Isaya 51:1 - Livulu lya Shukulu Kalunga

¹ Shukulu Kalunga alinakwendeka ngwendi, “Tolilileni kuli yange, yeni mushaka kumyamena, yeni mwija kuli yange mukumikwasa. Yongoleni limanya kuje kumwatundile, na ku mbulu kuje kuvamiindile.

Isaya 51:1 Iomraidhean Croise

2 Mizimbu 15:2

co waile nakuliwana na Mwene Asa. Co watambekele ngwendi, “Njitolilile, yove Mwene Asa, neni vanu voshe va Yunda na Mbenjemani njitolilileni! Shukulu Kalunga ali amo neni, omo yeni muli amo nendi, nga mumushakezeka, mukamuwana, oloni nga mutunda kuli ikeye, co akamiseza.

2 Mizimbu 15:4

Oloni omo vukalu vwezile, co vatengulukilile kuli Shukulu Kalunga, Njambi ya Isalele. Vamushakezekele, co vamuwanene.

Myaso 24:6

Vanu va cifwa cangacije vakevo vakashakezeka Shukulu Kalunga, vakevo vakashakezeka cihanga ca Njambi ya Yakomba.

Myaso 94:15

Vushunga vukeluka lalo ku vaka-kulongwa, co voshe vaje vaka-kupanga mwamuvwa vakavukavangeya.

Visimo 15:9

Shukulu Kalunga akazivi vunyengwe a vingila vya vaka-vuvi, oloni wazema vanu vaje valinga vya vushunga.

Visimo 21:21

Munu uje alinga vushunga na ngozi, akawana mwonyo, na vushunga na kasingimiko.

Isaya 45:19

Kunjendekele mu vushweke embwe, nambe kushweka vutumbe vwange. Kunjashakele vanu va Isalele ngeci vanjishakezeke mu vingundu vyangoco embwe. Yange njapwa Kalunga, muka-kwendeka vushunga, njizivuka vyuma vije vinapu vya vushunga.”

Isaya 48:1

Yeni vanu va Isalele tolilileni evi, yeni mwatunda kuli Yunda, yeni mukalisingi na lizina lya Shukulu Kalunga, co mulitumbula kupwa vaka-kulemesa Njambi ya Isalele, oloni kumwesi kulinga vije mwendeka.

Isaya 48:12

Shukulu Kalunga alinakwendeka ngwendi, “Njitolilileni, yeni vaIsalele, vanu vaje vanjinasana! Yange njapwa Njambi, wakulivanga na mamaneselelo, Njambi umolika!

Isaya 51:4

“Vanu vange tolilileni kuli yange, tolilileni ku vije njendeka. Njana vilongesa vyange ku miyati ya vanu, mashiko ange akavatwila ceke.

Isaya 51:7

“Tolilileni kuli yange, yeni muzivuka vije vya vushunga, yeni vanu vange munanyungu vilongesa vyange mu vimbunge vyeni. Kesi muzive lyova omo vanu vamishaula,

Isaya 55:6

Tengulukileni kuli Shukulu Kalunga nakulombela kuli ikeye omo acili muyehi.

Isaya 65:10

Vakanjilemesa, co vakatwala vimanga vavo na vingombe vavo ku mwila ku Cana ca Shalone mu kangombe ka yambi na mu Cimbongo ca Tuyando mu ngangela.

Amose 5:6

Ilukeni kuli Shukulu Kalunga ngeci muyoye. Nga kumumushakezeka, co akaija ngwe tuhya ali vanu va Isalele. Tuhya tukenyeka vanu va ku Mbetele, co naumo wai akasa kutuzima.

Zefaniya 2:3

Ilukeni kuli Shukulu Kalunga yeni voshe vaka-kulilumbilisa va mu lifuti, vaje valinakwononoka mashiko endi. Lingeni vije vya vushunga, co lilumbiliseni ku mesho a Shukulu Kalunga. Amo mukaputumuka ku cihiso a litangwa lije omo Shukulu Kalunga akasholola vukalu vwendi.

Mateo 5:6

“Vanavezika vaje vaka-kuziva njala na lihwila vya vushunga, omwo Njambi akavakutisa!

Mateo 6:33

Oloni akulivanga shakezekeni Vumwene vwendi, na vushunga vwendi, co vyoshe evi akamiwezelelavyo.

Loma 10:3

Omwo kuvazivukile ngila ije yakapwisa Njambi vanu ngeci vapwe vaka-vushunga ku mesho endi, oloni vakevo vaneseka kupangesa ngila yavo vavenya, ngecivene, kuvasele kulyana vakevo vavenya ku ngila ya Njambi ije yakapwisa vanu ngeci vapwe vaka-vushunga.

Loma 14:19

Ngecivene, simbu yoshe tunapande kuyongola a vyuma vije vinena kwoloka na vije vikwasa kutakamesa kuli umo na mukwavo.

Filipu 3:13

Mwa vushunga vene, vasamba vange, kunjasa kuyongola ngwange njacitambula laja embwe, nameme ngoco, njilinga cuma cimolika, njivale vyuma vili munima yange, co njilyolwela kuli vije vili kulutwe lwange.

1 Timateo 6:11

Oloni ali yove munu wa Njambi, tewa vyuma vyoshe vije. Kavangeya vushunga na vu Njambi nakukulaela na cizemo na lukakateya na kwoloka.

2 Timateo 2:22

Tewa ku mashungu a vukwenje, pangela lika vushunga nakukulaela na cizemo na kwoloka, amolika na vaje vatambeka kuli mwene na vimbunge vyakujela.

VaHevelu 12:14

Esekeni kukala mu kwoloka na vanu voshe, co lalo esekeni kuyoya na lyovwa-ovwa, omwo nga evi vyahi ku munu, co kakamono Mwene.