Isaya 51:8 - Livulu lya Shukulu Kalunga

⁸ vakahwa njwa ngwe vuzalo vwakuliwa ku tunembulu! Oloni kwamena kwange kukapwa kwa myaka yoshe, kuhyana kwange kukakala visimbu vyoshe.”

Isaya 51:8 Iomraidhean Croise

Yombi 13:28

Omwo cuma eci, yange njinafu ngwe vungululu vwa citale cakuvola, ngwe kazaku kakuliwa ku vimenzi.

Yombi 4:19

Kuma yove uyongola ngwove ikeye akulaela citanga ca ku vuma, citanga cakutunda ku likungu cije vasa kutsena ngwe menzi?

Isaya 14:11

Vakele nakukusingimika na myaso ya tulyalya, oloni uli muno mu lifuti lya vatsi. Unalala a vulili ali mainyo, co unalifwiki kambilititi ka mainyo!’

Isaya 45:17

Oloni Shukulu Kalunga akamena Isalele, co akahyana ku myaka yoshe, vanu vendi kuvakazivi shwamwa.’ ”

Isaya 46:13

Litangwa lyakumyamena lili muyehi, kulyesi kulyala embwe. Kwamena kwange kucikeshwala embwe. Njikaamena Yelusalema, nakunena kasingimiko ku Isalele.’ ”

Isaya 50:9

Shukulu Kalunga wa Akamwa ya Vyoshe ikeye muka-kunjimanena, iyajo anjana mulonga? Vaka-kunjivangeya voshe vakahwa njwa, vakanyonga ngwe nanga yakuliwa ku tunembulu.

Isaya 51:6

Kengeni kwilu, co kengeni lalo asi, lilu likahwa vwasi ngwe vwisi, na lifuti likasanyozoka ngwe vuzalo vwalaja, co vanu vamwo voshe vakatsa ngwe vinzinzi. Oloni kwamena kwange kukapwa kwa myaka yoshe, kuhyana kwange kukapwa kwa myaka yoshe.

Isaya 54:9

“Njakulaesele Nowa ngwange, nalumo lwai njikanena lalo livazi ano asi. Ololo njikukulaesa ngwange kunjikaluvala nove lalo embwe, nambe kukunyanyamesa.

Isaya 66:24

“Omo vatuuka, co vakamona mivila ya vaje vanjitengulukilile nakunjilwisa. Mainyo kuvakatsi embwe, co tuhya kutukazimi. Vanu voshe vakaziva shwamwa akumona vyuma evi.”

Ndanyele 9:24

“Visimbu vitanu na vivali vya myaka makumi atanu na avali inapu simbu yanemika Njambi yakupatula vanu vove na nganda yove yakujela ku vuvi na ku kupenga-penga. Ngecivene, vuvi vakavusambesa, co vushunga vukakala ku myaka yoshe, co cimona na vuka-kwimanena vikapwa vya vushunga, na Njuvo ya Shukulu Kalunga yakujela vakayikundika lalo.

Hoziya 5:12

Ngecivene, njikahisa Isalele, nakunyongesa vanu va mu Yunda.

Luka 1:50

ikeye akamwesa mema ku mbunge kuli voshe vamusingimika, kutunda ku cisemwa cimo kutwala ku cisemwa cikwavo.