Isaya 54:9 - Livulu lya Shukulu Kalunga

⁹ “Njakulaesele Nowa ngwange, nalumo lwai njikanena lalo livazi ano asi. Ololo njikukulaesa ngwange kunjikaluvala nove lalo embwe, nambe kukunyanyamesa.

Isaya 54:9 Iomraidhean Croise

Kushangumuka 8:21

Co omo Shukulu Kalunga wazivile vweko vwavuvwa vwa n̄ombelo eyi, wazivile kuvwaa, walyendekesele ikeye vavenya ngwendi, “Kunjikelukilamo lalo kusinga asi a vilinga vya vanu, omo njazivuka ngwange kutunda ku vwanike vwavo viyongola vya vimbunge vyavo vyapwa vyavivi. Kunjikelukilamo lalo kunyongesa vyakuyoya vyoshe ngwe omu njinalingi a simbu eyi.

Yombi 11:16

Asinoni ukevala tuyando twove, ukatwivala ngwe njozi ije ineti laja.

Myaso 104:9

Yove watwile nginga ngeci mema kesi ajombokeo, ngeci ano asi kesi ajalele.

Isaya 12:1

Litangwa lilinakwija omo vanu vakaimba ngwavo, “Njikushangazala yove Shukulu Kalunga! Yove waluvalele nange, oloni unanjizembeleka, co kuwaluvalele lalo.

Isaya 49:18

Kenga mesho ove noku-noku umone vije vilinakulingiwa! Vanu vove valinakukunguluka, veluke kwimbo! Mwa vushunga ngwe omo njapwa Njambi wakuyoya, ukalyalesela ali vanu vove, ngwe mwakalyalesela shombolwa a vuzalo vwendi vwa seo.

Isaya 51:22

Shukulu Kalunga Njambi yeni alinakumimanena nakwendeka ngwendi, “Njilinakutundisa ije nganja injamyanene ya vukalu vwange. Kumukanu vinyu ngeci mupelyangele embwe.

Isaya 51:6

Kengeni kwilu, co kengeni lalo asi, lilu likahwa vwasi ngwe vwisi, na lifuti likasanyozoka ngwe vuzalo vwalaja, co vanu vamwo voshe vakatsa ngwe vinzinzi. Oloni kwamena kwange kukapwa kwa myaka yoshe, kuhyana kwange kukapwa kwa myaka yoshe.

Isaya 51:8

vakahwa njwa ngwe vuzalo vwakuliwa ku tunembulu! Oloni kwamena kwange kukapwa kwa myaka yoshe, kuhyana kwange kukakala visimbu vyoshe.”

Isaya 55:11

Omu mukemwo muwapwa majwi ange, majwi ange kuwakeluka kuli yange, kujeneka kulinga vije njawatumine ngeci awalinge.

Isaya 62:8

Shukulu Kalunga nalingi cikulaeso, na nzili yendi ngwendi, “Vimbuto vyeni kuvikapu lalo vyakulya vya vitozi vyeni. Na vaka-kwija kuvakanu lalo vinyu veni embwe.

Njelemiya 31:37

Nga citava melu vaweseke, nambe kweta a luvula, co njikavyana muyati wa Isalele, omwo a vuvi vuje vuvanalingi. Mwanendeka Shukulu Kalunga.

Ezekiyele 16:42

Asinoni vukalu vwange vukahwa, njikoloka kuluu. Kunjikaluvala lalo nambe kulinga lifuwa.

Ezekiyele 39:20

Vakalya ku mesa yange ngwe muvanasela, vakalya tuvalu na vaka-kulondao na mashwalale, na vanalume vaka-kulwa. Munjinendeka yange Kalunga wa Akamwa ya Vyoshe.”

Ezekiyele 39:29

Njikamwanyena munzinzime wange ali vanu va Isalele, co kuukatundu lalo ali vakevo. Munjinendeka yange Kalunga wa Akamwa ya Vyoshe.”