Isaya 52:5 - Livulu lya Shukulu Kalunga

⁵ Ngecivene, ololo cuma cimo lalo cinasholoka mu Mbambilone, munapu mu vinzinda, co nacimo cai vamilandele naco. Co vaje vamishwanene vatambekele, co vashawile lizina lyange.

Isaya 52:5 Iomraidhean Croise

2 Samwele 12:14

Oloni omwo unamwesa kashaundu kangacije kuli Shukulu Kalunga akulinga evi, munove akatsa.”

Myaso 44:12

Yove walandesele vanu vove ngwe vindungo na ndando yaindondo, co kuwawaneneo nganyo.

Myaso 44:16

ku majwi akuyeluwisa naa akushaula aje vendeka vitozi vange na vaje vanjizinda.

Myaso 74:10

Yove Njambi visimbu vingaijo, vitozi vetu vakakujola? Kuma vakatwalao kushaula lizina lyove ku myaka yoshe ndi?

Myaso 74:18

Shukulu Kalunga, anuka muvali nakukujola vitozi, anuka muvali nakushaula, nakuyeluwisa lizina lyove.

Kutuuka 3:7

Asinoni Shukulu Kalunga wendekele ngwendi, “Mwa vushunga, njinamono tuyando twa vanu vange muvali nakuvapangesela mu Ingito. Njazivi valinakulila ngeci vavapatule ku vundungo vwa vaje valinakuvayandesa. Njamono a tuyando twavo twoshe.

Isaya 22:16

“Yove wayongola ngwove yove iyajo? Uli na moko mukajo yakulicokwela mbumbo kumukulo wa lilundu lya mamanya?

Isaya 37:28

“Oloni njazivuka kalesi yove, na vije viwukalingi na kuje kuukai. Njazivuka nomu muukanjilwisila.

Isaya 37:6

wamukumbulwile ngwendi, “Shukulu Kalunga nakuleka ngwendi kesi utave vaAsilya vakutewese na lingwavo lyavo ngeci ikeye kasa kumyamena embwe.

Isaya 47:6

Njaluvalele na vanu vange, njavapangesele ngwe kesi vanu vange. Njavaakele mu mavoko ove, oloni yove kuwavamwesele mema ku mbunge, nameme tukulukazi vene wavapangesele na muuka.

Isaya 51:20

Ku vimbango vya vitapalo vyoshe vanu vove valinakulezumuka omwo kuzeya, vanafu ngwe mbambi natsi mu mweto wa ciyambi. Vanazivi nzili ya vukalu vwa Njambi.

Isaya 51:23

Oloni nganja eyi njikayana kuli vaje vamiyandesele, nakumilyatangela mu vitapalo ngwe mazilo.”

Isaya 52:3

Shukulu Kalunga wa Akamwa ya Vyoshe alinakwendeka kuli vanu vendi ngwendi, “Omo mwapwile vinzinda, kuvamilandesele na vimbongo, co mu ngila eyi vene kuvakamipatula na vimbongo.

Njelemiya 50:17

Shukulu Kalunga alinakwendeka ngwendi, “Vanu va Isalele vanafu ngwe vimanga vaje vavanasheke nakuvashandola ku vindumba. Akulivanga vavalwisile kuli Mwene wa Asilya, co lalo Mwene Nevukaneza wa Mbambilone ikeye wambulukutile vitsiya vyavo.

Mbimbi 1:21

“Vanu vazivile kukemanga kwange, oloni naumo wai wanjizembelekele. Vitozi vange voshe vanavwaelela omo yove unanena tuyando ali yange. Nena vwasi litangwa lije liwakulaesele, yandesa vitozi vange ngwe munjilinakuyanda yange.

Mbimbi 2:3

Mu vukalu vwendi wavindikile nzili ya Isalele, wavyanene kutukwasa omo vitozi vatulwisile. Waluvalele netu ngwe tuhya tuje tunyongesa vyuma vyoshe.

Ezekiyele 20:14

Oloni kunjalingilemo, nga njalingilemo, nga lizina lyange lyashaukile akati ka miyati ya vanu vaje vanjimwene njitwamenena vaIsalele kutunda mu Ingito.

Ezekiyele 20:9

Oloni kunjalingilemo, nga njalingilemo, nga lizina lyange lyashaukile, omwo ku mesho a vanu vaje vakele nakukala amo kuje, njambulwile ngwange njikatundisa Isalele mu Ingito.

Zefaniya 1:10

“A litangwa lije mukaziva muyoyo wakulila ku Cikolo ca Visi ca Yelusalema. Mukaziva kutendeka kwakama mu mutambela wamucivali wa mu nganda na muyoyo wa vinjuvo vilundumuka akamwa ya malundu a Yelusalema.

Loma 2:24

Omwo visoneka vyendeka ngwavyo, “Omwo ali yeni vaYunda, vaje kesi vaYunda vendeka vyavivi ali Njambi.”

Maako 18:3

Co omo vakele ku njuvo ya Mika, vanangukile nakuzivuka endekesi ya uje mukwenje wa kaLevi, co vemanene nakumwihula ngwavo, “Vikajo ulinakulinga kuno? Iyajo wakunenele kuno?”