Isaya 52:12 - Livulu lya Shukulu Kalunga

¹² A simbu eyi kumukayi lumbisi nambe kuvomboloka embwe. Omwo Shukulu Kalunga Njambi yeni ikeye akamitwamenena, co akaminyunga ku mitambela yoshe.

Isaya 52:12 Iomraidhean Croise

1 Mizimbu 14:15

Omo ukaziva cililimo akamwa ya miti, co valwise, omwo yange njikatwama kulutwe lwove nakufungulula mbunga ya mashwalale va vaFilisitiya.”

Kutuuka 12:11

Mukailya vwasi-vwasi oku munazala vuzalo vwakwenda navwo, na vin̄aku ku mendi eni, na milamu yeni ku mavoko. Cikeco Ciwano ca Pasovala cakunjilemesa yange Kalunga.

Kutuuka 12:33

Vaka-Ingito vasindiiye vanu ngeci vazambule kutunda mu lifuti, co vendekele ngwavo, “Yetu voshe tukatsa nga kumutundumo muno.”

Kutuuka 12:39

Vatikile makende akujeneka musima a mikasha ije vatundile nayo ku Ingito, omwo vavashekele cishitumukila mu Ingito, co kuvakele na simbu yakuvwaesela cimweja vyakulya vya vungenzi.

Kutuuka 14:8

Co Shukulu Kalunga wakaluwisile mbunge ya mwene, co ikeye wakavele vaIsalele, vaje vatuukile nakulisamba.

Isaya 26:7

Shukulu Kalunga, ukavwaesela vaka-vushunga ngila yakushalama ngeci vendelemo.

Isaya 28:16

Ngecivene, Shukulu Kalunga wa Akamwa ya Vyoshe nendeka ngwendi, “Kengeni, njikajala luvula lwakukola mu Siyone. Lukelwo vene limanya lya mu mbango lije vaneseka kupwa lya vushunga, naumo wai uje akulaela mulikelyo ivakazivisa shwamwa.

Isaya 42:16

“Njikatwamenena tupuputwa twange mu vitapalo vije kuvendele. Njikatengulula lisusulungu lyavo kupwa ceke, njikavavwaesela lifuti lije lya minkinda nakulipwisa lyakulambasa. Evi vikevyo vikulaeso vyange, co njikavanyunga, kunjikajuka embwe.

Isaya 45:2

“Yange vene njikavwaesa ngila yove, njikalambesa minkinda na malundu, njikapokozola vikolo vya vunengu nakutsena mikambo yavyo ya vikuvo.

Isaya 49:10

kuvakakala na njala nambe na lihwila. Litanya na ntwima ya mu mambo kuvikavayandesa, uje wavazema akavatwamenena ku masima a tuvwelu-vwelu.

Isaya 49:11

“Njikalinga tapalo akati ka minkinda, nakuvwaesa ngila yakwendela vanu vange.

Isaya 51:14

Vaje vanapu vinzinda ololo vakapwa vaka-kupatuka, vakayoya myaka yaingi, nakukala na vyakulya vyoshe vije vanajeneka.

Isaya 57:18

“Njamwene muvalingile, oloni njikavakangwisa, co njikavatwamenena nakuvakwasa, njikazembeleka vaje valinakulila.

Isaya 58:8

“Asinoni ceke cange cikamitwila ngwe litangwa omo lituuka ku mutondo, co mukakanguka vwasi. Simbu yoshe njikakala neni nakumyamena, co vumpau vwange vukaminyunga ku mitambela yoshe.

Mika 2:13

Njambi akavashokolwela ngila, nakuvatwamenena kutunda mu vunzinda. Co vakatavozola vikolo vya nganda nakuliila ngoco. Mwene wavo, Shukulu Kalunga akavatundisamo.

Kulava 10:25

Akukotoka, vaje vakele mwisi ya pandelo ya vuntwama vwa muyati wa Ndani, vakevo vapwile vakumanesela ku vilombo vyoshe. Vakatukile nakuya mu mbunga yavo. Co Ahiyezele muna Amishandai wapwile ntwama yavo.

Kwituluka mu Mashiko 16:3

Omo mukalya vyakulya vije, kesi mukalye makende akwaka musima embwe. A matangwa atanu na avali mukailya na makende akujeneka musima. Mukawatumbula ngweni makende a tuyando omwo mwatundile mu Ingito lumbisi. Simbu yoshe yakuyoya kweni mukanuka litangwa lije mwatundile mu lifuti lya Ingito, lifuti lije lya tuyando.

Kwituluka mu Mashiko 20:4

omwo Shukulu Kalunga Njambi yeni alinakuya neni, nakumilwila ku vitozi veni.’

Yoshwa 4:11

Co capwile ngeci omo voshe vanajavuka laja, asinoni vaka-kukombelela vaje vambatele Cikasa ca Cikumiiyo ca Shukulu Kalunga vatwamene kulutwe.

Yoshwa 6:9

Co vanalume vaje valipakatele vitwa vatwamene kulutwe lwa vaka-kukombelela vaje vakele nakwimba malupembo, co mbunga yakumanesela yezile munima ya Cikasa oku malupembo anga alinakwimba.

Maako 4:14

Asinoni Ndembola wendekele kuli Mbalake ngwendi, “Ya! Shukulu Kalunga alinakukutwamenena! Ku litangwa lya lelo ikeye nakundika Sisela ku livoko lyove.” Ngecivene, Mbalake washelumukile kutunda ku Munkinda wa Tavole na vanalume vakupwa 10,000 vaje vamukavele.