Isaya 54:17 - Livulu lya Shukulu Kalunga

¹⁷ Oloni kukwesi citwa cikasa kukuvulumuna, ukasa kukumbulula vaje voshe vakendeka majwi a makuli ali yove. Njikemanena vangamba vange nakuvahyanesa.” Mwanendeka Shukulu Kalunga.

Isaya 54:17 Iomraidhean Croise

Yombi 1:11

Oloni nga utundisa vyuma vyoshe evi vyalinavyo, co akakushaula citona-mesho!”

Yombi 2:5

Oloni ololo aceseke kukwata ku muvila wendi, co akakushaula citona-mesho!”

Yombi 42:7

Omo Shukulu Kalunga wamanesele kwendeka kuli Yombi, co wendekele kuli Elifaze ngwendi, “Njinaluvala nove na vasamba vove vavali, omwo kumwendekele vya vushunga ali yange, ngwe mwanendeka ngamba yange Yombi.

Myaso 32:6

Ngecivene, voshe vaka-kulongwa vanapande kulombela kuli yove a simbu yakujeneka, co omo tuyando twakama twija, kutwasa kuvawana.

Myaso 61:5

Yove Njambi wazivile vikulaeso vyange, co unanjivezikisa ngeci muje ukavezikisa vaje vakulemesa.

Myaso 71:16

Shukulu Kalunga Njambi, njikaya mu nzili yove yakama, njikambulula vushunga vwove lika.

Myaso 71:19

Vushunga vwove yove Njambi, vunete mwilu ya melu. Yove Njambi unalingi vyuma vyakama, naumo wai nalifu nove.

Isaya 17:12

Miyati ya nzili yakama vali mu vukalu na muyoyo ngwe cikumo ca mema a kalunga, ngwe kungwanjanga kwakama kwa mankimba a mema a kalunga.

Isaya 26:2

Shokololeni vikolo vya nganda ngeci muyati wa vanu va kulongwa vakovele, muyati wa vanu vaje vaka-kulinga mwa vushunga.

Isaya 29:8

Miyati yoshe vaje vakakunguluka nakulwisa Yelusalema vakapwa ngwe munu natsi njala uje alota alinakulya, co omo akasumuka anga ali na njala, nambe ngwe munu natsi lihwila uje alota alinakunwa mema, co omo akasumuka anga ali na lihwila.

Isaya 3:10

Vaka-vushunga vakavwaelela, co vyuma vyoshe vikenda mwamuvwa kuli vakevo. Vakavwaelela na vije vivanapangela.

Isaya 40:2

Takameseni vanu va ku Yelusalema. Valekeni ngeci tuyando twavo tunahu, na vuvi vwavo vanavusambesa. Njavahisile manene a vuvi vwavo vwoshe.”

Isaya 41:11

“Voshe vaje vanamiluvalela, vakaziva shwamwa nakukomoka. Vaje valinakumilwisa vakanyonga,

Isaya 46:13

Litangwa lyakumyamena lili muyehi, kulyesi kulyala embwe. Kwamena kwange kucikeshwala embwe. Njikaamena Yelusalema, nakunena kasingimiko ku Isalele.’ ”

Isaya 50:8

omwo Njambi ali kuyehi nange, co akamwesa ngeci kunjesi na mulonga. Kuma kwali wakusimpa uje asa kunjisompa ndi? Ijeni tuye amo ku mbanja! Mweceleni anene n̄anda yendi!

Isaya 50:9

Shukulu Kalunga wa Akamwa ya Vyoshe ikeye muka-kunjimanena, iyajo anjana mulonga? Vaka-kunjivangeya voshe vakahwa njwa, vakanyonga ngwe nanga yakuliwa ku tunembulu.

Isaya 51:5

Mafuti a kulyala anavandamena na cinyangavili kwija kwange mukuvamena. Njikaija vwasi-vwasi mukwamena nakushika mafuti.

Isaya 54:15

Nga munu akakulwisa, ikeye vavenya alinakucilinga, kesi yange njinamutumu embwe. Woshe uje akakulwisa akawa.

Isaya 54:16

“Yange njatangele muka-kufula, uje akafulu vitwa a tuhya. Yange lalo njatangele lishwalale, uje muka-kupangesa vije vitwa mukutsiya.

Isaya 58:14

co mukawana kujolela mukunjipangela yange. Vakamisingimika mu kaye mwoshe, co mukajolela mu lifuti lije linjanene kuli kukulwila yeni Yakomba. Yange Kalunga, Njinendekamo.”

