Isaya 54:13 - Livulu lya Shukulu Kalunga

¹³ “Yange vene njikalongesa vanu vove, nakuvavezikisa na kwoloka.

Isaya 54:13 Iomraidhean Croise

Myaso 119:165

Vaje voshe vazema mashiko ove vali mu kwoloka, co kukwesi cuma cimo casa kuvatanukisa.

Myaso 119:33

Shukulu Kalunga njilongese kukavangeya mashiko ove, co njikaanyunga simbu yoshe.

Myaso 147:14

Ikeye aana kwoloka kuluu ku vinginga vyove, nakukwana tiliku yaivwa ngeci ulye.

Myaso 71:17

Yove Njambi wanjilongesele tunde ku vwanike vwange, kweta na simbu ino njicili nakwambulula vilinga vyove vyakukomokesa.

Isaya 11:9

A Siyone, lilundu lya Njambi lyakujela, kwaakakala cuma cimo cakukuvulumuna nambe vuvi. Lifuti likashula na mana akuzivuka Shukulu Kalunga ngwe mema a kalunga mwakajalela.

Isaya 2:3

Vanu vavangi vakendeka ngwavo, “Tulamateni a lilundu lya Shukulu Kalunga, ku Njuvo ya Shukulu Kalunga Njambi ya Yakomba, akatulongese vije ashaka ngeci tuvilinge, ngeci twende mu vingila vyendi. Omwo vilongesa vya Shukulu Kalunga vitundilila ku Yelusalema, Shukulu Kalunga akendeka ku vanu vendi kutundilila ku Siyone.”

Isaya 26:3

Shukulu Kalunga akana kwoloka, kuli vaje vakolesa kukulaela kwavo mbe, vaje vakulaela kuli yove.

Isaya 28:9

Valinakulinyenga ali yange ngwavo, “Iyajo yakalongesa mana? Iyajo yakalongesa majwi endi? Vilongesa vyendi vinafwila lika vanike, vaje vanashumuka ku mavele!

Isaya 29:24

Vaje voshe vanapu vilema vakazivuka mana, na vaje vaka-kulinyenga simbu yoshe vakononoka vilongesa vyange.”

Isaya 48:18

“Nga mwatolililile ku mashiko ange, nga vivezikiso vyeni vyapwile ngwe muna ndonga uje kesi kuma cau, nga munahyana ngwe mankimba aa mema a kalunga.

Isaya 50:4

Shukulu Kalunga wa Akamwa ya Vyoshe nanjilongesa vije vyakwendeka, ngeci njase kutakamesa vaje vanajuka. A mutondo na mutondo akanjiindula ngeci njizive vije vyanjilongesa.

Isaya 54:12

Njikatunga tuposhi twove na mamanya a lumbi, vikolo vyove njikavitunga na mamanya aje akuvyazima ngwe tuhya, njikazengeleka civumbe na mamanya a seo.

Isaya 55:12

Mukatunda mu Mbambilone nakujolela, vakamitwamenena mu kwoloka kutunda mu nganda. Minkinda na malundu vikaimba ngwe vanu omo mwita, na miti lalo ikatambeka nakujolela ngwe vanu.

Isaya 66:12

Shukulu Kalunga alinakwendeka ngwendi, “Njikamihwimisa ku myaka yoshe, vufuko vwa mafuti vukaita ngwe ndonga ya muta uje kuwesi kuma. Mukapwa ngwe mwanike uje ivajamwesa vaina mwamuvwa, nakumwambata mu shivu, nakumwongozola na cizemo.

Njelemiya 31:34

Naumo wai akalongesa mundambo wendi nambe ndolome yendi kuzivuka Shukulu Kalunga, omwo voshe vakanjizivuka, kushangumukila ku vanike kutwala ku vakulunu. Njikavasambesa ku vivi vyavo, co kunjikanuka milonga yavo. Yange Kalunga, njinendekamo.”

Njelemiya 33:6

Oloni njikakangwisa nganda eyi na vanu vamwo nakuvana ciindu. Njikavamwesa kwoloka kwakushemutuka na vuvwa.

Ezekiyele 34:25

Njikalikumiiya navo cikumiiyo ca kwoloka. Njikatundisa tusitu voshe va vushonde mu lifuti, ngeci vimanga vange vakakale mwamuvwa mu mahya nakulala mwamuvwa mu shwata.

Ezekiyele 34:28

Miyati ya vaka-kujeneka kukulaela kuvakavevila, co vikashama va mu shwata kuvakavatsii nakuvalya. Vakakala mu kwoloka, co naumo wai akavazivisa lalo lyova.

Ezekiyele 37:26

Njikalikumiiya navo cikumiiyo ca kwoloka cije ca ku myaka yoshe. Njikavakolesa, co vakapwa vavangi, co njikaka Njuvo yange mu lifuti lyavo, mukemwo muyikakala ku myaka yoshe.

