Isaya 51:3 - Livulu lya Shukulu Kalunga

³ “Njikazivila mema ku mbunge Yelusalema, na voshe vaje valinakuyoya mu ngundu yendi. Nameme lifuti lyavo linapu mambo, njikalipwisa ngwe citungu ca Endeni cije cinjakunine. Yelusalema ikajolela nakuvwaelela, ikaimba myaso yakushangazala nakukandelela kuli yange.

Isaya 51:3 Iomraidhean Croise

Kushangumuka 13:10

Lote wakengele ku mutambela wa Zowale, co wamwene Cana ca Yondau coshe cakele na mema amangi, cafwile ngwe Lihya lya Shukulu Kalunga nambe Ingito. Simbu eyi te Shukulu Kalunga kanda acinyongese vinganda vya Sondoma na Ngomola.

Myaso 85:8

Njikatolilila vije vyendeka Shukulu Kalunga Njambi, nakulaesa kwoloka kuli yetu vanu vendi va kulongwa kuli ikeye, nga kutwilukila ku vulema vwetu.

Isaya 12:1

Litangwa lilinakwija omo vanu vakaimba ngwavo, “Njikushangazala yove Shukulu Kalunga! Yove waluvalele nange, oloni unanjizembeleka, co kuwaluvalele lalo.

Isaya 25:9

A litangwa lije vanu vakendeka ngwavo, “Mwa vushunga ou wapwa Njambi yetu! Twakulaela muli ikeye, co natwovola. Ou ikeye Shukulu Kalunga! Twakulaela muli ikeye, tujoleleni nakuvwaelela omwo ikeye natwovola.”

Isaya 35:6

Vilema vakajombozoka nakukina, na vaje voshe kuvasele kwendeka, vakatambeka nakujolela. Vana va vindonga vakaita mukati ka mambo,

Isaya 41:16

Mukavombila mu mukambwila, co lihunzi lyakama likavashandola nakuvapekumwina kulyala. Asinoni mukavwaelela, nakunjishangazala, omwo yange njapwa nji Njambi yeni, Njambi wakujela wa Isalele.

Isaya 43:19

Kengeni ku vyuma vyaviha vije vinjikalinga. Vyalingiwa laja, mwasa kuvimona ololo! Njikamanga tapalo mu mambo, nakwitisamo vana va vindonga vya mema.

Isaya 44:26

Oloni omo ngamba yange endeka vya vuka-kwimanena, omo njituma muluwa mukujombolola matumbe ange, njitumba matumbe na vuka-kwimanena ngeci vipwe vya vushunga. Njileka Yelusalema ngwange vanu vakatungamo lalo, na vinganda vya Yunda vakavitungulula lalo. Vinganda evi vikasholoka mu vingundu.

Isaya 49:13

Imbeni, yeni melu, ngwe vanu, asi, tambeka nakujolela ngwe vanu! Minkinda ishangumuke kwimba ngwe vanu! Shukulu Kalunga akazembeleka vanu vendi, vanu vendi vaka-kuyanda, akavazivila mema ku mbunge.

Isaya 49:19

“Lifuti lyove lyaviile, co lyapwile ngundu, oloni ololo likashula manene na vanu vaje valinakwija nakutungamo. Na vitozi vove voshe vakakala kulyala nove.

Isaya 49:8

Shukulu Kalunga alinakwendeka kuli vanu vendi ngwendi, “Omo simbu yakumyamena yeta, njikakumbulula malombelo eni nakumimwesa ngozi yange, njikamikongweya nakuminyunga, co muli yeni njikalinga cikumiiyo na vanu voshe. Co njikamitava mutunge lalo mu lifuti lyeni lije ololo linapu ngundu.

Isaya 51:12

Shukulu Kalunga nendeka ngwendi, “Yange muka-kumitakamesa. Omwo vikajo muzivila lyova munu, uje ikeye oma na kutsa ngwe mwila?

Isaya 52:9

Yeni vingundu vya Yelusalema, shangumukeni kwimba myaso yakujolela! Shukulu Kalunga napatula Yelusalema nganda yendi nakuzembeleka vanu vendi.

Isaya 61:10

Yelusalema ijolela omwo vije vyanalingi Shukulu Kalunga. Shukulu Kalunga nafu ngwe shombolwa nazala vuzalo vwa vushombolwa. Njambi namwamena nakumuhyanesa.

Isaya 65:18

Vwaeleleni nakujolela myaka yoshe mu vyuma vyaviha vinjinatanga. Yelusalema yaiha injitanga mukakala kujolela, co vanu vamwo vakavwaelela.

Njelemiya 31:25

Njikahwimisa vaje vanajuka, co njikana vyakulya ku munu na munu uje nazeye na njala.

Ezekiyele 28:13

Yove wakele mu Endeni lihya lya Njambi, wazalele vya mamanya a miyati yoshe, mamanya a lumbi, na ndaimani, na topaze, na mbelilu, na kanelya, na njasipa, na safile na emalinde, na nganete. Yove wakele na makai a ngolinde. Vakulingililewo a litangwa lije vakutangele.

Ezekiyele 36:11

Njikawezelela ku vanu na ku vingombe. Co mukatuma manene kutuvakana mumwapwile akulivanga, co mukakala na vana vavangi. Njikamitava kuyoyela kuje ngwe muje mumwayoyele laja, co njikamitumisa nakukala mu kwoloka kutuvakana akulivanga. Asinoni mukazivuka ngeci yange njapwa Kalunga.

Ezekiyele 36:35

Munu woshe akasimutwiya a lifuti lije lyapwile mambo yangoco, ololo linemuka kupwa ngwe Lihya lya Endeni, na vinganda vije vyasiwukile nakuvipukula, co vyasalele mupulungwa, oloni ololo vanavikolesa na vimpaka.

Njwele 2:3

Vakevo vakalya vimena ngwe likuna. Lifuti eli lyapwile ngwe Lihya lya Endeni simbu te kanda vaciije, oloni omo vanalifungulula linapu oni ngwe mambo yangoco, nacimo cai civasezeleo.

1 Petulu 1:8

Yeni mwamuzema, nambe kumwamumwene, mwamukulaela, nambe a simbu ino kumwamumwene. Ngecivene, mulinakujolela na mbwase yakama ya vumpau ije kutwasa kuyitumbula,