Isaya 60:21

Vanu vove voshe vakapwa vaka-vushunga, vakashwana lifuti ku myaka yoshe. Njavakunine, nakuvatanga, ngeci vasholole vukama vwange ku vanu voshe.

Isaya 61:10

Yelusalema ijolela omwo vije vyanalingi Shukulu Kalunga. Shukulu Kalunga nafu ngwe shombolwa nazala vuzalo vwa vushombolwa. Njambi namwamena nakumuhyanesa.

Njelemiya 23:6

Omo akapwa mwene, vanu va mu Yunda vakakala mwamuvwa, na vanu va mu Isalele vakayoya mu kwoloka. Vakamutumbula ngwavo, ‘Shukulu Kalunga Kwamena Kwetu.’ ”

Ndanyele 3:26

Ngecivene, Nevukaneza waile ku cikolo ca litende lya tuhya, wasanene ngwendi, “Shandelaki! Meshake! Ambendenengo! Vasamba va Njambi wa Akamwa ya Akamwa! Tuukenimo!” Co aje vene vatuukilemo.

Ndanyele 6:20

Omo washwenyele kuyehi, watambekele na lijwi lya vusiwa ngwendi, “Ndanyele, ngamba ya Njambi wakuyoya! Njambi uje iwapangela na kulongwa manene nakwamena ku tunwa twa vindumba ndi?”

Mateo 16:18

Co yange njikuleka lalo ngwange, yove unapu Petulu, co a limanya eli vene akeo njikatungila cikungulukilo cange, co nzili ya vukalo vwa vatsi kuyikacihyana.

Loma 10:4

Omwo Kilistu namanesa Lishiko, ngeci munu woshe uje akulaela vamupwise muka-vushunga ku mesho a Njambi.

Loma 3:22

Njambi alingisa vanu ngeci vapwe vaka-vushunga akukulaela kwavo kuli Yesu Kilistu. Njambi alinga eci kuli voshe vaje vakulaela kuli Kilistu, omwo kumwesi kaangu kai,

Loma 8:1

Kukwesi cihiso ololo kuli vaje valinakuyoyela muli Kilistu Yesu.

1 Kolinte 1:30

Oloni Njambi namyaka amo muli Kilistu Yesu, co Njambi napwisa Kilistu mana etu. Ali ikeye tunapu vaka-vushunga ku mesho a Njambi, tunapu vana va Njambi vakujela, co vanatupatula.

2 Kolinte 5:21

Kilistu kalingile vuvi, oloni Njambi wamupwisile vuvi omwo yetu, co akukala muli ikeye, vanatupwisa vaka-vushunga vwa Njambi.

Filipu 3:9

ngeci njikale muli ikeye. Yange kunjesi na vushunga vwange vavenya vwai, vuje vasa kuwana akwononoka Lishiko. Ololo njili na vushunga vuje vananjana akukulaela lika kuli Kilistu, vushunga vuje vutunda kuli Njambi, co nsina yavwo inapu kukulaela.

Yoshwa 24:10

Oloni njavyanene kutolilila Mbalame, ngecivene, ikeye wamivezikisile, co mu ngila eyi vene njamyovwele kuli Mbalake.

2 Petulu 1:1

Mukanda wakutunda kuli yange Simoni Petulu, ngamba na muluwa wa Yesu Kilistu. Njilinakusoneka kuli vaje, a vushunga vwa Njambi yetu na Muyoyesi wetu Yesu Kilistu vanavana kukulaela kwa seo yakama manene ngwe yetu vene.

Kujombolola 12:10

Asinoni njazivile lijwi lyakama lyendekele mwilu ngwalyo, “Ololo kwamena kwa Njambi kunaija! Ololo Njambi namwesa nzili yendi akupwa Mwene! Ololo Wakuvwavesa wendi namwesa moko yendi! Omwo uje wemanene ku mesho a Njambi yetu nakwana milonga vutsiki na mutanya kuli vaka-kukulaela vanamumbila asi kutunda mwilu.

1 Samwele 23:17

wendekele kuli ikeye ngwendi, “Kesi ukale na lyova. Tate Saulu kakasa kukuvulumuna embwe. Ikeye nazivuka mwamuvwa yove ukapwa mwene mu Isalele, co yange njikapwa wakukwata.”