Hoziya 2:18

Co a simbu ije njikalikumiiya cikumiiyo na tusitu voshe va mu shwata na tuzila, ngeci kesi vakavulumune vanu vange. Njikatundisa lalo vitwa vyoshe vya nzita mu lifuti, mikwale yoshe na mata a lusipa oshe, co njikatava vanu vange ngeci vayoye mu kwoloka na mukujeneka vushonde.

Mika 4:2

co vanu vawo vakendeka ngwavo, “Tulamateni a lilundu lya Shukulu Kalunga, ku Njuvo ya Shukulu Kalunga Njambi ya Isalele. Omwo akatulongesa vije vyashaka ngeci tuvilinge, tukenda mu vitapalo vyanaangula. Omwo vilongesa vya Shukulu Kalunga vitundilila mu Yelusalema, akendeka ku vanu vendi kutundilila mu Siyone.”

Zakaliya 10:7

Vanu va mu Isalele vakapwa vaka-nzili ngwe mashwalale, vakavwaelela ngwe vanu vananu vinyu. Vatekulwila vavo vakanuka kuhyana oku, co vakavwaelela omwo a vije vyanalingi Shukulu Kalunga.

Mateo 16:17

Co Yesu wamukumbulwile ngwendi, “Unavezika ove Simoni muna Yona! Omwo vanu kuvacijombolwele kuli yove, oloni kuvanga Tate uje ali mwilu.

Luka 24:45

Co washokolwele mana avo ngeci vazivuke Visoneka,

Yowano 16:33

Njamileka vyuma evi ngeci mukale mu kwoloka akukala muli yange. Vaka-kaye vakamiyandesa. Oloni simpeni! Njinafungulula vaka-kaye!”

Yowano 6:45

Vaka-kwimanena vasonekele ngwavo, ‘Voshe Njambi akavalongesa.’ Woshe aziva Tate nakulilongesa kuli ikeye aija kuli yange.

Vilinga vya Miluwa 2:39

Omwo cikulaeso ca Njambi vacilingile kuli yeni na kuli vana veni, na kuli voshe vali kulyala, vaje voshe vanasana Shukulu Kalunga Njambi yetu vaije kuli ikeye.”

Loma 14:17

Omwo Vumwene vwa Njambi kesi ngwe vunapu vwa vyakulya nakunwa embwe, oloni vunapu vwa vushunga na kwoloka nakujolela mu Munzinzime Wakujela.

Loma 15:13

Co Njambi, nsina ya cinyangavili, amishulise nakuvwaelela kwoshe na kwoloka omwo akukulaela kweni, ngeci cinyangavili ceni cikole mu nzili ya Munzinzime Wakujela.

Loma 5:1

Ngecivene, omo vanatupwisa vaka-vushunga ku mesho a Njambi akukulaela, co tuli mu kwoloka na Njambi ali Mwene yetu Yesu Kilistu.

1 Kolinte 2:10

Oloni Njambi natusholwela vyakushwekesa ali Munzinzime wendi. Munzinzime akashakezeka vyuma vyoshe, nameme vizango vya Njambi vyakulova.

Ngalatiya 5:22

Oloni vushuka vwa Munzinzime vunapu cizemo, kujolela, kwoloka, lukakateya, ngozi, vuvwa, kulongwa,

Efeso 4:21

Mwa vushunga yeni mwaziva laja vya ali ikeye, co akupwa vaka-kumukava vamilongesele vushunga vuje vuli muli Yesu.

Filipu 4:7

Co kwoloka kwa Njambi, kuje munu naumo wai asa kuzivisisa, cikanyunga vimbunge vyeni na viyongola vyeni mwamuvwa muli Kilistu Yesu.

1 Tesalonika 4:9

Kutwapandele kumisonekela a cizemo kuli umo na mukwavo. Omwo yeni vavenya Njambi wamilongesele vati munapande kulizema umo na mukwavo.

VaHevelu 8:10

Co kengeni, eci cikeco cikumiiyo njikalinga ololo kuli vanu va Isalele munima ya matangwa aje. Njikaka mashiko ange mu mana avo, co njikawasoneka mu vimbunge vyavo. Ngeci njikapwe nji Njambi yavo, co vakevo vakapwe vanu vange.

VaHevelu 8:11

Co naumo wai lalo wavo akalongesa mukwavo wa mu lifuti lyendi, naumo wai lalo akaleka mukwavo ngwendi, ‘Muzivuke Shukulu Kalunga.’ Omwo voshe vakanjizivuka, kutunda kuli uje wamundondo nakweta kuli mukulunu.

1 Yowano 2:20

Oloni Kilistu netila laja Munzinzime Wakujela ali yeni, ngecivene, yeni voshe munazivuka vushunga.

1 Yowano 2:27

Oloni ngeci mweni, Kilistu netila Munzinzime wendi ali yeni. Ngwe omo Munzinzime wendi ali muli yeni, kumushaka munu kumilongesa. Omwo Munzinzime wendi alinakumilongesa vyuma vyoshe, co vije alinakulongesa vinapu vya vushunga, kesi vya makuli embwe. Ngecivene, ononokeni vilongesa vya Munzinzime, co kaleni muli Kilistu.