Isaya 51:14 - Livulu lya Shukulu Kalunga

¹⁴ Vaje vanapu vinzinda ololo vakapwa vaka-kupatuka, vakayoya myaka yaingi, nakukala na vyakulya vyoshe vije vanajeneka.

Isaya 51:14 Iomraidhean Croise

Ezela 1:5

Asinoni vakulunu va vikota vya miyati ya Yunda na Mbenjemani, na vaka-kukombelela, na vaLevi, na vanu voshe vaje wakasumwisile Njambi vimbunge vyavo, vaile nakutungulula Njuvo ya Shukulu Kalunga mu Yelusalema.

Isaya 30:20

Shukulu Kalunga akamiitisa mu visimbu vyavikalu, oloni ikeye vavenya akakalako mukumilongesa, co kumukamushakezeka lalo embwe.

Isaya 33:6

co akakolesa miyati ya vanu. Simbu yoshe akanyunga vanu vendi nakuvana mana nakuzivisisa. Vufuko vwavo vwakama manene vukapwa kasingimiko kuli Shukulu Kalunga.

Isaya 48:20

Tundeni mu Mbambilone! Lisambeni omo muya. Joleleni nakutambeka ngeci vanu voshe vazive ngwavo, “Shukulu Kalunga namena Isalele ngamba yendi!”

Isaya 49:10

kuvakakala na njala nambe na lihwila. Litanya na ntwima ya mu mambo kuvikavayandesa, uje wavazema akavatwamenena ku masima a tuvwelu-vwelu.

Isaya 49:25

Shukulu Kalunga akumbulula ngwendi, “Eci cikeco cikasholoka. Vanu va nzili vakavanyeka vinzinda vavo, na vufuko vwa munu wa muuka vakavwambata. Njikalwisa woshe uje akakulwisa, co njikapatula vana vove.

Isaya 52:2

Yelusalema, katuka mu likungu! Litotomone likungu, tumbama a litanda lyove! Yeni vinzinda va Siyone lizituleni malyenge aje anamikutu!

Njelemiya 37:16

Vanjakele mu kamenga mwisi ya livu muje mwakele tumilili twakulishwata, co njakele muje simbu yakama.

Zakaliya 9:11

Shukulu Kalunga alinakwendeka ngwendi, “Omo cikumiiyo cange neni cije civasatesele na maninga a vin̄ombelo, njikapatula vanu vove, njikavapatula ku mbulu ya vunzinda ije kuyesi na mema.