Isaya 51:13 - Livulu lya Shukulu Kalunga

¹³ Kuma munevala Shukulu Kalunga uje wamitangele, uje wajangumwine melu, nakujala luvula lwa asi ndi? Omwo vikajo mukela na lyova lya vaje vamiluvalela nakumishaula simbu yoshe, vaje vashaka kuminyongesa? Vukalu vwavo kuvwasa kuminyongesa embwe.

Isaya 51:13 Iomraidhean Croise

Esita 5:14

Ngecivene, munakazi wendi na vasamba vendi voshe vatumbile vutumbe ngwavo, “Omwo vikajo kuushimbika viti vya vilaja vyakupwa mamita makumi avali na mamita avali? Co imene ukalombe mwene ngeci vakashukikeo Molendekai, asinoni ukaya ku ciwano cakulya nakuvwaelela.” Co Hamane wayongwele ngeci cije capwile ciyongola cacivwa, ngecivene, washimbikile viti.

Esita 7:10

Ngecivene, vashukikile Hamane a viti vije vyashimbikilile Molendekai. Asinoni vukalu vwa mwene vwahwile.

Yombi 37:18

Kuma wasa kujala lilu ngwe Njambi? Likelyo lyapwa lyakukola ngwe vutale vwakusangununa.

Yombi 9:8

Naumo wai wakwasele Njambi kujangumuna melu, nambe kulyata a mankimba mu mema a kalunga.

Myaso 104:2

yove walifwika ceke ngwe vuzalo. Yove wajangumwine melu ngwe mbalaka,

Myaso 106:13

Oloni vwasi-vwasi vanu vevalele vipangi vya Shukulu Kalunga, vavyanene kunangula kwendi.

Myaso 76:10

Mwa vushunga nameme vanu vanaluvala vakakushangazala, vaje vanovoka ku vinzita vakanyunga viwano vyove.

Isaya 10:24

Shukulu Kalunga Muka-nzili yoshe wa Akamwa ya Vyoshe endeka ku vanu vendi vaje vakala mu Siyone ngwendi, “Kesi muzive lyova lya vaAsilya, nameme vamiyandesa ngwe muvamiyandesele va Ingito.

Isaya 14:4

Mukashendumuna mwene wa Mbambilone ngweni, “Mwene wa vukalu nau! Kakayandesa lalo munu!

Isaya 16:4

Tutaveni ngeci tukale mu lifuti lyeni. Tunyungeni kuli vaje vashaka kutunyongesa.” (Kuyandesa na mapakeso vikahwa, na vaje valinakuviisa lifuti vakaya.

Isaya 17:10

Isalele, munevala Njambi uje wamipatwile nakuminyunga, ikeye limanya lya nzili. Oloni mukuna mahya akujela ngeci mulemese njambi weka.

Isaya 40:21

Kuma kumuzivuka ndi? Kuma kuvamilekele ku san̄ulu ndi? Kuma kumwazivukile tunde a simbu yakutanga kaye?

Isaya 40:22

Njambi ikeye muka-kushwana kaye koshe vanu voshe valinakuyoyao, vanapu lika ngwe mishwa. Ikeye wajangumwine lilu, ngwe nanga, ngwe mbalaka yakushokolola.

Isaya 42:5

Njambi watangele melu nakuwajangumuna, ikeye wajalele kaye na vyoshe vije vilimo, ikeye mukakwana mwonyo kuli vanu voshe va mu kaye. Co ololo Shukulu Kalunga Njambi nendeka kuli ngamba yendi ngwendi,

Isaya 43:1

Isalele, Shukulu Kalunga uje wamitangele alinakwendeka ngwendi, “Kesi muzive lyova, njikamyamena. Njakusana a lizina lyove, ngeci unapu u wange.

Isaya 44:24

“Yange Kalunga, muyoyesi weni, yange uje wamitangele, yange Kalunga, Ishamatanga wa vyuma vyoshe. Ange lika njajangumwine melu, omo njajalele kaye, naumo wai wanjikwaseleko.

Isaya 45:12

Yange njatangele kaye, nakutanga munu ngeci ayoyeleo. Njajangumwine melu na nzili yange, yange muka-kushika litangwa, na ngonde, na vingongonosi.

Isaya 45:18

Shukulu Kalunga ikeye watangele melu, ikeye lika Njambi! Ikeye wamungile nakutanga kaye, wakolesele kaye mbe, nakukala ku myaka yoshe. Katangele kaye ngeci kapwe ngwe mambo embwe, oloni apwe akuyoyela vanu. Ikeye nendeka ngwendi, “Yange njapwa Kalunga, kukwesi njambi weka lalo.

Isaya 48:13

Njatangele kaye na mavoko ange, nakujangumuna lilu. Lilu na kaye vyononoka kushika kwange kwoshe.

Isaya 49:26

Vaje vakakuyandesa vakalitsiya umo na mukwavo, vakapenda nakunwa maninga avo vavenya. Asinoni munu woshe akazivuka ngeci yange njapwa Kalunga, Njambi wa nzili wa Isalele, uje muka-kumyamena nakumipatula.”

Isaya 54:14

Vushunga na vuvwa vikakukolesa. Ukakala mwamuvwa kuvakakuyandesa nambe kukuzivisa lyova.

