Isaya 51:9 - Livulu lya Shukulu Kalunga

⁹ Induka, Shukulu Kalunga nakutukwasa! Pangesa nzili yove nakutwamena, ipangese ngwe muwaipangesele ku visimbu vya ku san̄ulu. Yove wapunzwile cikashama Lahave wa mu mema a kalunga vipuka-vipuka.

Isaya 51:9 Iomraidhean Croise

Yombi 26:12

Eyi inapu nzili yendi, ije yahyanene mema a kalunga, na vutongwe vwendi wanyongesele cikashama Lahave.

Yombi 9:13

Co vukalu vwa Njambi kuvwesi kuhwila muyehi. Watsenene vitozi vendi vaje vakwasele Lahave, uje cikashama wa mu mema a kalunga, muka-kumuyeluwisa.

Myaso 21:13

Tukushangazala yove Shukulu Kalunga, omwo nzili yove yapwa yakama! Tukaimba nakushangazala nzili yove.

Myaso 44:1

Yove Njambi, tunazivi laja na matwi etu, vakukulwila vetu vatulekele laja, vyuma vyakama vije viwalingile a simbu yavo, ku matangwa a ku san̄ulu.

Myaso 44:2

Yove washekelemo vaka-kujeneka kukulaela kuli yove Shukulu Kalunga, co waakele vanu vove mu lifuti lyavo, yove wahisile miyati ikwavo lalo, co wakongweyeye vove.

Myaso 44:23

Induka yove Shukulu Kalunga, omwo vikajo unalalela? Induka! Kesi utumbile kuti myaka yoshe!

Myaso 44:24

Vikajo unatukengesela nima? Kesi wivale tuyando na mapakeso etu!

Myaso 59:4

Yove Shukulu Kalunga, kukwesi mulonga unjinavavulumuna, vananjivandela nakunjivandamena ngeci vanjitsiye.

Myaso 7:6

Yove Shukulu Kalunga, luvala nakulinga cuma cimo, lwisa vitozi vange vaje vanaluvala nange, mona ngeci vushunga vulinakulingiwa.

Myaso 77:5

Njinayongola a matangwa akulaja co njinanuka myaka ya ku san̄ulu.

Myaso 78:65

Akukotoka Shukulu Kalunga wendukile ngwe munu atunda a tulo, wafwile ngwe cingenyenye uje navwaelela omwo napende vinyu.

Myaso 87:4

“Njikawezelelako Ingito na Mbambilone, omo njisoneka mikana ya miyati ya vaje vanjononoka ku vandambo va Yelusalema, njikawezelelako vanu va ku Filisitiya, na Tile na Sundane.”

Myaso 89:10

Yove watsenene cikashama Lahave nakumutsiya, wafungulwile vitozi vove na nzili yove yakama,

Myaso 89:11

Melu apwa ove, na asi lalo apwa ove, yove watangele kaye na vyuma vyoshe vilimo.

Myaso 93:1

Shukulu Kalunga ikeye mwene! Ikeye nazala vukama na nzili, kaye anga vakemikilile mu mwela wako, co kukesi kushwenya embwe.

Kutuuka 6:6

Ngecivene, leka vaIsalele ngwove, ‘Yange njapwa Kalunga, njikamipatula mu vundungo vweni kuli vaka-Ingito. Njikajundula livoko lyange lya nzili mukusholola cihiso cakukomokesa ali vakevo, oloni yeni njikamikula.

Isaya 27:1

A litangwa lije Shukulu Kalunga na moko yendi ya mukwale ya nzili yakama manene akanyanyamesa Levyatane linyoka wa lumbisi, wakulizenga-zenga, co akatsiya cikashama uje wakala mu mema a kalunga.

Isaya 30:7

Ingito kuyasa kumikwasa, omu mukemwo njashendumuna Ingito ngwange, ‘Candza-ngombe Wa Vushungu.’ ”

Isaya 51:17

Yelusalema, induka! Katuka wimane! Unanu mu nganja ya vukalu vwa Shukulu Kalunga wainwile nakuyimanesa, co wapelyangelele.

Isaya 51:5

Mafuti a kulyala anavandamena na cinyangavili kwija kwange mukuvamena. Njikaija vwasi-vwasi mukwamena nakushika mafuti.

Isaya 52:1

Yelusalema kala na nzili na vukama lalo! Nganda yakujela ya Njambi, zala vuzalo vwove vwavuvwa! Vaka- kulemesa Shukulu Kalunga vaje vasiwile nganda yove yakujela, kuvakakovelamo lalo mu nganda.

