Isaya 50:6 - Livulu lya Shukulu Kalunga

⁶ Njavatavele ngeci vanjipupe a mwongo, nakushuta munjezi wange, kunjavavindikile omo vanjishawile nakujekwila ku mesho ange.

Isaya 50:6 Iomraidhean Croise

Nehemiya 13:25

Co njaluvalele na vaje vanalume, nakuvasinga, nakuvapupa, nakuvashutozola vin̄ambu vyavo. Njavasindiiye kulisinga mu lizina lya Njambi ngeci kesi vakelukilemo lalo vakevo nambe vana vavo kulyambatela na vaka-kwija.

Yombi 16:10

Vanu vananjishendumuna, vananjipupu ku nana, nakunjikungulukila.

Yombi 30:10

Vananjizindi nakunjijenjuka, omo vanjimona, co vajekula mate.

Myaso 129:3

Vanjitwile mikiki yakama mu mwongo wange, yapwile ngwe myonzongole.

Myaso 69:7

Omwo a lizina lyove vananjishaula, ngeci njili na shwamwa.

Myaso 69:8

Yange njinapu ngwe nji mungenzi kuli vandolome vange, njinapu ngwe nji muka-kwija ku naanga yange.

Isaya 53:5

Oloni vamutwile vimbandu omwo vuvi vwetu, vamupupile omwo kuvulumuna kwetu. Yetu tunakanguka omwo ikeye wambatele cihiso cetu, yetu vanatupwisa tuvamutunu, omwo ya vimbandu vije vamutwile.

Isaya 53:7

“Vamuyandesele, oloni wolokele kuluu, wolokele kuluu ngwe manga uje vatwala nakumutsiya, ngwe manga uje oloka kuluu kuli vaka-kumuteula.

Mbimbi 3:30

Nambe valinakutupupa nakututuka oloni tunapande kuvitambula vyoshe.

Mika 5:1

Vanu va mu Yelusalema, kungululeni mashwalale veni! Vanatuzengeleka! Valwisa ntwama wa Isalele!

Kulava 12:14

Oloni Shukulu Kalunga wakumbulwile Mosesa ngwendi, “Nga ishe namwawilile, nga nakala matangwa atanu na avali na shwamwa ndi? Ngecivene, mutuwiseni akale anja ya cilombo matangwa atanu na avali, co kutundoo mwasa kumwilwisilamo lalo.”

Mateo 26:67

Asinoni vamujekwilile mate ku mesho, co vamupupile vimbanda

Mateo 27:26

Asinoni Pilato wecelele Mbalambasa, co wapupile Yesu makote, co wavaneneye ngeci vakamushukike a cilindakano.

Mateo 27:30

Co vamujekwilile mate, co vamutambwile cije citi, vamupupisileco ku mutwe.

Mateo 5:39

Oloni yange njimileka ngwange, kesi ulinge shambandinga kuli munu uje akulinga mwamuvi. Oloni nga munu akupupa ku nana yove ya ku cilyo, mutengulwile lalo ku nana ya ku cimoshwe.

Mako 14:65

Co vamo vavo vashangumukile kujekwila mate Yesu, co vamukutile nanga ku mesho nakumupupa ngwavo, “Tuleke iya nakupupu!” Co vaka-kunyunga vamutambwile nakumupupa vin̄ome.

Mako 15:19

Co vamupupile na citi ku mutwe, co vamujekwilile mate, co vatsikamene a mavuli nakumulemesa.

Yowano 18:22

Omo Yesu wendekele ngacije, umo wa vaka-kunyunga wemanene kuje wapupile Yesu mbanda wendekele ngwendi, “Yove ukumbulula Muka-kukombelela Wakama ngacije ndi?”

VaHevelu 12:2

Co tukengeni mesho etu ntoma ali Yesu, ali uje kukulaela kwetu cinemana kutunda kukushangumuka kwetu na ku shongo. Kajukile omwo cilindakano! Omwo kujolela cije camuvandamenene, kazivile shwamwa omwo kutsa a cilindakano, co ololo natumbama ku livoko lya cilyo lya litanda lya Njambi.