Isaya 51:17 - Livulu lya Shukulu Kalunga

¹⁷ Yelusalema, induka! Katuka wimane! Unanu mu nganja ya vukalu vwa Shukulu Kalunga wainwile nakuyimanesa, co wapelyangelele.

Isaya 51:17 Iomraidhean Croise

Yombi 21:20

Mesho a vaka-vuvi amone cihiso cavo vakevo vavenya, co vanwe ku vukalu vwa Njambi Muka-nzili yoshe.

Myaso 11:6

Ikeye akatumu tuhya twa lilungu mukwenyeka vaka-vuvi, nakuvahisa na lihunzi lya kwenyeka.

Myaso 60:3

Unayandesesa manene vanu vove, unatunwisa vwala vwakutupelyangesa.

Myaso 60:5

Twamene na nzili yove, co kumbulula malombelo etu, ngeci vaje vanu vawazema vavamene.

Myaso 75:10

Ikeye akanyongesa nzili ya vaka-vuvi, oloni akana nzili kuli vaka-vushunga.

Myaso 75:8

Mu livoko lya Shukulu Kalunga muli nganja inashulu na vinyu vya vukalu vwendi, akavitila asi, co vaka-vuvi voshe vakavinwa nakuvimanesa.

Isaya 29:9

Komokeni nakukasama! Lipwiseni vupuputwa kumona! Pendeni oloni kesi na vinyu! Pelyangeleni oloni kesi na vwala vwakulula!

Isaya 40:2

Takameseni vanu va ku Yelusalema. Valekeni ngeci tuyando twavo tunahu, na vuvi vwavo vanavusambesa. Njavahisile manene a vuvi vwavo vwoshe.”

Isaya 51:21

Yeni vanu vaka-kuyanda va mu Yelusalema yeni vaka-kupelyangela ngwe munapende,

Isaya 51:22

Shukulu Kalunga Njambi yeni alinakumimanena nakwendeka ngwendi, “Njilinakutundisa ije nganja injamyanene ya vukalu vwange. Kumukanu vinyu ngeci mupelyangele embwe.

Isaya 51:9

Induka, Shukulu Kalunga nakutukwasa! Pangesa nzili yove nakutwamena, ipangese ngwe muwaipangesele ku visimbu vya ku san̄ulu. Yove wapunzwile cikashama Lahave wa mu mema a kalunga vipuka-vipuka.

Isaya 52:1

Yelusalema kala na nzili na vukama lalo! Nganda yakujela ya Njambi, zala vuzalo vwove vwavuvwa! Vaka- kulemesa Shukulu Kalunga vaje vasiwile nganda yove yakujela, kuvakakovelamo lalo mu nganda.

Isaya 63:6

Mu vukalu vwange njalyatangelele miyati ya vanu voshe nakuvatsena. Njetilile maninga avo asi oshe.”

Njelemiya 13:13

Asinoni valeke ngwove, ‘Yange Kalunga, njikashulisila vinyu vanu va mu lifuti lino noo vakapenda, vimyene vatekulwila va Ndaviti, na vaka-kukombelela, na vaka-kwimanena, na vanu voshe va mu Yelusalema.

Njelemiya 25:18

Yelusalema na vinganda vyoshe vya mu Yunda, amolika na vimyene vamwo, na vamyata, vanwilemo, ngeci vapwe mambo yakukomokesa nakulisimoka, co vanu vakapangesa lizina lyavo kupwa cisingo, ngwe muje muvali nakulinga na simbu ino.

Njelemiya 25:27

Asinoni Shukulu Kalunga wendekele kuli yange ngwendi, “Leka vanu ngwove yange Kalunga Muka-nzili yoshe, Njambi ya Isalele, njivashika vanwe vapende nakushanja, vawe kesi venduke, omwo a nzita ije njituma kuli vakevo yakuvalwisa.

Njelemiya 44:6

Ngecivene, kuluvala kwange na vukalu vwange vwashwamene a vinganda vya mu Yunda na a vitapalo vya mu Yelusalema, co njavyenyekele na tuhya. Ololo vinapu vingundu vyakukomokesa na ku litangwa lya lelo.

Zakaliya 12:2

“Njikapwisa Yelusalema ngwe nganja ya vinyu, miyati ya vanu vaje vanazengelekako vakanwako, co vakapelyangela ngwe vaka-kupenda. Co omo vakavandamena Yelusalema mukuyilwisa, co na vinganda vikwavo vya mu Yunda vakavivandamena mukuvilwisa lalo.

Mateo 20:22

Oloni Yesu wavakumbulwile ngwendi, “Kumuzivuka eci cuma cimunalombo. Kuma mwasa kunwa ku nganja ya kayando ije injikanwa ndi?” Vamukumbulwile ngwavo, “Twasa.”

1 Kolinte 15:34

Ilukeni ku vushunga vwa mana eni, co eceleni vingila vyeni vya vuvi. Njendeka evi mukumizivisa shwamwa ngwange vamo veni kuvazivuka Njambi.

Efeso 5:14

omwo cuma coshe cije cisholoka cipwa ceke. Omu mukemwo vakendeka ngwavo, “Tona, yove walala, co induka ku kutsa, Kilistu akakutwila ceke.”

Kwituluka mu Mashiko 28:28

Shukulu Kalunga akamitumina kuzaluka, na vupuputwa, na kwilasana.

Kwituluka mu Mashiko 28:34

Tuyando tweni tukamizalwisa nakumijenekesa mana.

Kujombolola 14:10

ikeye lalo akanwa ku vinyu vya Njambi, vinyu vya vukalu vwendi, vije kesi vyakukumbasana mu nganja ya vukalu vwendi! Voshe vaje valinga eci vakakala mu n̄avava yakama mu tuhya na sulufa ku mesho a tungelo vakujela na ku mesho a Muna Manga.

Kujombolola 16:19

Nganda yakama yatavozokele mu vimbazuvwila vitatu, co vinganda vya mu mafuti oshe vyanyongele. Co Njambi wanukile Mbambilone yakama, co wainwisile vinyu vya mu nganja yendi, vinyu vya vukalu vwendi.

Kujombolola 18:6

Muyandeseni ngwe mwamiyandesele, mwilwisileni visimbu vivali ku vije vyalingile. Shuliseni nganja yendi na vyakunwa vyakulula ngwe vije vyamivwaeselele yeni.

Maako 5:12

Induka, induka, yove Ndembola! Induka, induka wimbe mwaso! Katuka, yove Mbalake utwale vinzinda vove, yove muna Avinowame.