Isaya 55:4 - Livulu lya Shukulu Kalunga

⁴ Njamupwisile ntwama na muka-kushika miyati ya vanu, co wapwile mukaleo wange kuli vakevo.

Isaya 55:4 Iomraidhean Croise

2 Samwele 22:44

Wanjamenene kuli vanu vange vaje vanjitengulukilile, nakunjipwisa muka-kushwana miyati, vanu vaje kunjazivukile, ololo vanjipangela.

Myaso 18:43

Yove unanjamena kuli vanu vaka-kutengulukila, nakunjipwisa muka-kushwana miyati, vanu vaje kunjazivukile ololo vanjipangela.

Myaso 2:6

“Njinaka mwene yange a Siyone, lilundu lyange lyakujela.”

Isaya 16:5

Asinoni umo wa ku vatekulwila va Ndaviti akapwa mwene, akashwana vanu na kulongwa na cizemo. Co ikeye akalinga vyuma vije vya vushunga, akamona ngeci vushunga vulinakulingiwa vwasi-vwasi).

Isaya 43:10

“Vanu va Isalele, yeni munapu mu vakaleo vange, njakwangwile kupwa ngamba yange, njishaka ngeci unjizivuke nakunjikulaela, nakuzivisisa ngeci yange lika njapwa nji Njambi. Kukwesi weka lalo njambi, kukwakele njambi weka lalo wai, co kakakalako lalo.

Isaya 43:12

Njamikulaesele ngwange njimyamena, co njanyungile cikulaeso cange. Kukwesi njambi weka lalo nalingi cuma eci, yeni munapu mu vakaleo vange.

Njelemiya 30:9

Oloni vakapangela yange Kalunga Njambi yavo, nakupangela lalo mutekulwila wa Ndaviti, uje njikemika kupwa mwene.

Ezekiyele 37:24

Ngamba yange Ndaviti ikeye akapwa mwene yavo. Voshe vakakala na muka-kwimanena umolika, co vakononoka mashiko ange nakuwanyunga.

Ezekiyele 37:25

Vakakala mu lifuti lije linjanene kuli ngamba yange Yakomba, mu lifuti lije muvakele vakukulwila vavo. Vakakala muje myaka yoshe, ngecivene, vana vavo na vatekulwila vavo voshe vakakala muje myaka yoshe. Ngamba yange Ndaviti ikeye akavashwana myaka yoshe.

Ndanyele 9:25

Zivuka eci nakucizivisisa. Kutunda a simbu vaanene lishiko lyakutungulula Yelusalema, noo ntwama uje wakwangula kuli Njambi naija, kukaita visimbu vitanu na vivali vya myaka itanu na ivali. Yelusalema vakaitungulula na vitapalo na vimpaka vyakukola, co ikakalako visimbu vitanu na vivali vya myaka makumi atanu na limo na myaka ivali, oloni ikapwa simbu ya tuyando.

Hoziya 3:5

Oloni simbu ikaija omo vanu va mu Isalele vakeluka lalo kuli Shukulu Kalunga Njambi yavo, na kuli mutekulwila wa Ndaviti mwene yavo. Co vakakomoka Shukulu Kalunga, co vakatambula vivezikiso vyendi vyavivwa.

Mateo 2:6

‘Nove Mbetelehema mu lifuti lya Yunda, kesi uwamundondo akati ka vinganda vyakama vya mu Yunda, omwo kuli yove kukatunda muka-kushwana, ikeye akatwamenena vanu vange va Isalele.’ ”

Yowano 10:27

Vimanga vange vaziva lijwi lyange, co nange njivazivuka, co vanjikava.

Yowano 10:3

Muka-kunyunga ku cikolo amushokolwela, co vimanga vaziva lijwi lyendi omo avasana mazina avo, co avatwamenena anja.

Yowano 12:26

Woshe uje ashaka kunjipangela napande kunjikava, co kuje kunjikakala, kukekwo lalo kwakala ngamba yange. Co Tate akasingimika woshe uje anjipangela.

Yowano 13:13

Munjitumbula ngweni Mulongisi na Mwene, co mucinapande vene kunjitumbula ngacije, omwo omu mukemwo vene munjapwa.

Yowano 18:37

Pilato wamwihwile ngwendi, “Ngecivene, kuma yove unapu u mwene ndi?” Yesu wakumbulwile ngwendi, “Omo vene muunendeka ngwove nji mwene. A cuma eci vene njasemukile nakwija ano a kaye kwambulula vushunga. Woshe nakundama ku vushunga atolilila majwi ange.”

Yowano 3:16

Omwo Njambi wazemene vaka-kaye manene ngeci waanene Munendi umolika, ngeci woshe akulaela kuli ikeye kesi anyonge, oloni akale na mwonyo wa myaka yoshe.

Efeso 5:24

Ngecivene, vanakazi vanapande kwononoka kuli vanalume vavo mu vyoshe, ngwe cikungulukilo mucikononoka kuli Kilistu.

2 Tesalonika 1:8

amo na milangi ya tuhya, nakunyanyamesa vaje vavyana Njambi, na vaje kuvesi kwononoka Vin̄anda Vyavivwa vya Mwene yetu Yesu.

1 Timateo 6:13

Ku mesho a Njambi, uje muka-kwana mwonyo ku vyuma vyoshe na ku mesho a Kilistu Yesu, uje waanene vukaleo vwendi ku mesho Pontiyu Pilato, njikushika ngwange,

VaHevelu 2:10

Capwile ca vushunga ngeci Njambi, uje watangele nakunyunga vyuma vyoshe, apwise Yesu muka-vushunga a tuyando, mukunena vana vavangi ku vumpau vwendi. Omwo Yesu ikeye lika muka-kuvatwamenena ku kwovoka.

VaHevelu 5:9

Omo vamupwisile muka-kujela, wemukile nsina yakwovoka kuje kwa myaka yoshe kuli voshe vaje vamwononoka,

Kujombolola 1:5

na kuli Yesu Kilistu, mukaleo wa vushunga, mushoke wakulivanga kusanguka ku kutsa, co uje lalo muka-kushwana vimyene va ano a kaye. Watuzema, co a n̄ombelo ya kutsa kwendi natupatula ku vivi vyetu,

Kujombolola 3:14

“Kuli kangelo wa ku cikungulukilo ca mu Laondisiya soneka ngwove, “Eli likelyo lijwi lyatundu kuli Ewa, mukaleo wa kulongwa na vushunga, ikeye nsina ya vyuma vyoshe vije vyatangele Njambi.