Isaya 51:18 - Livulu lya Shukulu Kalunga

¹⁸ Kukwesi akamitwamenena lalo wai, naumo wai akati ka vanu vove akakukwata ku livoko.

Isaya 51:18 Iomraidhean Croise

Yombi 8:20

“Kenga, Njambi kakavyana muka- mulonga, co ikeye kakakwasa vanu vaka-vuvi.

Myaso 142:4

Njikenga ku livoko lyange lya cilyo nakumona, oloni naumo wai asa kunjikwasa, naumo wai asa kunjinyunga, naumo wai asa kunyunga mwonyo wange.

Myaso 88:18

Unanjishondolwesa kuli vasamba vange va a mbunge, co lisusulungu likelyo linapu musamba wange lika.

Isaya 41:13

Yange Kalunga Njambi yeni, njikamikolesa nakumileka ngwange, ‘Kesi muzive lyova, njikamikwasa.’ ”

Isaya 45:1

Shukulu Kalunga naangula Siluse kupwa mwene! Namwangula kufungulula mafuti, namutumu kutundisa nzili ya vimyene, Shukulu Kalunga akamushokolwela vikolo vya vinganda. Shukulu Kalunga alinakwendeka kuli Siluse ngwendi,

Isaya 49:21

Asinoni ukendeka mu mbunge yove ngwove, ‘Iyajo wanjikitilile vana ava voshe? Vana vange voshe vatsile, co njakele ange lika, ngwe munu uje ivashekele. Yange njakele mu vunzinda, nakunjitwala kulyala, iyajo nalele vana ava? Njasalele ange lika, co vana ava vanatundu kulijo?’ ”

Isaya 54:11

Shukulu Kalunga alinakwendeka ngwendi, “Yelusalema, nganda ya tuyando, na nganda yakujeneka seo, naumo wai akakuzembeleka, njikatungulula luvula lwove na mamanya a seo yakama.

Njelemiya 10:20

Vimbalaka vyetu vinaviya, mikole ije yavikwatesele yavatozoka, vana vetu voshe vanatsi, naumo wai nasalao ashimbike lalo vimbalaka vyetu, co naumo wai akashukazekako mavamba ku vimbalaka vyavo.”

Njelemiya 31:32

Cikeco kucikapu ngwe cikumiiyo cije calaja cinjalikumiiye na vakukulwila vavo, omo njavambatele na livoko lyange kuvatundisa mu Ingito. Nameme njapwile nji munalume wavo, oloni kuvanyungile cikumiiyo cije.

Ezekiyele 34:6

Ngecivene, vimanga vange vayevangelele akamwa ya malundu amalaja na ku minkinda. Vashandokelele mu kaye mwoshe, co naumo wai wavashakezekele nambe kuvakengezeka.

Amose 5:2

Mumbanda wa Isalele nau, kakendukamo lalo. Nasala nalala mu livu, naumo wai amukwasa ngeci endukemo.

Mateo 15:14

Veceleni, kesi mulinyenge ali vakevo! Vakevo vanapu vantwama va tupuputwa vatwamenena tupuputwa vakwavo. Co nga kapuputwa atwamenena kapuputwa mukwavo, voshe vavali vakawila mu mbulu.”

Mateo 9:36

Omo wamwene vimbunga vya vanu, wavazivilile mema ku mbunge, omwo vakele nakuyandangela nakujuka, ngwe vimanga kuvesi na kanyungi.

Mako 8:23

Co Yesu wakwatele uje munalume wa kapuputwa a livoko, co wamutwalele anja ya limbo. Co wamujekwilile mate ku mesho endi, co Yesu waakele mavoko endi ali ikeye, wamwihwile ngwendi, “Wasa kumona cuma cimo ndi?”

Vilinga vya Miluwa 13:11

Co livoko lya Mwene likashuluka ali yove ololo vene, co ukapwa kapuputwa kuukasa kumona ceke ca litangwa a simbu imo.” Aje vene Elyamase wazivile mbundu yakuzivala ifwika ku mesho endi, co wendanganene noku-noku kweseka kuwana umo ngeci amukwate ku livoko nakumutwamenena.

Vilinga vya Miluwa 9:8

Ngecivene, Saulu wakatukile asi watonene mu mesho, oloni kasele kumona cuma. Ngecivene, vamukwatele ku livoko nakumutwala ku Ndamasiku.

VaHevelu 8:9

Co kunjikalingi lalo cikumiiyo ngwe muje njalingile kuli vakukulwila vavo a litangwa lije njavatundisile mu lifuti lya Ingito nakuvatwamenena na livoko lyange. Kuvapwile vaka-kulongwa ku cikumiiyo cije njalingile navo, ngeci kunjakeleko mbunge kuli vakevo lalo.