Isaya 52:7 - Livulu lya Shukulu Kalunga

⁷ Cinapu cuma cacivwa a minkinda kumona muluwa aija anena vin̄anda vyavivwa, vin̄anda vya kwoloka! Ambulula vyakuhyana nakwendeka kuli Siyone ngwendi, “Njambi yove ololo napu Mwene!”

Isaya 52:7 Iomraidhean Croise

Myaso 59:13

vanyongese na vukalu vwove, vanyongese voshe njwa. Asinoni vanu voshe vakazivuke ngeci Njambi ikeye muka-kushwana mu Isalele, kushwana kwendi kunete na ku shongo ya kaye koshe!

Myaso 68:11

Shukulu Kalunga washikile lishiko, co vanakazi vavangi vambulwile muzimbu ngwavo,

Myaso 93:1

Shukulu Kalunga ikeye mwene! Ikeye nazala vukama na nzili, kaye anga vakemikilile mu mwela wako, co kukesi kushwenya embwe.

Myaso 96:10

Endekeni kuli vanu voshe ngweni, “Shukulu Kalunga ikeye mwene! Kaye anga vakemikilile mu mwela wako kukesi kushwenya embwe, ikeye akasompa vanu voshe mu vushunga.”

Myaso 97:1

Shukulu Kalunga ikeye mwene! Kaye kavwaelele ngwe vanu! Man̄anda a mu mema a kalunga ajolele ngwe vanu!

Myaso 98:2

Shukulu Kalunga nambulula kuhyana kwendi, nasholola nzili yendi yakwamena.

Myaso 98:3

Co lalo nasholola vushunga vwendi ku miyati, nanuka cizemo cendi cije kucesi kutenguluka, na kulongwa kwendi ku vanu va Isalele, kwamena kwa Njambi yetu vanacimono ano asi oshe.

Myaso 99:1

Shukulu Kalunga ikeye mwene, miyati yoshe inapande kujaja! Natumbama a litanda lyendi lya vakelumbi va mambava, asi anapande kundunduma.

Myaso ya Solomoni 2:8

Njinazivi lijwi lya muka-cizemo cange. Alinakwija nakushatuka a minkinda, alinakushatuka nakujombozoka a malundu aija kuli yange.

Isaya 24:23

Ngonde ikatsitsivala, co litangwa kulikatu ceke, Shukulu Kalunga Muka-nzili yoshe ikeye akapwa mwene. Akashwana mu Yelusalema a Munkinda wa Siyone, co vantwama va vanu vakamona vumpau vwendi.

Isaya 33:22

Shukulu Kalunga wapwa lyaako lyetu na mwene yetu, akatunyungu mwamuvwa.

Isaya 40:9

Yelusalema, lamata a munkinda waulaja, ambulula vin̄anda vyavivwa! Siyone, tambeka na lijwi lyakama, ambulula vin̄anda vyavivwa! Ambulula, kesi uzive lyova. Leka membo a Yunda ngwove, Njambi yeni ali kuno!

Isaya 41:27

Yange Kalunga njapwile wakulivanga kuleka muzimbu Siyone, njatumine muluwa ku Yelusalema nakukendeka ngwendi, ‘Vanu vove valinakwija kwimbo!’

Isaya 42:11

Mambo na membo amwo vashangazale Njambi, vanu va ku Kendale vamushangazale! Vaje vakala mu nganda ya Sela vatambeke nakujolela akamwa ya minkinda!

Mika 4:7

Njikatengulula vaje vilema kupwa vanu vakukulaela. Oloni njikashangumuka mwamuha na vaje vanasalao, co vakapwa muyati wakama. Co njikavashika a Munkinda wa Siyone tunde aje na ku myaka yoshe.”

Nahumi 1:15

Kengeni, muluwa alinakwija akamwa ya minkinda mukutunenela muzimbu wauvwa! Alinakwija mukwambulula vyakufungulula Asilya! Ngecivene, vanu va mu Yunda, lisambeni a viwano vyeni, co aneni kuli Njambi vije mwalisingile kumwana. Co vaAsilya vaje vaka-vuvi kuvakalwisa lalo lifuti lyeni. Vanavanyongesa voshe njwa!

Nahumi 2:1

Vaka-Nenevayi, valinakumilwisa! Muka-kumilwisa uje ali na nzili yakuminyongesa naija mukumilwisa! Nyungeni civumbe ca nganda! Nyungeni tapalo! Livwaeseleni cimweja nzita!

Zakaliya 9:9

Joleleni, joleleni, yeni vanu va mu Siyone! Tambekeni nakujolela, yeni vanu va mu Yelusalema! Kengeni, mwene yeni alinakwija kuli yeni! Aija mu vumpau nakuhyana, oloni wa kulikeesa nalondo a cimulu, a muna cimulu, wamundondo.

Mateo 25:34

Asinoni mwene akendeka kuli vaje vali ku livoko lyendi lya cilyo ngwendi, ‘Ijeni, yeni vaanavezikisa Tate! Shwaneni vumwene vuje vamivwaeselele tunde kukutanga kwa kaye.

Mateo 28:18

Co Yesu washwenyele kuyehi navo wendekele navo ngwendi, “Moko yoshe ya mwilu neyi ya ano asi vananjanayo.

Mako 13:10

Oloni omo simbu kanda yete, Vin̄anda Vyavivwa vakavyambulula kuli vanu voshe.

Mako 16:15

Co wendekele kuli vakevo ngwendi, “Yeni ku mafuti oshe a ano a kaye nakwambulula Vin̄anda Vyavivwa kuli vanu voshe.

Luka 2:10

oloni kangelo wendekele kuli vakevo ngwendi, “Kesi muzive lyova! Omwo njinanena muzimbu wauvwa kuli yeni, uje ukasholola kujolela kwakama kuli vanu voshe.

Luka 24:47

ngeci kutenguluka nakusambesa kwa vivi vakavyambulule mu lizina lyendi ku mafuti oshe, kushangumukila mu Yelusalema.

Efeso 6:15

co ngwe vin̄aku ku myanja yeni, mukulivwaesela cimweja kwambulula Vin̄anda Vyavivwa vya kwoloka.

Kujombolola 11:15

Asinoni kangelo wamucitanu na vavali wembile lupembo lwendi, co kwakele majwi akama mwilu endekele ngwawo, “Nzili yakushwana kaye ololo inakundama kuli Mwene yetu na Wakuvwavesa wendi, co akashwana myaka yoshe!”

Kujombolola 14:6

Asinoni njamwene kangelo mukwavo alinakupulula mwilu a mukambwila, na lijwi lya Vin̄anda Vyavivwa vyakwambulula kuli vanu va ano asi na ku mafuti oshe ku miyati yoshe na ku vindaka vyoshe na ku vanu voshe.