Isaya 54:16 - Livulu lya Shukulu Kalunga

¹⁶ “Yange njatangele muka-kufula, uje akafulu vitwa a tuhya. Yange lalo njatangele lishwalale, uje muka-kupangesa vije vitwa mukutsiya.

Isaya 54:16 Iomraidhean Croise

Kutuuka 9:16

Oloni akukumwesa nzili yange, njakutavele kuyoya ngeci lizina lyange likatsimane mu kaye mwoshe.

Visimo 16:4

Cuma coshe catangele Shukulu Kalunga, cili na vutumbe vwaco, co vutumbe vwa vaka-vuvi vunapu kunyonga.

Isaya 10:15

Oloni Shukulu Kalunga endeka ngwendi, “Kuma njaviti yasa kukala na nzili kutuvakana uje munu alinakuyipangesa ndi? Kuma saha yasa kupwa ya vulemu kutuvakana munu uje alinakuyisaesa ndi? Mulamu kuwesi kujundula munu, oloni munu ikeye akajundula mulamu.”

Isaya 37:26

“Kuma kuwazivile ngeci yange Kalunga njayongwele laja vutumbe ovu ndi? Co ololo njinavusholola. Njakwanene nzili yakutengulula vinganda vya vimpaka kuvipwisa mitumbo ya vishwashwa.

Isaya 46:11

Njinasana munu kutunda mu ngangela, akukukwavula ngwe kambembe, co akamanesa vije vinjayongwele. Njinendeka, co vikalingiwa.

Isaya 54:15

Nga munu akakulwisa, ikeye vavenya alinakucilinga, kesi yange njinamutumu embwe. Woshe uje akakulwisa akawa.

Isaya 54:17

Oloni kukwesi citwa cikasa kukuvulumuna, ukasa kukumbulula vaje voshe vakendeka majwi a makuli ali yove. Njikemanena vangamba vange nakuvahyanesa.” Mwanendeka Shukulu Kalunga.

Zakaliya 1:20

Co Shukulu Kalunga wanjimwesele vanu vaka-vipangi vawana vaje vakele nakupanga na miveto.

Zakaliya 2:1

Mu cimona cikwavo njamwene munalume wakwatele mukole wakusetekesa mu livoko lyendi.

Zakaliya 2:4

Co uje kangelo wakulivanga wendekele kuli uje mukwavo ngwendi, “Shatuka ukaleke uje mukwenje nakwata mukole wakusetekesa ngwove mu Yelusalema mukakala vanu vavangi na vimuna vavangi, co kuyikakala na vivumbe vyakuyizengeleka.

Yowano 19:11

Yesu wakumbulwile ngwendi, “Yove uli na moko ali yange omwo Njambi nakwanayo. Ngecivene, munalume ou nanjinena kuli yove ali na mulonga wa vuvi vwakutuvakana.”

1 Samwele 13:19

Mu Isalele kumwakele vaka-kufula omwo vaFilisitiya vavindikile vaHevelu kufula mikwale, na makunga.