Isaya 54:4 - Livulu lya Shukulu Kalunga

⁴ Kesi uzive lyova, nambe kuziva shwamwa, kuukashauka lalo embwe. Ukevala kujeneka kulongwa kwove a simbu ya vwanike vwove, kesi uzive shwamwa akupwa ufwile.

Isaya 54:4 Iomraidhean Croise

Yombi 11:16

Asinoni ukevala tuyando twove, ukatwivala ngwe njozi ije ineti laja.

Isaya 25:8

Shukulu Kalunga wa Akamwa ya Vyoshe akanyongesa nzili ya kutsa nakusikumuna misozi ku mesho a munu na munu, co vanu vendi kuvakazivi shwamwa kwoshe-ikwoshe muno mu kaye mwoshe. Shukulu Kalunga vavenya nendekamo.

Isaya 29:22

Ngecivene, Shukulu Kalunga, Njambi ya Isalele, uje wapatwile Avilahama mu tuyando, nendeka ngwendi, “Vanu vange, kumukazivi lalo shwamwa.

Isaya 4:1

Omo simbu ije yeta, vanakazi vatanu na vavali vakakwata munalume umolika nakwendeka ngwavo, “Twasa kulilisa nakulizika yetu vavenya, oloni tutave lika ngeci upwe u munalume wetu, ngeci kesi tukale na shwamwa yakuyoya mu vuzike.”

Isaya 41:10

Kesi muzive lyova, yange njili neni amo! Kesi mujaje, yange Njambi yeni! Njikamitakamesa nakumikwasa, njikaminyunga nakumyamena.

Isaya 41:14

Shukulu Kalunga nendeka ngwendi, “Isalele nameme munapu muvavandondo, kesi muzive lyova. Yange Njambi wakujela wa Isalele, njikamyamena nakumyovola.

Isaya 50:7

Oloni kunjishaula kucasa kunjizivisa shwamwa, omwo Shukulu Kalunga wa Akamwa ya Vyoshe anjikwasa. Njazivuka ngeci kunjikazivi shwamwa,

Isaya 51:7

“Tolilileni kuli yange, yeni muzivuka vije vya vushunga, yeni vanu vange munanyungu vilongesa vyange mu vimbunge vyeni. Kesi muzive lyova omo vanu vamishaula,

Isaya 54:14

Vushunga na vuvwa vikakukolesa. Ukakala mwamuvwa kuvakakuyandesa nambe kukuzivisa lyova.

Isaya 61:7

Shwamwa yeni nakushauka kweni vikahwa. Mukakala mu lifuti lyeni vavenya. Co vufuko vweni vakavuwezelela luvali, kujolela kweni kukapwa kwa myaka yoshe.

Isaya 65:16

Woshe uje ali mu lifuti ashaka civezikiso, vakamuvezikisa kuli Njambi wa kulongwa. Woshe uje alisinga, alisinge a lizina lya Njambi wa kulongwa. Tuyando twa kunima tukahwa, co vakatwivala.”

Njelemiya 31:19

Twakukengesele nima, oloni twatengulukile. Omo watunyanyamesele, twazivile vusiwa. Co twazivile shwamwa na lyova, omwo a vyuma vya vulema vije vitwalingile omo twapwile tu vakwenje.’

Mbimbi 1:1

Yelusalema, nganda ije yashulile na vanu, ololo inapu ngundu! Nganda ije vakele nakusingimika mu kaye mwoshe, ololo inapu ngwe fwile. Nganda ije yapwile ngwe lishano a vinganda vyoshe, ololo inapu ngwe ndungo.

Ezekiyele 16:22

A simbu yakuyoya kwove kwa vunyengwe omo wapwile cikwizi, kuwanukile simbu ya vwanike vwove, omo wakele mushelengwa nakulivulunga mu maninga ove.”

Ezekiyele 16:43

Yove unevala munjakulingile omo wapwile u mwanike, co unanjiluvalesa a vyuma vyoshe vije viwalingile. Mukemwo njinakulingisa ngeci ufwete omwo a vije vyoshe. Omwo vikajo unaakelako lalo vupangala ku vyuma vyoshe vya vunyengwe vije viwalingile?” Mwanendeka Shukulu Kalunga wa Akamwa ya Vyoshe.

Ezekiyele 36:15

Lifuti kulikatwalao kutolilila ku miyati ije ilishendumuna, nambe kumona vanu vaje valinakulishaula. Lifuti kulikevi lalo vana va miyati yavo. Munjinendeka yange Kalunga wa Akamwa ya Vyoshe.”

Njwele 2:21

“Eni mahya, kesi muzive lyova embwe, oloni joleleni nakuvwaelela omwo vyoshe vije vyanamilingila Shukulu Kalunga.

Zefaniya 3:11

A simbu ije, yeni vanu vange kumukazivi lalo shwamwa a kwononoka mashiko ange embwe. Co njikatundisa vanu voshe vaje vaka-kulyalesa nakulishasha, co kumukanjitengulukila lalo a lilundu lyange lyakujela embwe.

Zakaliya 10:6

“Vanu va mu Yunda njikavapwisa vaka-nzili, njikapatula vanu va mu Isalele. Njikavazivila ngozi, co voshe njikavelwisa kwimbo. Vakapwa ngwe vaje kunjavyanene. Yange njapwa Kalunga Njambi yavo, njikakumbulula malombelo avo.

1 Petulu 2:6

Omwo visoneka vyendeka ngwavyo, “Njinaangula limanya lya seo yakama, limanya lya mu mbango mu Siyone, co woshe uje akulaela kuli ikeye kakazivi shwamwa.”