Isaya 52:11 - Livulu lya Shukulu Kalunga

¹¹ Tundeni mu Mbambilone, yeni voshe vaka-kwambata vivala vya mu Njuvo ya Shukulu Kalunga. Kesi mukwate cuma cakujwala, lijeleseni ngeci muye.

Isaya 52:11 Iomraidhean Croise

1 Mizimbu 15:12

Co wendekele kuli vaLevi ngwendi, “Yeni munapu mu vantwama va cikota ca vaLevi. Lijeleseni yeni vavenya nakujelesa lalo vakweni vaLevi, ngeci mukashake Cikasa ca Cikumiiyo ca Shukulu Kalunga Njambi ya Isalele nakucinena ku mwela kuje kunjacivwaesela.

Kutuuka 30:19

Co Alone na vana vendi vakajwele ku mavoko na ku mendi avo

Isaya 1:16

Lijweleseni yeni vavenya ngeci mujele. Likeleni vuvi vwoshe ovu njilinakumona vumulinakulinga. Eyo, likeleni kulinga vuvi,

Isaya 48:20

Tundeni mu Mbambilone! Lisambeni omo muya. Joleleni nakutambeka ngeci vanu voshe vazive ngwavo, “Shukulu Kalunga namena Isalele ngamba yendi!”

Isaya 66:20

Vakelwisa vavushoko vweni vaje vali mu mafuti oshe ku lilundu lyange lyakujela mu Yelusalema a tuvalu, na vimulu, na tumelo, na mu matemba na mu makalu, cikafwa ngwe vaIsalele vanena mulambu wa vimbuto vya vinona ku Njuvo yange a malonga akujela.

Njelemiya 31:21

Aka vimweso, twa vipalo mu ngila, co wana ngila ije iwaililile. Ilukeni, yeni vanu va Isalele, ilukeni kwimbo ku vinganda vije mwasezele.

Njelemiya 50:8

“Vanu va Isalele, tundeni mu Mbambilone! Sezeni lifuti lya vaMbambilone! Pweni yeni vakulivanga kutundamo!

Njelemiya 51:45

Vanu va Isalele, teweni mutundemo! Teweseni myonyo yeni kutunda ku vukalu vwange vwakama.

Njelemiya 51:6

Teweni mutunde mu Mbambilone! Teweseni myonyo yeni! Kesi vamitsiye omwo vuvi vwa vaka-Mbambilone. Yange ololo njilinakulinga shambandinga, nakuvahisa ngwe mucinavapande.

Ezekiyele 44:23

“Vaka-kukombelela valongese vanu vange kwangula akati ka vije vyakujela na vije vyakujeneka kujela, na futisi ya vyakujela nevi vyakujeneka kujela.

VaLevi 10:3

Asinoni Mosesa wendekele kuli Alone ngwendi, “Omu mukemwo mwanendeka Shukulu Kalunga omo wendekele ngwendi, ‘Voshe vanjipangela vanapande kusingimika kujela kwange, njikamwesa vulemu vwa vumpau vwange kuli vanu vange voshe.’ ” Oloni Alone wolokele kuluu.

VaLevi 11:45

Yange njapwa Kalunga uje wamitundisile mu lifuti lya Ingito ngeci njipwe Njambi yeni. Munapande kupwa vakujela omo yange njapwa wakujela.

VaLevi 11:47

Munapande kunyanyama mukunongonona akati kaava vakujela na ava vakujeneka kujela, akati ka tusitu vaje munapande kulya na vaje kumwapandele kulya.”

VaLevi 21:6

Vanapande kupwa vakujela, co kuvapandele kushawisa lizina lyange, omwo vakombelela vin̄ombelo vya vyakulya kuli Shukulu Kalunga Njambi yavo, ngecivene, vanapande kupwa vakujela.

Zakaliya 2:10

Shukulu Kalunga wendekele ngwendi, “Imbeni nakujolela, yeni vanu va mu Yelusalema! Njikaija nakukala akati keni!”

Zakaliya 2:11

A simbu ije miyati ya vanu vavangi vakaija kuli Shukulu Kalunga, co vakapwa vanu vendi. Co akakala akati keni, co mukazivuka ngeci kuma ikeye nanjitumu kuli yeni.

Kulava 16:26

Co wendekele ku mbunga ya vanu ngwendi, “Shondolokeni ku vimbalaka vya vanu ava vavavi kesi mukwate ku cuma cimo cakundama kuli vakevo kutewa neni mukanyonga omwo ya vuvi vwavo.”

Kulava 19:11

“Woshe uje akwata a civimbi ca munu woshe-iwoshe akapwa wakujeneka kujela a matangwa atanu na avali.

Kulava 19:16

Nga munu akwata a munu uje ivanatsiila anja yangoco, nambe uje natsi ku monde, nambe nga munu akwata a citsiya ca munu watsile laja, nambe a mbumbo, co ikeye akapwa wakujeneka kujela a matangwa atanu na avali.

Kulava 8:6

“Angununa vaLevi akati ka vanu va Isalele nakuvajelesa.

Vilinga vya Miluwa 10:14

Oloni Petulu wakumbulwile ngwendi, “Embwe Mwene! Omwo kanda njicilye cuma cimo cakujwala nambe cakujeneka kujela.”

Vilinga vya Miluwa 10:28

Co wendekele kuli vakevo ngwendi, “Yeni munazivuka ngweni kaYunda lishiko lyendi kulimutavesa kwendela nambe kulizema na ava kesi vaYunda. Oloni Njambi nanjimwesa yange ngeci kesi njiyongole munu umo ngwange wakujwala nambe ngwange wakujeneka kujela.

Loma 14:14

Kulitombola kwange muli Mwene Yesu mwa vushunga cinanjizivukisa ngeci kukwesi vyakulya avyo lika vyakujwala, oloni nga munu akulaela ngeci vyakulya vimo vinapu vyakujwala, ngecivene, vipwa vyakujwala kuli ikeye.

2 Kolinte 6:17

Ngecivene, Shukulu Kalunga alinakwendeka ngwendi, “Munapande kuvaseza, co tundeni kuli vakevo. Kesi mulinge cuma cimo a vyuma vyakujwala, co njikamitambula.

Efeso 5:11

Kesi mulipandakane na vyuma vyangoco vije vivakalingi vanu, vyuma vije vinakundama ku lisusulungu. Oloni vishololeni ku ceke.

1 Petulu 2:11

Vasamba vange, njilinakumilambelela, ngwe vangenzi na vaka-kwendangana mu kaye kano! Kesi mutave ku mashungu a ku muvila, aje simbu yoshe alinakulwa nzita na myonyo yeni.

1 Petulu 2:5

Co akupwa ngwe mamanya akuyoya, vamitunge mupwe njuvo ya munzinzime, kuje mukapange ngwe vaka-kukombelela vakujela mukukombelela vin̄ombelo vya munzinzime vije vyatambula Njambi ali Yesu Kilistu.

Kujombolola 18:4

Co njazivile lalo lijwi likwavo lyatundile mwilu lyendekele ngwalyo, “Eni vanu vange! Tundeni kuli ikeye! Kesi mulipandakane nendi mu vuvi vwendi, kesi mukundame ku cihiso cendi!