Isaya 55:1 - Livulu lya Shukulu Kalunga

¹ Shukulu Kalunga alinakwendeka ngwendi, “Nga muli na lihwila, ijeni munwe mema! Nga kumwesi na vimbongo, ijeni mulye vije vimushaka! Ijeni mwakunwe vinyu na mavele, kujeneka kuvilanda na vimbongo!

Isaya 55:1 Iomraidhean Croise

Myaso 143:6

Njolwela mavoko ange kuli yove mukulombela, omwo mwonyo wange ukuzivila lihwila, ngwe lifuti lyakuminina livandamena nyonzi.

Myaso 63:1

Yove Njambi, yove unapu u Njambi yange, njikulemesa, mbunge yange ishakezeka yove, yange njikushakezeka ngwe munjikashakezeka mema mu mambo.

Visimo 8:4

“Njilinakumisana, yeni vanu voshe va ano asi.

Visimo 9:1

Mana anatungu njuvo yawo, nakuyishongela vimanda vyayo vitanu na vivali.

Visimo 9:5

“Ijeni mulye ku vyakulya vyange nakunwa ku vinyu vinjinatsingasana.

Myaso ya Solomoni 1:2

Njitsembe na kanwa kove, omwo cizemo cove cacivwa manene kutuvakana vinyu.

Myaso ya Solomoni 1:4

Njiye amo nove, tushatuke lumbisi, pwa mwene yange, co njikovelese mu milili yove. Tuvwaelela nakujolela muli yove, tukashangazala cizemo cove kutuvakana vinyu. Kucikomokesa omwo vambanda voshe vakuzema.

Myaso ya Solomoni 5:1

Njinaija mu citungu cange, ndokazi yange, shombolwa yange. Njilinakukungulula miila na malimangango, njinali vuki vwange, na ngenga yange ya vuki, njinanu vinyu vyange na mavele ange. Vaka-cizemo, lyeni nakunwa noo munapwisamo na cizemo!

Isaya 1:19

Nga mukanjononoka, co mukalya vyuma vyavivwa vije vikamena mu lifuti.

Isaya 44:3

“Njikaka mema mu lifuti lya mema, nakwitisa mita ya vana va vindonga vya mema mu nunda. Njikana vana vove Munzinzime wange, na vivezikiso vyange njikavyana kuli vatekulwila vove.

Isaya 52:3

Shukulu Kalunga wa Akamwa ya Vyoshe alinakwendeka kuli vanu vendi ngwendi, “Omo mwapwile vinzinda, kuvamilandesele na vimbongo, co mu ngila eyi vene kuvakamipatula na vimbongo.

Mbimbi 5:4

Tunapande kufweta mema tulinakunwa, co tunapande kulanda vitale vyakwota vije tunajeneka.

Ezekiyele 47:1

Co uje munalume wanjiilwisile ku cikolo ca ku Njuvo ya Shukulu Kalunga. Mema akele nakusheluka mwisi ya cikolo akele nakuya mu ngangela, kuje kuyakengele Njuvo ya Shukulu Kalunga. Co mema ashelukile mwisi ya mutambela wa mu mbwela ya Njuvo ya Shukulu Kalunga, nakuya ku mutambela wa mu mbwela ya mutula.

Ezekiyele 47:9

Kwoshe kuje kwashelumukile mema, kwakala miyati yoshe ya tusitu na visi. Muna ndonga uje akatengulula mema a mu Lishali lya Kutsa kupwa amavwa, kwoshe kuje kuwakai aje mema, akanena mwonyo.

Hoziya 14:4

Shukulu Kalunga alinakwendeka ngwendi, “Njikelwisa lalo vanu vange kuli yange vavenya. Njikavazema na mbunge yange yoshe, vukalu vwange ali vakevo vunahu.

Njwele 3:18

“A simbu ije mikolovozi ya vushuka vwa vinyu ikafwika a minkinda, vingombe vakakala a malundu oshe, kukakala mema amangi ku vana va vindonga voshe va mu Yunda. Muna ndonga akaita kutunda ku Njuvo ya Shukulu Kalunga, nakutukumwina Cana ca Mingongo.