Isaya 57:11

Shukulu Kalunga alinakwendeka ngwendi, “Vinjambi mukajo ava valinakumizivisa lyova, ngeci mulinakwendeka makuli nakunjivala ivya? Munalikela kunjisingimika omwo njinoloka simbu yakama ndi?

Isaya 7:4

Mulekeni ananguke, ngeci akale mu kwoloka, co kesi azive lyova nambe kujujuka a vukalu vwakama vwa Mwene Lezine wa ku Silya, na vukalu vwa Mwene Peka vuje vunapu ngwe vimbundi vivali vya tuhya vilinakukakama vwisi.

Isaya 9:4

Omwo unapokola mandauluwa ya vaje vayandesele nakupakesa vanu vove, unafungulula muyati uje wayandesele nakulinga mwamuvi vanu vove ngwe muwafungulwile mashwalale va Mindyani laja.

Njelemiya 2:32

Kuma shombolwa asa kwivala vyakuzala vyendi vya senga, nambe cikoveyo cendi ca vushombolwa ndi? Oloni vanu vange vananjivala matangwa amangi manene.

Njelemiya 38:19

Oloni mwene wakumbulwile ngwendi, “Yange njili na lyova lya vaYunda vaje vatewelele kuli vaMbambilone, amo vakanjana ku mavoko ava vaYunda, co vakanjiyandesa manene.”

Njelemiya 41:18

Vazivile lyova lya vaMbambilone omwo Ishimela watsiile Ngendaliya, uje yapwisile nguvulu wa mu Mbambilone mwene wa lifuti.

Njelemiya 51:15

Shukulu Kalunga watangele kaye na nzili yendi, watangele kaye na mana endi, co wajangumwine melu.

Njelemiya 51:19

Njambi ya Yakomba kalifwile natwo embwe, ikeye watangele vyuma vyoshe, co waangwile Isalele kupwa vanu vendi. Lizina lyendi ikeye Shukulu Kalunga Muka-nzili yoshe.

Ndanyele 3:15

Ngecivene, ololo, omo mukaziva kwimba kwa malupembo, na vindamba, na visanzi, na misambo, na tulyalya, na vyoshe vyakwimbisa vyeka, co kulameni nakulemesa kamponya. Nga sheni, co vakamyumbila mu litende lya tuhya. Kuma yeni munayongola ngweni kuli njambi weka lalo uje asa kumyamena ndi?”

Ndanyele 3:18

Oloni nga ikeye kasa, co yove shukulu zivuka ngwove mwa vushunga yetu kutwasa kulemesa njambi yove, co lalo kutwasa kukulama nakulemesa kamponya ka ngolinde kaje kaunemika.”

Ndanyele 3:19

Co Nevukaneza waluvalele manene, cihanga cendi cafufutukile na vukalu ali Shandelaki, na Meshake, na Ambendenengo. Washikile vanu vendi ngeci vashambeye manene litende lya tuhya visimbu vitanu na vivali ngeci lishukume manene kutuvakana mulikashukuminamo visimbu vyoshe.

Vilinga vya Miluwa 12:23

Aje vene kangelo ka Mwene wapupile Helonde, omwo kaanene kasingimiko kuli Njambi. Co mainyo vamulile, co watsile.

1 Kolinte 1:20

Ngecivene, muka-mana ali kuli? Nambe vaka-kulilongesa? Nambe muka-vimata wa mutongwe wa ano a kaye? Njambi namwesa ngeci mana a ano a kaye anapu a vulema!

1 Kolinte 15:55

“Ove Kutsa, kuhyana kwove cilikulijo? Ove Kutsa, nzili yove yakuvulumuna ilikulijo?”

Kwituluka mu Mashiko 32:18

Co vevalele Njambi yavo, muyoyesi wavo ikeye muka-nzili, uje wavanene mwonyo.

Kwituluka mu Mashiko 6:12

Ngecivene, nyanyameni kutewa mukevale Shukulu Kalunga uje wamitundisile mu Ingito kuje yeni mwapwile mu vindungo.

Kwituluka mu Mashiko 8:11

“Ngecivene, nyanyameni kutewa mukevala Shukulu Kalunga Njambi yeni a kwononoka mashiko endi, na vilongesa vyendi, na vizilika vyendi evi njimishika ku litangwa lya lelo.

VaHevelu 11:15

Mwa vushunga kuvayongwele lifuti lije livasezele, nga valiyongwele nga vamwene mwakwilukako.

Kujombolola 19:20

Co uje cikashama vamupwisile cinzinda, amo na muka-kwimanena wa makuli uje walingile vizivukiso ku mesho endi. (A vizivukiso vije vene akeo akwisilile vaje vakele na cizivukiso ca uje cikashama na vaje valemesele kamponya ka uje cikashama.) Uje cikashama na uje muka-kwimanena wa makuli vavombilile anga vaciyoya mu lishali lya tuhya twakushukuma na sulufa.

Kujombolola 20:9

Vashandokelele ano asi oshe, co vazengelekele cilombo ca vanu va Njambi na nganda ije yazema. Oloni tuhya twatundile mwilu, co twavanyongesele.