Isaya 51:7 - Livulu lya Shukulu Kalunga

⁷ “Tolilileni kuli yange, yeni muzivuka vije vya vushunga, yeni vanu vange munanyungu vilongesa vyange mu vimbunge vyeni. Kesi muzive lyova omo vanu vamishaula,

Isaya 51:7 Iomraidhean Croise

Myaso 37:31

Ikeye akanyungu lishiko lya Njambi yendi mu mbunge yendi, co kesi kuliseza.

Myaso 40:8

Njambi yange njizema kulinga cizango cove, njikanyunga vilongesa vyove mu mbunge yange.”

Isaya 25:8

Shukulu Kalunga wa Akamwa ya Vyoshe akanyongesa nzili ya kutsa nakusikumuna misozi ku mesho a munu na munu, co vanu vendi kuvakazivi shwamwa kwoshe-ikwoshe muno mu kaye mwoshe. Shukulu Kalunga vavenya nendekamo.

Isaya 33:22

Shukulu Kalunga wapwa lyaako lyetu na mwene yetu, akatunyungu mwamuvwa.

Isaya 37:6

wamukumbulwile ngwendi, “Shukulu Kalunga nakuleka ngwendi kesi utave vaAsilya vakutewese na lingwavo lyavo ngeci ikeye kasa kumyamena embwe.

Isaya 51:1

Shukulu Kalunga alinakwendeka ngwendi, “Tolilileni kuli yange, yeni mushaka kumyamena, yeni mwija kuli yange mukumikwasa. Yongoleni limanya kuje kumwatundile, na ku mbulu kuje kuvamiindile.

Isaya 54:4

Kesi uzive lyova, nambe kuziva shwamwa, kuukashauka lalo embwe. Ukevala kujeneka kulongwa kwove a simbu ya vwanike vwove, kesi uzive shwamwa akupwa ufwile.

Njelemiya 1:17

Ngecivene, Njelemiya, katuka uye, ya ukavaleke vyuma vyoshe vije vinjikushika. Kesi uvazivile lyova embwe, nga uziva lyova ni, co njikakuzivisa manene lyova ku mesho avo.

Ezekiyele 2:6

“Oloni yove, muna munu, kuwapandele kuvazivila lyova nambe kuziva lyova lya vije vendeka. Vakevo vakakuleulula nakukuyeluwisa, cikapwa ngwe ulinakukala akati ka manyewe. Nameme ngoco, kesi ukazive lyova lya vaje vaka-kunjitengulukila nambe kuziva lyova lya vije vendeka.

Mateo 10:28

Kesi muzivile lyova vaje vatsiya muvila oloni kuvasa kutsiya mwonyo, oloni zivileni lyova Njambi, uje asa kunyongesa vyoshe mwonyo na muvila muje mu mbulu ya tuhya.

Mateo 5:11

“Munavezika omo vamishaula nakumiyandesa nakumivangela vya makuli vyeka na vyeka omwo yange.

Luka 6:22

“Mwavezika omwo vanu vamizinda nakumivyana nakumishaula nakumitumbula ngwavo muvavavi, omwo lizina lya Muna Munu!

Vilinga vya Miluwa 5:41

Asinoni omo miluwa vasezele ije Munga, vavwaelelele manene omwo Njambi wavayongwelele kuyanda nakushauka omwo lizina lya Yesu.

2 Kolinte 3:3

Cinasholoka mwamuvwa ngeci Kilistu ikeye vavenya wasonekele uje mukanda nakuutuma amo netu. Uje kuvasonekele na musumbele, oloni na Munzinzime wa Njambi wakuyoya, kesi a vitale vya mamanya oloni mu vimbunge vya vanu.

Kwituluka mu Mashiko 6:6

Kesi mwivale mashiko awa njilinakumyana ku litangwa lya lelo.

Filipu 3:10

Cuma cinjishaka a vyoshe evi cinapu kuzivuka Kilistu nakumona nzili ya cisangukilo cendi, kulipangela tuyando twendi nakupwa ngwe ikeye mu kutsa kwendi,

Filipu 3:8

Kesi lika a vyuma vije embwe, njilinakulava vyuma vyoshe ngwe vinapu vyangoco omwo seo yakama, yakuzivuka Kilistu Yesu Mwene yange. Omwo ali ikeye njinombila vyuma vyoshe, kuli yange njilinakuviyongola ngwe vinapu mazilo, ngeci njinganyale Kilistu,

VaHevelu 10:16

“Eci cikeco cikumiiyo cinjikalinga amo navo ku matangwa a kulutwe. Njikaka mashiko ange mu vimbunge vyavo nakuwasoneka mu viyongola vyavo.”

1 Petulu 4:14

Vwaeleleni omo vamishaula omwo munapu vaka-kukava Kilistu, eci cinalumbunuka ngeci Munzinzime wa vumpau, na Munzinzime wa Njambi, alinakuyoya amo neni.

1 Petulu 4:4

Co ololo vaka-kujeneka kukulaela vanalikomokela omo kumwesi nakulipandakana navo mukuyoya kwa muuka na vunyengwe, co valinakumishaula.