Isaya 52:6 - Livulu lya Shukulu Kalunga

⁶ Omo simbu yeta mukazivuka ngeci yange njapwa Njambi uje nendeka kuli yeni.”

Isaya 52:6 Iomraidhean Croise

Myaso 48:10

Vanu valinakukushangazala kwoshe-ikwoshe, co lutsimo lwove lunashandokela ano asi oshe. Yove washwana mu vushunga.

Kutuuka 3:13

Oloni Mosesa wendekele kuli Njambi ngwendi, “Omo yange njiya kuli vaIsalele nakwendeka navo ngwange, ‘Njambi ya vakukulwila veni ikeye nanjitumu kuli yeni,’ co omo vakevo vakanjihula ngwavo, ‘Iyajo lizina lyendi?’ Co njikavaleka ngwange vati?”

Kutuuka 33:19

Co Shukulu Kalunga wamukumbulwile ngwendi, “Njikaita na vuvwa vwange vwoshe kulutwe lwove, co njikatumbula lizina lyange lyakujela. Yange Kalunga, njimwesa kutetela na mema ku mbunge kuli voshe vaje njaangula.

Kutuuka 6:3

Yange njalisholwele kuli Avilahama, na kuli Isake, na kuli Yakomba, ngwe Njambi Muka-nzili yoshe, oloni lizina lyange lya Kalunga kuvalizivukile.

Isaya 40:9

Yelusalema, lamata a munkinda waulaja, ambulula vin̄anda vyavivwa! Siyone, tambeka na lijwi lyakama, ambulula vin̄anda vyavivwa! Ambulula, kesi uzive lyova. Leka membo a Yunda ngwove, Njambi yeni ali kuno!

Isaya 42:9

Kenga, vyuma vyoshe vinasholoka ngeci muje njendekele ngwange vikalingiwa, co ololo njambulula vyuma vije vikalingiwa kulutwe.”

Isaya 49:23

Vimyene vakapwa ngwe vaisho, na vamwene vakapwa ngwe vanyoko. Vakakutsikamena nakukusingimika, vakalikeesa mukumwesa kasingimiko kavo kuli yove. Asinoni ukazivuka ngwove kuma yange njapwa Kalunga, vaje vanjikulaela, kuvakazivi shwamwa.”

Isaya 60:16

Miyati ya vanu voshe na vimyene vakakunyunga ngwe cisemi alela munendi. Co ukazivuka ngeci yange, Kalunga Muka-nzili yoshe Njambi wa Isalele, njinakwamena nakukupatula.

Njelemiya 31:34

Naumo wai akalongesa mundambo wendi nambe ndolome yendi kuzivuka Shukulu Kalunga, omwo voshe vakanjizivuka, kushangumukila ku vanike kutwala ku vakulunu. Njikavasambesa ku vivi vyavo, co kunjikanuka milonga yavo. Yange Kalunga, njinendekamo.”

Ezekiyele 20:44

Omo njikalinga mukunyunga kasingimiko kange, co mukazivuka ngeci yange njapwa Kalunga, njinalingi neni omwo lizina lyange, kesi ngwe omwo vingila vyeni vyavivi nambe ngwe omwo vilinga vyeni vyavivi vije munalingi yeni muyati wa Isalele.” Mwanendeka Shukulu Kalunga wa Akamwa ya Vyoshe.

Kulava 23:19

Njambi kapwile munu ngeci ikeye akwise embwe, nambe kapwile muna munu ngeci atengulule viyongola vyendi embwe. Coshe canakulaesa kuvanga acilinge, coshe endeka kuvanga cilingiwe.