Zakaliya 10:7

Vanu va mu Isalele vakapwa vaka-nzili ngwe mashwalale, vakavwaelela ngwe vanu vananu vinyu. Vatekulwila vavo vakanuka kuhyana oku, co vakavwaelela omwo a vije vyanalingi Shukulu Kalunga.

Zakaliya 2:6

Shukulu Kalunga wendekele kuli vanu vendi ngwendi, “Njamishandwelele mu mitambela yoshe.

Zakaliya 9:15

Shukulu Kalunga Muka-nzili yoshe akanyunga vanu vendi, co vakanyongesa vitozi vavo. Vakatambeka mu nzita ngwe vaka-kupenda, co vaketila maninga a vitozi vavo, maninga a vitozi vavo akasindumuka ngwe maninga a vin̄ombelo aje vaketila a mutula kutunda a lilonga!

Mateo 10:8

Kangwiseni vaka-kuvinja, sanguleni vatsi, jeleseni vaka-mbumba, co nakutundisa minzinzime yakujwala. Yeni munavitambula vyangoco kujeneka kufweta, ngecivene, neni lalo aneni ngoco kujeneka kutambulao cimo.

Mateo 13:44

“Vumwene vwa mwilu vunalifu ngwe vufuko vwakushweka mu lihya, vuje munu awana, co avushweka. Asinoni akuvwaelela kwendi aya nakulandesa vyuma vyoshe vije alinavyo, co alanda lije lihya.

Mateo 26:29

Njimileka ngwange, kutunda lelo kunjikanu neni lalo vinyu kuvanga noo a litangwa lije njikanwa neni vyaviha mu Vumwene vwa Tate.”

Mateo 5:6

“Vanavezika vaje vaka-kuziva njala na lihwila vya vushunga, omwo Njambi akavakutisa!

Vilinga vya Miluwa 8:20

Oloni Petulu wamukumbulwile ngwendi, “Nove vene na vimbongo vyove munyonge amo, omwo yove uyongola ngwove amo wasa kulanda vwana vwa Njambi na vimbongo!

Loma 3:24

Oloni vanavapwisa vaka-vushunga kuli Njambi a vwana vwa kutetela kwa Njambi ali Yesu Kilistu, uje navapatula.

1 Kolinte 3:2

Njamilisile na mavele, kesi ngwe na vyakulya vyakukola, omwo te kanda mwete a simbu yakuvilya. Co nambe vene ololo kanda mucipweo kuvilya,

1 Petulu 2:2

Pweni ngwe vimbututu vanasemuka ololo, simbu yoshe kaleni na lihwila lya mavele akujela a munzinzime, ngecivene, akunwako mukakola nakwovokelao.

Kujombolola 21:6

Co wendekele ngwendi, “Vyalingiwa laja! Yange wakulivanga na muka-kukotekela, vushangumukilo na mamaneselelo. Njikana mema a vwana mu lisima lya kavwelu-vwelu lya mwonyo kuli woshe uje ali na lihwila.

Kujombolola 22:1

Asinoni kangelo wanjimwesele ndonga ya mema a mwonyo, yakuvyakuma ngwe kilisitale, yatundile ku litanda lya Njambi na lije lya Muna Manga,

Kujombolola 22:17

Munzinzime na Shombolwa vendeka ngwavo, “Ija!” Woshe uje aziva evi napande lalo kwendeka ngwendi, “Ija!” Woshe uje ali na lihwila aije, woshe uje ashaka, atambule mema a mwonyo a vwana.

Kujombolola 3:18

Ngecivene, njikunangula ngeci ulande ngolinde kuli yange, ngolinde yakujela, ngeci ufuke. Co lalo landa vuzalo vwakutoka uzale ngeci ufwike mutotototo wove wa shwamwa. Co lalo landa cemba cakwaka mu mesho ove, ngeci wase kumona.

Lute 4:1

Asinoni Mbowasi waile ku mwela wakukungulukila ku cikolo ca mu nganda, co watumbamene mu mbanja. Cooni kavushoko ka Elimeleke wa a mbunge, uje yatumbwile Mbowasi, wezile. Ngecivene, Mbowasi wamusanene ngwendi, “Ndolome yange ija utumbame kuno.” Co watumbamene.