Isaya 51:19 - Livulu lya Shukulu Kalunga

¹⁹ Tuyando twakama tunaija ali yove, nzita inashandozola lifuti lyove, co vanu vove valinakutsa ku njala. Naumo wai akuzivilako mema ku mbunge.

Isaya 51:19 Iomraidhean Croise

Yombi 2:11

Vasamba va Yombi vatatu vezile kuli ikeye mazina avo, Elifaze, wa ku nganda ya Temane, na Mbilendande, wa ku lifuti lya Shuwa, na Zofale, wa ku lifuti lya Nama. Omo vazivile tuyando twa Yombi, co vayongwele kuyako nakumuzembeleka.

Yombi 42:11

Co vandolome va Yombi voshe, na vandokazi vendi, na vasamba vendi vaje vakele navo laja vezile kuli ikeye, co valingile ciwano amo nendi mu njuvo yendi. Co vamwesele vusiwa vwavo ali ikeye nakumuzembeleka a tuyando twoshe tuje twanenele Shukulu Kalunga ali ikeye. Co munu na munu wamwanene vimbongo na kanzeya ka ngolinde.

Myaso 69:20

Kapopolwezi kavo kanazeyesa mbunge yange, co nomu munjilingila vene mwai, njashakezekele munu wakunjitetela, oloni kunjamuwanene, na vaka-kunjizembeleka, oloni naumo wai injawanene.

Muka-kwambulula 4:1

Asinoni njakengele lalo a vyoshe vya vushunga vije vilinakulingiwa ano asi. Vaka-kuyanda vakele nakulila, co naumo wai wavazembelekele. Naumo wai wavazembelekele, omwo vaje vaka-kuvayandesa vakele na nzili ali vakevo.

Isaya 14:30

Shukulu Kalunga akapwa kanyungi ka vanu vendi vakuutwa nakuvecela ngeci vakale mwamuvwa. Oloni akatuma njala yakukomokesa ya lyangengela ali vamo veni va vaFilisitiya, co vakwavo vakavatsiya.

Isaya 22:4

Ngecivene, njisezeni ange lika njilile manene vanu vange voshe vaje vanatsi. Kesi munjizembeleke embwe.

Isaya 47:9

Oloni tolilila ku vyuma evi. Litangwa lilinakwija omo vyuma evi njinendeka vikalingiwa. Manseno ove oshe apwa angoco, ukapwa u fwile, co vana vove vakatsa.

Isaya 54:11

Shukulu Kalunga alinakwendeka ngwendi, “Yelusalema, nganda ya tuyando, na nganda yakujeneka seo, naumo wai akakuzembeleka, njikatungulula luvula lwove na mamanya a seo yakama.

Isaya 60:18

Kukukakala lalo lipakeso mu lifuti lyove, nambe kulitsiya nambe kulinyongesa mu lifuti lyove embwe. Njikakunyunga nakukwimanena ngwe civumbe, ukanjishangazala omwo yange njinakwamena.

Isaya 61:2

Nanjitumu mukwambulula ngeci simbu inete omo Shukulu Kalunga akaamena vanu vendi, nakufungulula vitozi vavo. Nanjitumu mukuzembeleka voshe vaje valinakulila,

Isaya 8:21

Vanu vakendangana mu lifuti vakamona kukaluwa na njala. Omo vakaziva njala na vukalu, co vakasinga mwene yavo na Njambi yavo. Vakakenga mwilu,

Isaya 9:20

Co mu lifuti mwoshe vanu vakanyangula nakulya tuvyakulya tumo tuvasa kuwana, oloni kuvakasa kukuta. Valya nameme vene vana vavo!

Njelemiya 15:5

Shukulu Kalunga alinakwendeka ngwendi, “Yeni vanu va mu Yelusalema, iyajo akamizivilako ngozi? Iyajo akamizivilako vusiwa? Iyajo akalipesa kumihula vati mumunendukila?

Njelemiya 24:10

Njikatuma nzita, na njala ya lyangengela, na mushongo ali vakevo ngeci naumo wai akasalao mu lifuti lije linjanene kuli vakevo na kuli vakukulwila vavo.”

Mbimbi 1:12

“Kuma eci kucesi nakulumbununa cuma cimo kuli yeni mulinakwita mu ngila ndi? Kengeni nga kuli umo namono tuyando ngwe yange, tuyando tuje nanjinenela Shukulu Kalunga a simbu ya vukalu vwendi vwakama.

Mbimbi 1:9

Mazilo endi asholokele mu vuzalo vwendi, oloni ikeye kombileko mbunge kukujwala kwendi. Kuwa kwendi kwapwile kwakukomokesa, naumo wai wamuzembelekele. Vitozi vendi vanahyana, co atambeka kuli Shukulu Kalunga ngeci amuzivileko mema ku mbunge.

Mbimbi 3:47

Tunakala mu tuyando twakama nakunyonga, co tulinakuyoya mu vushonde na mu lyova.

Ezekiyele 14:15

“Nambe nga njituma tusitu mukutsiya vanu, co lifuti likale mu vushonde, ngeci munu naumo wai ase kwitamo,

Ezekiyele 14:21

Evi vikevyo vyalinakwendeka Shukulu Kalunga wa Akamwa ya Vyoshe ngwendi, “Njikatuma vihiso vyange viwana vyakama manene a Yelusalema, nzita, na njala ya lyangengela na vikashama na mushongo, mukunyongesa vanu na tusitu mu cifwa cimo.

Amose 7:2

Mu cimona cange njamwene vimbimba valya vimena vyoshe mu lifuti, co njendekele ngwange, “Shukulu Kalunga wa Akamwa ya Vyoshe sambesa vanu vove! Vatijo vayoya? Omwo vakevo vapwa vavandondo, vakuzeya!”

Nahumi 3:7

Voshe vaje vakakumona vakakutewa na vunyengwe. Vakendeka ngwavo, ‘Nganda ya Nenevayi vanainyongesa! Iyajo amuzivilako mema ku mbunge? Iyajo atava kumuzembeleka?’ ”

2 Kolinte 7:13

Eci cikeco catutakamesele manene. Kesi ngwe akututakamesa lika embwe, oloni Tito watuvwaelelesele manene nakuvwaelela kwendi a vyuma vije vyalingiwile ali ikeye vije yeni voshe mwamukwasele ngeci avwaelele.