Isaya 54:3 - Livulu lya Shukulu Kalunga

³ Ukambata mitambela ya mafuti eka, vanu vove vakeluka mu lifuti muje muli miyati yeka ololo. Vinganda vije vyapwile vingundu vikashula lalo na vanu.

Isaya 54:3 Iomraidhean Croise

Kushangumuka 26:22

Co watundile kuje nakuya alyala, kuje wakendile lisima likwavo lalo. Co lije kuvalizungilelyo, ngeci walilukile ngwendi “Kupatuka.” Wendekele ngwendi, “Ololo Shukulu Kalunga natupatula ngeci tuvezike mu lifuti lino.”

Kushangumuka 28:14

Vatekulwila vove vakapwa vavangi manene ngwe livu lya ano asi. Co vakatuma nakushulisa lifuti eli lyoshe mu mitambela mwoshe, muli yove na muli vatekulwila vove njikavezikisilamo miyati yoshe.

Kushangumuka 49:10

Mulamu wa vumwene kuukatundu kuli Yunda, nambe mulamu wa muka-kushwana kuukatundu ku vatekulwila vendi, noo vavenyawo naija, miyati ya vanu vakamwononoka.

Isaya 14:1

Shukulu Kalunga akatetela vanu vendi va Isalele, akavaangula lalo nakuvaka mu lifuti lyavo, co vaka-kwija vakaija nakukala amo navo.

Isaya 14:2

Miyati yaingi vakakwasa vanu va Isalele kwiluka mu lifuti lyavo lije lyavanene Shukulu Kalunga, miyati ya vanu vakapangela Isalele ngwe vindungo. Vaje a simbu imo vafungulwile Isalele vakafunguluka kuli Isalele, co vanu va Isalele vakashwana vaje vavayandesele.

Isaya 26:15

Shukulu Kalunga, yove unaamesa muyati wetu, unaamesa vinginga vyoshe vya lifuti lyetu, co eci cinanena ngeci tukusingimike.

Isaya 45:14

Shukulu Kalunga alinakwendeka kuli Isalele ngwendi, “Vufuko vwa Ingito na Sundane vukapwa vwove, na vanalume vavalaja va ku Semba vakapwa vindungo vove, vakakukavangeya oku vali mu malyenge. Vakatsikama a mavuli nakulitavela kuli yove ngwavo, ‘Njambi ali nove, ikeye lika napu Njambi.

Isaya 48:19

Nga vatekulwila veni vanatumu ngwe vinona vya lishen̄avu, co yange ngwe kunjatavele ngeci vavanyongese.”

Isaya 49:12

Vanu vange vakatunda kulyala, vakatunda ku kunto na mu kangombe ka yambi, na ku Aswane mu mbwela.”

Isaya 49:8

Shukulu Kalunga alinakwendeka kuli vanu vendi ngwendi, “Omo simbu yakumyamena yeta, njikakumbulula malombelo eni nakumimwesa ngozi yange, njikamikongweya nakuminyunga, co muli yeni njikalinga cikumiiyo na vanu voshe. Co njikamitava mutunge lalo mu lifuti lyeni lije ololo linapu ngundu.

Isaya 52:9

Yeni vingundu vya Yelusalema, shangumukeni kwimba myaso yakujolela! Shukulu Kalunga napatula Yelusalema nganda yendi nakuzembeleka vanu vendi.

Isaya 53:10

Shukulu Kalunga alinakwendeka ngwendi, “Eci capwile cizango cange ngeci ayande, kutsa kwendi kwapwile n̄ombelo yakunena kusambesa. Ngamba yange akayoya simbu yoshe nakumona vatekulwila vendi, co muli ikeye vutumbe vwange vukaya kulutwe.

Isaya 55:5

Ololo mukasana miyati yeka, ije kumwazivukile akulivanga, oloni vakaija lumbisi nakulipandakana neni! Yange Kalunga, Njambi yeni, Njambi wakujela wa Isalele, njikalinga ngeci vyoshe evi vinapande kulingiwa, njikamishangazala nakumyana vumpau.”

Ndanyele 7:27

Nzili na vukama vwa vumwene vwoshe vwa ano asi vakavwana kuli vanu va Njambi wa Akamwa ya Akamwa. Co nzili ya vumwene vwavo kuyikahu, vaka-kushwana voshe va ano asi vakamwononoka nakumupangela.”

Loma 10:18

Oloni njihula ngwange, mwa vushunga kuma kuvazivile lijwi ndi? Valizivile, omwo visoneka vyendeka ngwavyo, “Omo mutambi wa lijwi lyavo washandokelele mu kaye mwoshe, majwi avo etele na ku shongo ya asi oshe.”

Loma 11:12

Vuvi vwa vaYunda vwanenele vivezikiso vyakama mu kaye, co kuutwa kwavo kwa mu munzinzime kwanenele vivezikiso vyakama kuli vaje kesi vaYunda. Ngecivene, vikapwa vatijo vivezikiso vyakama manene omo vungi vwa vaYunda vanavawezelela!

Kolose 1:23

Ngecivene, munapande kutwalao mukukulaela nakwimana mbe a luvula lwaluvwa, co kesi mutave ngeci vamishwenyese kutunda ku cinyangavili cije mwatambwile omo mwazivile muzimbu. Omwo a muzimbu ou ngeci yange Paulu, njapwile ngamba, muzimbu ou valinakwambulwila kuli munu na munu mu kaye mwoshe.