Isaya 54:1 - Livulu lya Shukulu Kalunga

¹ Yelusalema, unafu ngwe munakazi wa vana, oloni ololo wasa kwimba nakutambeka nakujolela. Ololo ukakala na vana vavangi kutuvakana munakazi uje nashomboka simbu yakama.

Isaya 54:1 Iomraidhean Croise

Kushangumuka 21:6

Sala wendekele ngwendi, “Njambi nanjinenela mbwase nakujolela. Vanu voshe vakaziva a cuma eci vakajolela amo nange.”

Myaso 113:9

Shukulu Kalunga avezikisa mumba mu njuvo yendi, amuvwaelelesa akumwana vana. Shangazaleni Shukulu Kalunga!

Myaso ya Solomoni 8:8

Tuli na ndokazi yetu wa mumbanda wamundondo, mavele endi kanda acikole. Vatijo tukalinga nendi, nga mukwenje akaija nakumuulila?

Isaya 12:6

Munu woshe wakala mu Siyone atambeke nakwimba! Njambi ya Isalele wakujela napu wakama, ikeye wakala akati ka vanu vendi.”

Isaya 24:14

Vaje vakasalao vakaimba nakujolela. Vaje vali mu kangombe ka yambi vakambulula vukama vwa Shukulu Kalunga,

Isaya 44:23

Tambekeni nakujolela, yeni melu! Tambekeni, yeni mitambela ya mwisi ya kaye! Tambekeni nakujolela, yeni minkinda na miti yoshe ya mu shwata! Shukulu Kalunga namwesa vukama vwendi akwamena vanu vendi va Isalele.

Isaya 49:13

Imbeni, yeni melu, ngwe vanu, asi, tambeka nakujolela ngwe vanu! Minkinda ishangumuke kwimba ngwe vanu! Shukulu Kalunga akazembeleka vanu vendi, vanu vendi vaka-kuyanda, akavazivila mema ku mbunge.

Isaya 49:19

“Lifuti lyove lyaviile, co lyapwile ngundu, oloni ololo likashula manene na vanu vaje valinakwija nakutungamo. Na vitozi vove voshe vakakala kulyala nove.

Isaya 49:20

Vanu vove vaje vasemukilile mu vunzinda, litangwa limo vakendeka kuli yove ngwavo, ‘Lifuti eli lyalindondo manene, tushaka mutambela wakama tukalemo!’

Isaya 62:4

Kuvakakutumbula ngwavo, “Nganda ivanaseze.” Nameme lifuti lyove kuvakalitumbula ngwavo, “Munakazi wa mumba.” Oloni lizina lyove lyaliha likapwa “Njambi Avwaelela Nendi.” Lifuti lyove vakalitumbula ngwavo, “Nashomboka Nakuvwaelela.” Omwo Shukulu Kalunga navwaelela nove, co akapwa ngwe munalume ku lifuti lyove.

Isaya 66:7

“Nganda yange yakujela inalifu ngwe munakazi uje akita mbututu vwasi-vwasi kujeneka kuziva mushongo.

Zefaniya 3:14

Imbeni nakutambeka nakujolela yeni vanu va mu Isalele! Joleleni na vimbunge vyeni vyoshe yeni vanu va mu Yelusalema!

Zakaliya 9:9

Joleleni, joleleni, yeni vanu va mu Siyone! Tambekeni nakujolela, yeni vanu va mu Yelusalema! Kengeni, mwene yeni alinakwija kuli yeni! Aija mu vumpau nakuhyana, oloni wa kulikeesa nalondo a cimulu, a muna cimulu, wamundondo.

Ngalatiya 4:27

Omwo visoneka vyendeka ngwavyo, “Vwaelela, yove munakazi wakujeneka vana! Tambeka nakujolela, yove kuwazivile mushongo wakukita mwana! Omwo uje munakazi ivasezele akakala na vana vavangi kutuvakana munakazi uje nashomboka simbu yakama.”

1 Samwele 2:5

“Vanu vaje valile mwamuvwa, ololo vanajeneka vyakulya, oloni vaje vakele na njala kuvesi lalo na njala. Mumba nakiti vana vatanu na vavali, oloni uje wakitile vavangi nasala mavoko-voko.