunga, kucikatenguluka embwe. Njalikumiiya omwo yange njapwa munjapwa ngwange, munu woshe akaija nakutsikama ku mesho ange, co akalisinga kupwa wa kulongwa kuli yange.

Isaya 49:12

Vanu vange vakatunda kulyala, vakatunda ku kunto na mu kangombe ka yambi, na ku Aswane mu mbwela.”

Isaya 49:6

Shukulu Kalunga wendekele kuli yange ngwendi, “Njili na vipangi vyakama ali yove, ngamba yange. Kesi lika vipangi vyakwilwisa vanu va Isalele vaje vanasalao embwe, oloni njinakwaka ano ngeci upwe ceke ku vaka-mafuti, ngeci vaka-kaye voshe vovoke.”

Isaya 52:15

Oloni miyati ya vanu vavangi vakamukomoka, co vimyene kuvakasa kwendeka, vakalikomokela lika. Vakamona nakuzivisisa cuma cije kuvazivukile akulivanga.”

Isaya 55:4

Njamupwisile ntwama na muka-kushika miyati ya vanu, co wapwile mukaleo wange kuli vakevo.

Isaya 56:8

Shukulu Kalunga wa Akamwa ya Vyoshe uje wanenele vanu vendi vaIsalele kwimbo kuvatundisa ku vunzinda, nakulaesa ngeci akanena veka lalo vakulipandakane navo.

Isaya 60:5

Ukamona vyuma evi, co ukajolela manene, co mbunge yove ikashula nakujolela. Vufuko vwa miyati ya vanu veka vakavunena kuli yove, vukatunda musambwa ya mema a kalunga.

Isaya 60:9

Anapu mato aje atunda ku mafuti a kulyala, ali na kwilwisa vanu va Njambi kwimbo lyavo. Valinakwiluka na siliva na ngolinde, mukusingimika lizina lya Shukulu Kalunga, Njambi wakujela wa Isalele, uje nalingisa miyati ya vanu voshe ngeci vasingimike vanu vendi.

Njelemiya 30:19

Vanu vaje valinakukala muje vakaimba myaso yakushangazala vakatambeka nakujolela. Omwo a vivezikiso vyange, vakatuma nakupwa vavangi, vivezikiso vyange vikavanenela kasingimiko.

Ezekiyele 39:7

Njikatsimanesa lizina lyange ku vanu vange va Isalele, co kunjikatava ngeci lizina lyange lyakujela lishauke. Asinoni miyati vakazivuka ngeci yange Kalunga, njapwa Njambi wakujela wa Isalele.”

Hoziya 1:10

Vanu va mu Isalele vakapwa ngwe lishen̄avu lya ku mema a kalunga, lije kuvasa kulilava nambe kuseteka. Ngecivene, ololo Njambi alinakwendeka kuli vakevo ngwendi, “Yeni kesi mu vanu vange,” oloni litangwa lilinakwija omo akendeka kuli vakevo ngwendi, “Yeni munapu vana va Njambi wakuyoya!”

Zakaliya 2:11

A simbu ije miyati ya vanu vavangi vakaija kuli Shukulu Kalunga, co vakapwa vanu vendi. Co akakala akati keni, co mukazivuka ngeci kuma ikeye nanjitumu kuli yeni.

Luka 24:26

Kuma Wakuvwavesa kapandele kuyanda a vyuma evi nakukovela mu vumpau vwendi ndi?”

Yowano 17:1

Omo Yesu wamanesele kwendeka vyuma evi, wandwile mesho endi kwilu wendekele ngwendi, “Tate, simbu inete. Ana vumpau kuli Munove, ngeci Munove aane vumpau kuli yove.

Vilinga vya Miluwa 3:13

Njambi ya Avilahama na Isake na Yakomba, Njambi ya vakukulwila vetu, ikeye naana vumpau kuli Ngamba yendi Yesu. Oloni yeni mwamwanene kuli vaka-kushwana, co mwamuvyanene ku mesho a Pilato nameme Pilato te nayongola kumwecela.

Vilinga vya Miluwa 5:31

Njambi wamusangwile ku vatsi nakumwaka ku livoko lyendi lya cilyo kumupwisa Ntwama na Muyoyesi, mukwana Isalele simbu yakutenguluka ngeci vavasambese ku vivi vyavo.

Loma 15:20

Cizango cange simbu yoshe cinapu kwambulula Vin̄anda Vyavivwa mu mitambela ije kanda vazive vya Kilistu, kutewa njikatungila a luvula lwanendi laja munu weka.

Efeso 2:11

Yeni kesi mu vaYunda ku cisemwa, vaje vatumbula ngwavo “vaka-kujeneka kutuuka” ngwe ku futisi ya vaYunda, vaje valitumbula ngwavo vaka-kutuuka (eci cilinakwinika vanu vivalinakulinga ku mivila yavo), anukeni vati mwafwile mu simbu yalaja.

Efeso 3:5

Mu simbu ya kunima vanu kuvavalekele visin̄iko evi, oloni Njambi navisholola ololo ali Munzinzime wendi kuli miluwa vendi vakujela na kuli vaka-kwimanena vendi.

VaHevelu 5:5

A ngila eyi vene, Kilistu kalitondelele ikeye vavenya kasingimiko kakupwa Muka-kukombelela Wakama. Oloni Njambi wendekele kuli ikeye ngwendi, “Yove unapu u Munange, litangwa lya lelo njinapu nji Isho.”

1 Petulu 1:11

Vesekele manene kuzivuka simbu mukajo vikalingiwa na vatijo vikaija. Eyi ikeyo simbu ije yemikile Munzinzime wa Kilistu uje wakele muli vakevo, mukwambulula vya n̄avava ije Kilistu akayanda na vumpau vuje vukakavako.