Isaya 52:10

Shukulu Kalunga akapangesa nzili yendi yakama mukwamena vanu vendi, co vaka-kaye voshe vakamona kwamena kwa Njambi yetu.

Isaya 53:1

Vanu vakumbulula ngwavo, “Iyajo asa kukulaela muzimbu wetu? Iyajo namono nzili ya Shukulu Kalunga mu vyuma evi?

Isaya 62:8

Shukulu Kalunga nalingi cikulaeso, na nzili yendi ngwendi, “Vimbuto vyeni kuvikapu lalo vyakulya vya vitozi vyeni. Na vaka-kwija kuvakanu lalo vinyu veni embwe.

Ezekiyele 29:3

Leka mwene wa Ingito ngwove evi vikevyo vyalinakwendeka Shukulu Kalunga wa Akamwa ya Vyoshe ngwendi, ‘Yange nji citozi cove, yove cikashama ngandu, walala mu ndonga. Wendeka ngwove Nailo yapwa yove, co waipangele.

Mika 7:15

Shukulu Kalunga, panga vikomokeso kuli yetu ngwe muje muwalingile a matangwa aje omo watutundisile mu Ingito.

Hambakuke 2:19

Munavindama! Yeni mukendeka ku citi nambe ku limanya ngweni, “Induka!” Kuma kamponya kasa kumisholwela cuma cimo ndi? Nameme vanu vanakafwiki siliva na ngolinde, oloni kukesi na mwonyo.

Hambakuke 3:13

Waile mukwamena vanu vove, mukwamena mwene uje iwangwile, wawisile ntwama ya vaka-vuvi, co wanyongesele vaka-kumukava vendi voshe njwa.

Zakaliya 10:11

Omo vakaita mu mema a kalunga a tuyando, yange Kalunga njikolwesa mankimba, co Ndonga ya Nailo ikauma cau. VaAsilya vaka-kulyalesa vakalikeesa, co nzili ya Ingito ikahwa.

Zakaliya 2:13

Munu na munu oloke kuluu ku mesho a Shukulu Kalunga, omwo ikeye alinakwija kutunda ku mutambela wendi wakujela kuje kwakala.

Luka 1:51

Ikeye nolola livoko lyendi lya nzili, nashandola vaka-kulyalesa na matumbe avo oshe.

Yowano 12:38

ngeci lijwi lyendekele Isaya muka-kwimanena lipwe lya vushunga ngwalyo, “Mwene, iyajo wakulaelele muzimbu twambulwile? Co iya namono nzili ya Shukulu Kalunga mu vyuma evi?”

Vilinga vya Miluwa 7:7

Oloni njikahisa vanu vaje vavakapangela, co munima ya vyuma evi vatekulwila vove vakatunda mu lifuti lije, co vakanjilemesa mu mutambela uno vene.’

Kwituluka mu Mashiko 4:34

Kuma kwakele njambi weka watundisile muyati umo ku muyati ukwavo, ngeci akavapwise vanu vendi, ngwe mwalingile Shukulu Kalunga Njambi yeni ali yeni mu Ingito ndi? Ku mesho eni vene ikeye washolwele nzili yendi yakama na vukama, wanenele mishongo yakulitambwisa amo na nzita, co walingile vizivukiso na vikomokeso, co washolwele vyuma vyakujajesa mu Ingito mwoshe.

Kujombolola 11:17

ngwavo, “Shukulu Kalunga Njambi Muka-nzili yoshe, uje aliko, uje wakeleko! Tukukandelela omwo unatambula nzili yove yakama, co unashangumuka kushwana!

Kujombolola 12:9

Co uje canza-ngombe wakama vamumbilile asi, uje linyoka wa ku san̄ulu vatumbula ngwavo Liyavola, uje wakwisile kaye koshe. Vamumbilile asi amo na tungelo twendi voshe.

Maako 6:13

Ngilyone wendekele kuli ikeye ngwendi, “Oloni Shukulu, omwo vikajo vyoshe evi vilinakulingiwa kuli yetu nga Shukulu Kalunga ali netu? Vili kulijo vikomokeso vyendi vije vatulekele vatatetu ngwavo Shukulu Kalunga ikeye wavatundisile mu Ingito? Oloni ololo Shukulu Kalunga natuseza, co natukundika ku mavoko a vaMindyani.”